Kurdî  ■  كوردی  ■  عربي
MON, 4 JUL 2022 17:42 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەردانێکی مێژوویی و پڕ لە دەستکەوت بۆ هەرێمی کوردستان
| KDP.info


سەردانەکەی سەرۆکی حکوومەتی هەرێم بۆ لەندەن سەردانێکی مێژوویی و پڕ لە دەستکەوتە بۆ هەرێمی کوردستان. بەڵام ئەوەی جێگەی سەرسووڕمانە ڕەفتاری نامەسئولانە و نامۆڕالانەی ڕاگەیاندن و میدیاکانی یەکێتیە کە بە پۆششدانی  چالاکیی ژمارەیەک ئاژاوەگێڕ دیسان قووڵایی ڕق و کینەی خۆیان بەرانبەر شانازی و دەستکەوتەکانی کوردستان پێشان دا.

یەکێتی بە داخەوە لە بەرانبەر سەروەری و دەستکەوتەکان بۆ خەڵکی کوردستان دەستبەتاڵە و نەهجی ئێرەییبردن و تێکدانی گرتۆتەبەر ئەگینا سەرۆک وەزیرانی هەرێم لە باڵاترین ئاستدا لە وڵاتێکی زلهێز و کاریگەری جیهان پێشوازی لێ دەکرێت کە خۆی ئیعتبارێکی گەورەیە بۆ هەرێمی کوردستان کەچی لە بەرانبەردا یەکێتی پاڵپشتیی لە ژمارەیەک گێرەشێوێن و سەرلێشێواو دەکات کە بەدوای ئایدیۆلۆژیای سەیروسەمەرە و توندڕۆیی کەوتوون.

باشە خۆ ئەو شاندە یەکێتی و گۆڕانیشی تێدا بوو و، شاندەکە شاندی هەموو هەرێمی کوردستان بوو بۆچی دەبێ یەکێتی وا بێ شەرمانە بکەوێتە دژایەتیی سەردانێک کە لەپێناو بەرژەوەندیی گەلی کوردستانە.

یان ئەگەر مەبەستیان دژایەتیکردنی شەخسی سەرۆک وەزیرانە ئەوە هەمان سەرۆک وەزیرانەیە کە یەکێتی مەمنوونی ئەوە بوو جانتای بۆ هەڵگرێت.

ئەو یارییە بێ بەهایەی یەکێتی و میدیاکانی دەیکەن هیچ لە بایەخی ستراتیژیی سەردانی سەرۆکوەزیران بۆ لەندەن کەم ناکاتەوە و دژایەتیکردنی ژمارەیەک جاهیل و ئاژاوەگێڕ و جاشی ئایدیۆلۆژییە ئێکسپایەرەکان خۆی گەواهیە لەسەر سەرکەوتوویی سەرۆکوەزیران و سیاسەتەکەی و نیشان دەدات سەرۆکوەزیرانی هەرێمی کوردستان لەسەر ڕێگەیەکی دروستە و لەم ڕێگەیەدا سەردەکەوێت.

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact