Hewlêr-KDP.info-Berpirsê liqa 2 ya Partiya Demokrat a Kurdistanê (PDKê), amaje dide rola hekîmane ya Serok Barzanî ji bo bi nêvdweletkirina rûbirûbûna terorê û parastina Kurdistanê ji metirsiyan û dibêje di pişgirîkirina Pêşmerge de û herwiha parastina rewşa Herêma Kurdistanê, dê hemaheng û hevkar bin.
Bi mebesta gehandina peyama serkirdatiya PDKê û behiskirina vê rewşa niha, berpirsê liqa 2 ya Partiya Demokrat a Kurdistanê (PDKê) Elî Husên, îro ligel hijmark mezin ji kadirên siyasî û îdarî yên sînorê bajarê Hewlêrê kombû.
Berpirsê liqa 2 piştî rawestandina li ser rewşa siyasî û leşkerî ya herêmê, peyama serkirdatiya Partiya Demokrat a kurdistanê (PDKê) di rûbirûbûnê de û çawaniya mamelekirina ligel vê qonaxa niha di parastin û berevaniyê li ezmûna dîmokrasiya Kurdistanê, ji bo kadirên PDKê zelal kir.
Elî Husên, herwiha behsa çawaniya hemahengiya kadirên siyasî ligel dezgehên asayiş û polîsan kir bo parastina aramî û asayişa bajarê Hewlêrê, di vê bareyê de jî pesnê kadirên PDKê kiku di çend rojên bûrî de rola xwe dîtin.
Berpirsê liqa 2 ya Partiya Demokrat a Kurdistanê (PDKê), hevdem amaje bi rola hekîmane a Serok Barzanî da, bo bi nêvdweletkirina rûbirûbûna terorê û parastina Kurdistanê ji metirsiyan û di vê bareyê de jî rola Pêşmerge û morala wam ya bilind li dijî terorîstên DAIŞê û kontrolkirina navçeyên Mexmûr û Giwêr, bilind nirxandin.
ELî Husên herwiha tekez li ser wê yekê kir ku “em hemû bi hestekî nîştîmanperwerî di bin ronahia vê rewşa nû de ne û peyama PDKê ji bo piştgîriya li Pêşmerge wek erkekî neteweyî û parastina rewşa Herêma Kurdistanê û hemû ew destkeftan, dê hemaheng û hevkarbin.”