Hewlêr-KDP.info : îro 16ê Hezîrana 2025ê, Mesrûr Barzanî ,Serokwezîrê Herêma Kurdistanê pêşwaziya Birêvebera Karûbarên Konsulxaneya Giştî ya Îmaratê li Herêma Kurdistanê Şeyxe Beşîr Ferhan kir.

Li gorî ragihandina Hikûmeta Herêma Kurdistanê, “Serokwezîr Mesrûr Barzanî ji ber destpêkirina karî pîrozbahî li wê kir û daxwaza serkeftinê jê re kir û hemî piştevaniya Hikûmeta Herêma Kurdistanê ji bo biserxistina erkê wê diyar kir.”

Di wê ragehandinê de hatiye, "Serokê Hikûmeta Herêma Kurdistanê herwesa amaje da têkiliyên taybet û dostane yên di navbera dewleta Îmaratê û Herêma Kurdistanê de û spasî û rêzên Herêma Kurdistanê ji bo arîkarî û piştevaniya gel û serkirdetiya Îmaratê tekez kirin."

Wê ragehandinê eşkere jî kiriye, "Birêvebera Karûbarên Konsulxaneya Giştî ya Îmaratê silav û rêzên Serokê Îmaratê Şêx Mihemed bin Zayîd Al Nehyan û Cîgirê Serok û Serokwezîr Şêx Mihemed bin Raşid Al Mektûm gihandin Serokwezîr Mesrûr Barzanî û tekez li ser zêdetir xurtkirina têkiliyên dualî kir.”