Hewlêr-KDP.info: îro 6ê Tîrmehê Serokwezîrê Herêma Kurdistanê Mesrûr Barzanî pêşwazî Serokê parlementoya Îraqê Dr. Mehmûd Meşhedanî kir.
Di hevdîtinê de hat tekezkirin ku divê pirsgirêka mûçeyan di zûtirîn dem de were çareserkirin û karmendên Herêmê nebin baca nakokiyên siyasî.

Her du aliyan tekezî li ser wê yekê kir ku pêwîst e di zûtirîn dem de pirsgirêka mûçeyê were çareserkirin û mafên darayî yên Herêma Kurdistanê bên şandin. Di vê derbarê de, guftûgoyên di navbera her du hikûmetên Herêm û Federal berdewam in, ji bo kêşe di van çend rojan de bê çareserkirin.
Di mijareke din a hevdîtinê de, her du aliyan tekezî li ser pêwîstiya rêzgirtina li sîstema federalî ya Iraqê û mafên destûrî yên qewareya Herêma Kurdistanê kirin.