بەڕێزان/ بەڕێوەبەر و ستافی بەڕێوەبردن و تێکڕای کارمەندانی دەزگای داسنیا بۆ رۆشنبیری و راگەیاندن
بە بۆنەی (١١)ەمین ساڵیادی دامەزراندنی (دەزگای داسنیا بۆ رۆشنبیری و راگەیاندن) گەرمترین پیرۆزبایی خۆمان ئاراستەی ئێوەی بەڕێز و بینەر و بیسەرانی رادیۆ و کەناڵە تەلەفزیۆنیەکانتان دەکەین و، ئومێدەوارین ھەمیشە بەردەوام و لە پێشکەوتن دابن.
دەزگای داسنیا وەکو تۆڕێکی راگەیاندن لە پارێزگای دھۆک لە بوارەکانی خێزان و منداڵان و کۆمەڵایەتی و ئایین و گەنجان و وەرزش و رۆشنبیری و راگەیاندن خزمەتێکی بەرچاوی کردووە و ١١ ساڵی تەمەنی پڕ دەسکەوت و بەخشش بووە، کە ئەمەش شایەنی پێزانین و سوپاسە.
لەم یادەدا وێڕای پیرۆزبایی گەرممان، پاڵپشتی خۆمان بۆ دەزگای داسنیا دووپات دەکەینەوە و ھیوادارین لە داھاتوودا بە پلانێکی گونجاو خزمەتی زیاتر بە داواکاری و ویستی ھاووڵاتیانی ئەو دەڤەرە ئازیزە بکەن و، ھەر سەرکەوتووبن...
دەزگای رۆشنبیری و راگەیاندنی
پارتی دیموکراتی کوردستان
١٤ـی ئاداری ٢٠٢٢