Kurdî  ■  كوردی  ■  عربي
WED, 11 DEC 2019 14:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆكایه‌تیی په‌رله‌مان داوای کردووە، ھەر فراکسیۆنێک رای حیزبەکەی لەبارەی پرسی سەرۆکایەتیی ھەرێم ئامادە بکات
| KDP.info


ھەولێر-KDP.info-  سکرتێری پەرلەمانی کوردستان دەڵێت، گفتوگۆی بەردەوام دەکەین بۆ ئەوەی پرسی سەرۆکایەتیی ھەرێمی کوردستان یەکلایی بکەینەوە و، لەئێستایشدا داوامان لە فراکسیۆنەکان کردووە رای حیزبەکانی خۆیان لەبارەی ئەو پرسە ئامادە بکەن.

سکرتێری پەرلەمانی کوردستان (فەخرەدین قادر) بە ماڵپەری فەرمیی پارتیی دیموکراتی کوردستانی راگەیاند: "ئێمە لەبارەی پرسی سەرۆکایەتیی ھەرێمی کوردستان کۆبوونەوەیەکمان لەگەڵ فراکسیۆنەکانی پەرلەمان ئەنجام داوە و تێیدا داوامان کردوو رای حیزبەکانی خۆیان ئامادە بکەن و، بڕیاریش وایه‌ حەفتەی داھاتوو کۆبوونەوه‌یەکی دیکە بۆ ھەمان مەبەست ئەنجام بدەین و بە گەرمی لەسەر ھێڵ دەبین.''

(فەخرەدین قادر) گوتیشی، پێویستە ئەو پرسە بە سازان یەکلایی بکرێتەوە و، تاوەکو ناوەڕاستی مانگی شەش لەگەڵ فراکسیۆنەکان بەردەوام گفتوگۆ دەکەین، ئەگەر رای خۆیان ئامادە نەکرد، پێیان دەڵێین پڕۆژەیاسایەک ئامادە بکەن یاخود یاسای سەرۆکایەتیی ھەرێم ھەموار بکرێتەوە، یاخود ھەر رێگایەکی دیکە باش بێت دەگرینە بەر بۆ یەکلاییکردنەوەی ئەو پرسە، ئەوکات رای حیزبەکانیش ڕوون دەبێتەوە.''

شیاوی باسه‌ له‌ یه‌كه‌م كۆبوونه‌وه‌ی ئه‌مڕۆی لیژنه‌كه‌ی ئاماده‌كردنی ده‌ستووردا حەوت كەسیان وەك نوێنەری حەوت لایەنی سیاسی هەڵبژێردراون بۆ نووسینەوەی كارنامەی لیژنەكە. ئەو حەوت كەسە كارنامەی لیژنەی ئامادەكردنی دەستووری كورستان بۆ راپرسی دەنووسنەوە.

بڵند ئیبراھیم




دوایین هەواڵەکان

یەکێتی ئافرەتانی کوردستان لە شەست و حەوتەمین ساڵەی دامەزراندنیدا

WEDNESDAY, 11 DECEMBER 2019 13:12:18

د. ڤیان سلێمان

 
جێگری سەرۆکی پارتی دیموکراتی کوردستان، پەیامێک ئاڕاستەی یەکێتی ئافرەتان دەکات

WEDNESDAY, 11 DECEMBER 2019 11:12:46

هەولێر-KDP.info- نێچیرڤان بارزانی جێگری سەرۆکی پارتی دیموکراتی کوردستان، بە بۆنەی ٦٧ەمین ساڵیادی دامەزراندنی رێکخراوەکەیانەوە، پەیامێک ئاڕاستەی یەکێتی ئافرەتانی کوردستان دەکات، و دەڵێ ئەو رێکخراوە خاوەنی مێژوویەکی پڕ سەروەری و تێکۆشانە، ڕۆڵی گرینگ و بەرپرسیارانەی هەبووە لە قۆناغە جیاجیاکانی خەباتی نیشتیمانی و نەتەوەییماندا و، پێشەنگی خەباتی مەدەنی و ڕێکخراوەییە لە کوردستاندا.

 
سارا دڵشاد: پارتی هەمیشە پاڵپشتی پێكهاتەكانە

WEDNESDAY, 11 DECEMBER 2019 11:12:26

هەولێر-KDP.info- پەرلەمانی كوردستان، دوێنێ بە دەنگی ئەندامانی پارتی دیموكراتی كوردستان و كریستیانەكان، خوێندنەوەی یەكەمی بۆ پێشنیازەبڕیارێكی توركمانەكان كرد، پەرلەمانتارێكی كوردستانیش لە فڕاكسیۆنی پارتی گەشەپێدانی توركمان دەڵێت، دەستخۆشی لە پارتی دیموكراتی كوردستان دەكەین، كەوا هەمیشە پاڵپشتی نەتەوەی توركمان و پێكهاتەكانی ترە لە هەرێمی كوردستان.

 
"ئەمڕۆ ئەنجومەنی وەزیران پڕۆژەیاسای چاكسازی و مووچە و دەرماڵە پەسەند دەكات"

WEDNESDAY, 11 DECEMBER 2019 10:12:27

هەولێر-KDP.info- ئەمڕۆ ئەنجومەنی وەزیرانی هەرێمی كوردستان كۆدەبێتەوە و، پڕۆژەیاسای چاكسازی و مووچە و دەرماڵە و بەخشین و ئیمتیازاتەكانی دیكە پەسەند دەكات و رەوانەی پەرلەمانی دەكات، سەرۆكی فراكسیۆنی پارتیش، دەڵێ، هەر كاتێك پڕۆژەكە بگاتە پەرلەمان، رێكارە یاساییەكان دەگرنە بەر.

 
مەیادە نەجاڕ: دەبێ پڕۆژەیاسای بودجەی 2020ی عێراق پێش سەری ساڵ بگاتە پەرلەمان

WEDNESDAY, 11 DECEMBER 2019 10:12:33

بەغدا-KDP.info- پەرلەمانتارێكی كورد لە لیژنەی ئابووری و وەبەرهێنانی ئەنجوومەنی نوێنەرانی عێراق دەڵێ، بۆ ڕەوانەكردنی بودجەی 2020ی عێراق بۆ پەرلەمان، پێویست بە هیچ دەرچەیەكی یاسایی ناكات و كێشەی نییە، دوای پەسەندكردنی پڕۆژەیاسای هەڵبژاردنی ئەنجوومەنی نوێنەرانیش، ڕاستەوخۆ كار لەسەر پڕۆژەیاسای بودجە دەكرێت.

 


 
© 2018 Kurdistan Democratic Party, KDP