Kerkûk-KDP.info- Di merasîmekê de PDK baregeha xwe ya kein ya Ofîsa Rêxistinê ya Kerkûk-Germiyan pêşkeşî Zanîngeha Kerkûkê kir. PDK di çend rojên bê de dê li Kerkûkê baregeheke nû li Kerkûkê veke.
Îro Yekşema 5.11.2023, PDK bi fermî baregeha xwe ya Kerkûkê wergirt û piştre ew baregeh pêşkêşî Zanîngeha Kerkûkê kir.
Cîgirê Serokê Parlamentoya Iraqê û Endamê Komîteya Navendî ya PDKê Şaxewan Ebdulah li wir amade bû û ragihand: “Li ser fermana Serok Barzanî baregeh wek diyarî bo Zanîngeha Kerkûkê hat pêşkêşkirin.”
Şaxewan Ebdulah wiha got: “Di çend rojên bê de dê li Kerkûkê baregehên nû yên PDKê li Kerkûkê bên vekirin û dê PDK wek hêzên di ên siyasî li Kerkûkê kar û çalakiyên xwe yên siyasî berdewam bike.”
Ebdulah wiha domand: “Hebûna PDK li Kerkûkê, bihevrejiyana aştiyane di nabera pêkhate û neteweyên bajêr de bihêztir û kûrtir dike.”
Ji aliyên xwe ve, Serokê Zanîngeha Kerkûkê Dr. Umer Cemal Hesen ragihand: “Em ji dil spasiya Serok Barzanî dikin li ser vê destpêşxeriya baş û zanistî û akadîmî. Ev baregeha ku PDK daye me, emê bikin avahiya kolêja endazyariya perol û samanên xwezayî.”