Kurdî  ■  كوردی  ■  عربي
FRI, 24 JAN 2020 11:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەو دوو مووشەكەی لە دەوروبەری هەولێر و بەردەڕەش كەوتوونەتە خوارەوە، بێ زیان بوون
| KDP.info


هەولێر-KDP.info- بەڕێوەبەری پۆلیسی هەولێر رایگەیاند، ئەو مووشەكەی شەوی ڕابردوو كەوتووەتە خوارەوە، 5 كیلۆمەتر لە فڕۆكەخانەی هەولێرەوە دوورە و هیچ زیانی ماددی و گیانیی نەبووە. سەرچاوەیەكیش لە ئاسایشی بەردەڕەش دەڵێ، ئەو مووشەكەی لە نزیك بەردەڕەش كەوتە خوارەوە، زیانی گیانیی بەدواوە نەبووە.

بەڕێوەبەری پۆلیسی هەولێر، لیوا عەبدولخاڵق تەڵعەت، بۆ ماڵپەڕی فەرمیی پارتی دیموكراتی كوردستان گوتی، ئەو مووشەكەی شەوی ڕابردوو كەوتووەتە خوارەوە، 5 كیلۆمەتر لە دووری هەولێر بووە و تەنها یەك مووشەكیش بووە.

تەڵعەت گوتیشی، بە هۆی كەوتنەخوارەوەی ئەو مووشەكەوە، هیچ زیانی گیانی و ماددیی نەبووە.

شەوی ڕابردوو بە هۆی كەوتنە خوارەوەی مووشەكێك لە سنووری هەولێر، خەڵكی هەولێر هەستی بە دەنگێكی گەورە كرد، بەڵام خۆشبەختانە زیانی گیانی و ماددیی بەدواوە نەبووە.

لە لایەكی دیكەشەوە، سەرچاوەیەك لە ئاسایشی قەزای بەردەڕەش بە ماڵپەڕی فەرمیی پارتی دیموكراتی كوردستانی ڕاگەیاند، ئەو مووشەكەی لە نزیك بەردەڕەش كەوتە خوارەوە، زیانی گیانیی بەدواوە نەبووە و تەنها هەندێك زیانی ماددی هەبوون.

سەرچاوەكەی ئاسایش گوتی: "شەوی ڕابردوو مووشەكێك لە نێوان بەردەڕەش و كەمپی گەویلان كەوتە خوارەوە، كە لەلایەن ئێرانەوە ئاراستەی بنكەكانی ئەمەریكا كرابوو و لەشەوی ڕابردووشەوە بە دوای مووشەكەكەدا دەگەڕێین، بەڵام بەم بەیانییە شوێنەكەیمان دۆزییەوە".

سەرچاوەكە باسی لەوەش كرد، ئەو مووشەكە هیچ زیانێكی نەبووە و تەنها جامی هەندێك ماڵ و دوكان شكاون.

هاوكات قایمقامی قەزای بەردەڕەش، خەلیل مەحموود، ئەم هەواڵەی پشتڕاست كردەوە و رایگەیاند، تا ئێستا نازانرێت هۆكاری كەوتنەخوارەوەی مووشەكەكە چییە و لێكۆڵینەوە لە رووداوەكە دەستی پێكردووە، زیانی گیانییش نەبووە و تەنها جامی هەندێك ماڵ و دوكان بە هۆی دەنگی مووشەكەكەوە شكاون.

 

بڵند ئیبراهیم




دوایین هەواڵەکان

سه‌رۆكى هه‌رێمى كوردستان له‌گه‌ڵ وه‌زیرى ده‌ره‌وه‌ى عومان كۆبووه‌وه‌

THURSDAY, 23 JANUARY 2020 19:01:25

داڤۆس-KDP.info-  سه‌رۆك نێچیرڤان بارزانى پرسه‌ و سه‌ره‌خۆشیى خۆى بۆ گه‌ل و حكوومه‌تى عو‌مان دووپات كرده‌وه‌ به‌ له‌ده‌ستدانى خوالێخۆشبوو سوڵتان قابووس بن سه‌عید سوڵتانى پێشووى عومان، هه‌روه‌ها پیرۆزباییى ده‌ستبه‌كاربوونى له‌ سوڵتانى تازه‌ خاوه‌نشكۆ هه‌یسه‌م بن تارق ئال سه‌عید كرد و خواستى هه‌رێمى كوردستانى بۆ په‌ره‌پێدانى په‌یوه‌ندییه‌كانى له‌گه‌ڵ عومان ده‌ربڕى.

سەرۆك بارزانی پێشوازی لە وەزیری وەرزش و لاوانی عێراق دەكات

THURSDAY, 23 JANUARY 2020 18:01:38

هەولێر-KDP.info-  ڕۆژی پێنجشەممە 23ـی 1ـی 2020 سەرۆك مەسعود بارزانی پێشوازی لە د. ئەحمەد ریاز تالب وەزیری وەرزش و لاوانی عێراق كرد.

نێچیرڤان بارزانی: سەرهەڵدانەوەی داعش جیدییە و عێراق پێویستی بە ئەمریکایە

THURSDAY, 23 JANUARY 2020 17:01:38

هەولێر-KDP.info-  سەرۆکی هەرێمی کوردستان لە پانێڵێک لە داڤۆس لەبارەی ئاڵۆزی و پشێوییە بەردەوامەکانی رۆژهەڵاتی ناوەڕاست و عێراق قسەیکرد و باسی لە گرژییەکانی عێراق، دۆخی خۆپیشاندانەکان و کاریگەرییەکانی لەسەر هەرێمی کوردستان کرد. نێچیرڤان بارزانی، سەرۆکی هەرێمی کوردستان لە پانێڵەکەدا لە وەڵامی پرسیاری ئایا دەکرێت هەرێمی کوردستان خۆی بەدوور بگرێت لە ئەو دۆخەی لە عێراق هەیە و خۆی جیا بکاتەوە؟ ئاماژەی بەوە کرد، رووداوەکانی عێراق کاریگەرییان لەسەر هەرێمی کوردستان هەیە، هەرێمی کوردستان ناتوانێت خۆی لە عێراق جیابکاتەوە.

"حکوومەت ئامادەکاری بۆ وەرگرتنەوەی پڕۆژەکانی وەبەرھێنان دەکات "

THURSDAY, 23 JANUARY 2020 15:01:31

هەولێر-KDP.info- لە ھەرێمی کوردستان خزمەتگوزاریی نێو پڕۆژەکانی وەبەرھێنان لەلایەن وەبەرھێنەرەوە پێشکەش بە دانیشتووانی نێو یەکەکان دەکرێت و مانگانە پارەیەکی زۆر لە بەرانبەر خزمەتگوزارییەکانی وەک کارەبا و ئاو و فڕێدانی زبڵ و سیکیۆرێتی لە ھاووڵاتیان وەردەگیرێت.

 

لێدوانێک لە گوته‌بێژی حكومه‌تی هەرێمی کوردستانەوە‌

THURSDAY, 23 JANUARY 2020 14:01:33

هەولێر-KDP.info-  ئێوارەی رۆژی هه‌ینی 2020/1/24 کاتژمێر 8:45 ، تەرمی پێنج لە قوربانیانی  بەلەمی نوقومبووی  دەریای ئیجە بە ناوەکانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەکر) لەسەر ئەرکی حکومەتی هەرێمی کوردستان دەگاتەوە فڕۆکەخانە نێودەوڵەتیی سلێمانی.



 
© 2020 Kurdistan Democratic Party, KDP