Kurdî  ■  كوردی  ■  عربي
SUN, 28 NOV 2021 05:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یونیسێف: مەترسی لەسەر تەندروستی و گەشەی منداڵانی عێراق هەیە
| KDP.info


بەغدا -KDP.info- ڕێكخراوی یونیسێف، لە ڕاپۆرتێكدا، ئاشكرای دەكات کە زیاتر لە نیوەی منداڵانی عێراق، ئاوی پێویستیان دەست ناكەوێ و، زۆرینەی خوێندنگەكانیش خزمەتگوزارییەكانی ئاویان تێدا نییە، ئەوەش کاریگەریی نەرێنی لەسەر تەندروستی و گەشەی منداڵان بۆ داهاتوو دەبێت.

بەپێی ڕاپۆرتەكەی یونیسێف كە لە مانگی ئابی 2021 بڵاو كراوەتەوە، نزیكەی سێ منداڵ لە هەر پێنج منداڵێكی عێراق، ناتوانن ئاوی پاكیان دەست بكەوێت و، كەمتر لە نیوەی قوتابخانەكان خزمەتگوزاریی سەرەكیی ئاویان هەیە، ئەوەش تەندروستیی منداڵان ڕووبەڕووی مەترسی دەكاتەوە و، هەڕەشە لە گەشە و داهاتوویان دەكات.

ڕاپۆرتەكە، كە هاوكات بوو لەگەڵ هەفتەی جیهانیی ئاو، ئاماژە بە هۆكارەكانی كەمیی ئاو لە خۆرهەڵاتی نێوەڕاست دەكات، لە نێویاندا عێراق و باكووری ئەفەریقا، کە لە ئەنجامی زیادبوونی خواستی كشتوكاڵی و فراوانبوونی زەویی كشتوكاڵی پشتبەستوو بە ئاوی ژێرزەوین.

كەرتی كشتوكاڵ لەسەر ئاستی جیهانی، سەدا 70ی ئاو بەكار دەهێنێت، بەڵام وەك لە ڕاپۆرتەكەدا هاتووە لە خۆرهەڵاتی نێوەڕاست ئەو ڕێژەیە زیاتر لە سەدا 80یە.

شیما سێنگوپتا، نوێنەری یونیسێف لە عێراق باسی لەوە کردووە کە ئاستی كەمئاوی لە عێراق، گەیشتووەتە مەترسی و، منداڵان ناتوانن گەشە بكەن و بگەنە توانای تەواوی خۆیان بەبێ ئاو. ئاماژەی بەوەش داوە، كاتی ئەوەیە هەندێ كار دەربارەی گۆڕانكاریی كەشوهەوا و گرەنتی گەیشتنی ئاو بە هەموو منداڵێك بكرێت.

بەپێی ڕاپۆرتەكە، گۆڕانكارییەكانی كەشوهەوا تەنیا هۆكاری كەمئاوی نییە، بەڵكوو هۆكاریشە بۆ كەمبوونەوەی ئاوی باران بۆ كشتوكاڵ و خراپبوونی كوالێتیی ئاوی شیرینی یەدەگ.

لە عێراق وەرزی بارانبارینی 2020-2021، وشكترین وەرز بوو لە ماوەی 40 ساڵی ڕابردوودا و، هۆكار بوو بۆ دابەزینی شەپۆلی ئاوی دیجلە بە ڕێژەی لە سەدا 29 و فورات بە ڕێژەی لە سەدا 73.

 

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact