Kurdî  ■  كوردی  ■  عربي
MON, 4 JUL 2022 19:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمانتارێکی پارتی: لە چەند کاتژمێری داھاتوودا پێشنیاری نوێ بۆ ڕەوشی عێراق دەبێت
| KDP.info


بەغدا -KDP.info- بڕیارە پەرلەمانتارە سەربەخۆکان پێشنیارێک بۆ ڕەوشی عێراق بخەنە بەردەم لایەنە عێراقیەکان و پەرلەمانتارێکی پارتییش دەڵێت، پێشنیارەکە بۆ گەیشتنی چوارچێوەی ھەماھەنگی و ڕزگاری نیشتمانییە بە ڕێککەوتن.

سیپان شێروانی، پەرلەمانتاری پارتی لە بەغدا، بە ماڵپەڕی فەرمیی پارتی دیموکراتی کوردستانی ڕاگەیاند: "نوێترین پێشھاتی ڕەوشی عێراق پێشنیاری پەرلەمانتارە سەربەخۆکانە و لە چەند کاتژمێری داھاتوودا پێشنیاری خۆیان دەخەنە بەردەم لایەنە عێراقییەکان، پڕۆژەکەیان بۆ گەیشتنی چوارچێوەی ھەماھەنگی و ڕزگاری نیشتمانی بە ڕێککەوتن لەبارەی پێکھێنانی حکوومەتی نوێی عێراقە و پێشنیاری دیکەش دەبن لە چەند ڕۆژی داھاتوودا.''

پەرلەمانتارەکەی پارتی دەڵێت: "ھیچ شاندێکی پارتی بۆ دانوستان سەردانی بەغدای نەکردووە، چونکە ئەو ماوەیەی بۆ سەربەخۆکان دیاری کراوە ھێشتا کۆتایی نەھاتووە، چاوەڕێی لایەنەکان دەکەین بۆ دەستپێکردنی دانوستان.''

 

لەبارەی پێشنیاری چوارچێوەی ھەماھەنگی، سیپان شێروانی ئاماژەی بۆ ئەوە کرد: "ھیچ پێشنیارێک لەلایەن چوارچێوەی ھەماھەنگییەوە نەکراوە تا ئێمە قسەی لەسەر بکەین، ھەر پێشنیارێک بخرێتە ڕوو ئەوە ھەموو لایەنەکان دەبێت ئاگادار بن و ھیچ پێشنیارێک نەگەیشتووەتە لایەنەکان.''

 

قائید میرۆ


 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact