Hewlêr-KDP.info- Serok Mesûd Barzanî pêşwazî li Balyozê nû yê Îmarat li Iraqê kir û di wê hevdîtinê de Serok Barzanî tekezî li ser dostayetî û nêzîkbêna di navbera gelê Kurdistanê û gel û serkirdayetiya dewleta Îmaratê de kir.
Îro Çarşema 04.12.2024 li Selaheddînê, Serok Mesûd Barzanî pêşwaziya Abdulla Meter Elmezruyî Balyozê nû yê Îmarat li Iraqê kir.
Di hevdîtinê de Balyozê nû yê Îmarat li Iraqê, xweşhaliya xwe bi serdana Herêma Kurdistanê û hevdîtina bi Serok Barzanî re derbirî û silavên taybetî yên Şêx Mihemed Bin Zayid Al Nehyan Serokê Dewleta Îmarata Yekgirtiya Erebî bi Serok Barzanî gihand. Her wiha pesnê gelê Kurdistanê û hikûmet û sazî û damezraweyên herêmî kir ku ji bo pêkanîna aramiyê û hewl û têkoşîna geşbûn û avadaniyê didin.
Ji aliyê xwe ve Serok Barzanî bi germî bixêrhatina Balyozê Îmarat li Iraqê kir û hêviya serkeftinê ji bo wî xwest. Serok Barzanî hişmendî û xemxuriya serkirdayetiya Îmaratê ya ji bo avadanî û geşkirina welat bi mînakî wesif kir. Her wiha tekez li ser dostayetî û nêzîkiya di navbera gelê Kurdistan û gel û serkirdayetiya dewleta Îmaratê kir û xwazyarê ewe jî bû ku peywendî û dostayetiya di navbera her du aliyan kûrtir û berfirehtir bibe.