ھەولێر-KDP.info-  وه‌غه‌را دویماهیێ یا خه‌باتكار و تێكۆشه‌ر و كه‌ساتیێ به‌رنیاسێ به‌هدینا و كوردستانێ، خودێ ژێ ڕازى محسن ئامێدى، خه‌مبار كرین. ب گه‌رمى سه‌رساخیێ ل ڕێزدار محه‌مه‌د محسن ئامێدى و بنه‌مالا وان یا دلسۆز و كه‌سوكارێن وان یێن هێژا دكه‌م. هه‌ڤسۆز و هه‌ڤخه‌مێ وانم. ژ خودایێ مه‌زن هیڤیخازم گیانێ وى ب دلۆڤانییا خۆ شاد بكه‌ت و سه‌بر و ئارامیێ بده‌ته‌ هه‌میا.

خودێ ژێ ڕازی محسن ئامێدى وه‌ك تێكۆشه‌ره‌كێ ژ مالباته‌كا خه‌باتكار و دلسۆزێت كوردستانێ، وه‌ك مرۆڤه‌كێ فیداكار و وه‌لاتپارێز، هه‌مى ژیێ خۆ د ڕێكا خزمه‌ت و پێشمه‌رگاتیێدا بۆ گه‌ل و وه‌لاتێ خۆ ده‌رباز كر و بۆ ڤێ ئێكێ گه‌له‌ك نه‌خۆشى و زه‌حمه‌ت و تالى دیتن. گیانێ وى شاد و بیرهاتنا وى هه‌رتم زندى بیت.

نێچیرڤان بارزانى

سه‌رۆكێ هه‌رێما كوردستانێ