Kurdî  ■  كوردی  ■  عربي
TUE, 10 DEC 2019 22:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Êzdî: PKKê li Şingalê bûne fermanberên Iraqê..Pêwîstiya Şingalê bi Heşda Şeibî tune ye
| KDP.info


Şingal-KDP.info- Êzdî dibêjin, PKKê hêzeke biyanî ye û hatiye Şingalê û 
 
Hikûmeta Iraqê mûçeyan dide wan. Herwiha dibêjin, me ji nûnerên welatan 
 
û konsulan re gotiye ku Bexda pereyan dide PKKê û ev karê Iraqê nedisturî 
 
ye.
 
Çavdêrekî siyasî ku nexwest navê wî bê eşkerekirin ji malpera KDP.info re 
 
ragihand: “Dijmin dixwaze li hemû eniyan lîstikên xwe bike, ew jî tenê bo ku 
 
pêvajoya referandumê jinav bibe û tevliheviyê bîne navçeyên Kurdistanî 
 
yên derveyî îdareya Herêmê de. Ev jî pilaneke Hikûmeta Iraqê ye ku PKK 
 
aniye wan cihan û pereyan dide wan û hin êzdî jî xistiye destê PKKê de da ku 
 
pirsgirêkan derxînin.”
 
Qayîmqamê Şingalê Mehma Xelîl ji malpera KDP.info re ragihand: “Niha 
 
dema avakirina Şingalê ye. Duhî berxwedan û îro avakirin û sibe jî 
 
pêkvejiyan e. Her kesek ku rêgiriyê ji avakirinê re bike dê li hemberî dîrokê 
 
şermezar bibe û tawanbar e. Me ji hemû aliyan û ji konsulên welatan re 
 
ragihand ku PKKê ji aliyê Hikûmeta Iraqê ve alîkariya wê tê kirin û ne di 
 
berjewendiya Şingalê de ne û ew alîkariya Bexdayê nedesturî ye, ji ber ku yê 
 
ku bergirî li Şingalê dike tenê Hêzên Pêşmerge ye û bi xwe jî Şingal rizgar 
 
kirin û wa ava jî dikin. Lê ji ber PKKê xelkê Şingalê ditirsin vegerin ser mal û 
 
hale xwe.”
 
Xelîl wiha got: “Eger Hikûmeta Iraqê xemxurê Şingalê ye, baş e çima ev 3 sal 
 
in ku budceya Şingalê qut kiriye . Niha li Şingalê fermandeyek baş hatiye 
 
damezrandin û hemû jî xelkê Şingalê ne û heta 8 hezar xortên êzdî tê de ne 
 
û ew hêz li ser daxwaza xelkê Şingalê û bi piştevana Serok Barzanî ye û ser 
 
bi Wezareta Pêşmerge ve ye, vêga bila xelkê Şingalê ligel wê hêzê bin û 
 
beşek bin ji Herêma Kurdistanê.”
 
Ji aliyê xwe ve, Kesayetiya diyar a kurdên êzdî û Qayîmqamê berê yê Şingalê 
 
Meyser Hacî ji malpera KDP.info re ragihand: “Bila Hikûmeta Iraqê û aliyên 
 
iraqî yên ku dixwazin alîkariya Şingalê bikin, hevahengiyeke baş ligel Hêzên 
 
Pêşmerge bikin û hêzeke din li Şingalê ava nekin. Pêwîstiya Şingalê ne bi 
 
Heşda Şeibî û ne jî bi Artêşa Iraqê tune ye.”
 
Meyser Hacî wiha got: “Me wek xelkê Şingalê pêwendî bi kesayetiyên 
 
Şingalê û xelkê wê re kiriye û em dibêjin PKK hêzeke biyanî ye û ji derve 
 
hatiye Şingalê û nabe em bikevin bin bandora wê de û xelkê me dixwazin 
 
ligel Herêma Kurdistanê û Hêzên Pêşmerge bin.”
 
Fermandarê Pêşmergeyên Êzdî Qasim Derbo ji malpera KDP.info re 
 
ragihand: “Em dizanin ku Bexda alîkariya PKKê dike û çekan dide wan û 
 
mûçeyê 1000 şervanî jî ji wan re dişîne û ew di nav xwe de bi ser 1500 kesî 
 
de dabeş dikin. Gelek caran em ji Bexdayê re dibêjin ku ne alîkariya wan 
 
bikin û ne jî alîkariya me bikin û nabe hûn malê me bidin xelkê. Ji ber ku 
 
Sûriye û Tirkiye cihê wan hêzan e, ne Şingal. Şingal Kurdistanî ye û her 
 
Pêşmerge wê diparêze û Iraq heta niha ti alîkarî ji me re neşandiye. Tenê 
 
Hikûmeta Kurdistanê û Serok Barzanî piştevaniya me dikin û alîkariya me 
 
dikin.”



Nûçeyên din

Dîsa bo dîrokê..

TUESDAY, 10 DECEMBER 2019 17:12:57

Zikrî Mûsa

 
Peyama serxweşiya Serok Barzanî ya ji bo malbata xwedê jêrazî Şêx Sidîq Abdulezîz

MONDAY, 09 DECEMBER 2019 23:12:20

Bi navê xwedayê mezin û dilovan

 
Mesrûr Barzanî: Me gavên baş bo xizmetkirinê avêtine..Niha Kurdistan bihêztir û hikûmet jî zelaltir e

SUNDAY, 08 DECEMBER 2019 15:12:13

Hewlêr-KDP.info- Serokwezîre Herêma Kurdistanê Mesrûr Barzanî bi boneya 100 rojiya karkirina kabineya 9emîn a Kurdistanê gotarek belav kir û têde behsa deskeftiyên kabineya Kurdistanê kir û têde got ku wan gavên baş û berbiçav bo xizmetkirina welatiyên Kurdistanê avêtine û niha Kurdistan bihêztir û seqamgîrtir e û hikûmet jî zelaltire.

 

Serokatiya Herêma Kurdistanê: Em gelekî ji kuştina xwepêşanderên Iraqê dilgiran in

SUNDAY, 08 DECEMBER 2019 09:12:33

Hewlêr-KDP.info- Serokatiya Herêma Kurdistanê ragihand, ew gelekî ji kuştina xwepêşanderên Iraqî nîgeran in û daxwaz kir, tawankarên wan rûdanan bên girtin û dadgehîkirin.

 
Frakisyona PDKê: Emê bi çaksaziyê bihêlin ku serwet û samanên vî welatî vala neçin

SATURDAY, 07 DECEMBER 2019 19:12:20

Hewlêr-KDP.info- Frakisyona PDKê di Parlemantoya Kurdistanê de ragihand ku ewê bi rêya projeya reform û çaksaziyan şerekî mezin li dijî gendeliyê bikin.

 


 
© 2018 Kurdistan Democratic Party, KDP