Kurdî  ■  كوردی  ■  عربي
SAT, 18 SEP 2021 01:01 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Kurdistan ne Efxanistan e..Em xwedî pêşmergeyên qehreman û miletekî xwedî doz in
| KDP.info


Hewlêr-KDP.info- Serok Mesûd Barzanî derbarê bûyerên ku li Efxanistan çêbûne peyamek belav kir û got, cûdahiyeke zêde di navbera Efxanistan û Kurdistanê de heye, ku Kurdistan xwedî xwedî pêşmergeyên qehreman û miletekî xwedî îrade û dozekê ye.

Ev jî tekesta wê peyamê ye:

“Bi navê Xwedayê mezin û dilovan

Piştî bûyerên Efxanistanê ev çend rojek e ku grupeke siyasî û medyayî kar dikin ji bo çêkirina metirsiyê û bêhêviyê di nav xelkê Kurdistanê de, ku rewşa Herêma Kurdistanê û Efxanistanê tînin ber hev.

Li vir de pêwîst e hemû aliyek baş bizane ku her miletek eger pişta xwe bi xwe û şiyanên xwe girê nede herdem egera gef û nemanê jî li ser heye. Piştevaniyê xelkê jî wê demê bihaya xwe heye û bi bandor dibe ku em bi xwe hebin û îradeya me hebe.

Cûdahiyeke zêde di navbera Efxanistan û Kurdistanê de heye. Cûdahiyeke zêde jî di navbera Pêşmerge û artêşa Efxanistanê de heye. Pêşmerge zadeyê dîrok û xwîn û rondikên gelê Kurdistanê ye. Xwediyê sedan destanên dîrokî û qehremaniyê ye. Mînakên destana Korê û têkşikandina efsaneya DAIŞê û destanên Pirdê û Sihêla ku neyarên Kurdistanê plana wê yekê hebûn îradeya gelê Kurdistanê bişkînin, lêbelê Pêşmerge û gelê Kurdistanê bi xweragirî û bi îradeya polayî plana neyar û dijminan herfandin.

Li vir dixwazim xelkê Kurdistanê ji wê yekê piştrast bikim ku rewşa Kurdistanê cûdahiyeke zêde heye li gel hemû cihên din. Spas ji bo xwedayê mezin me Pêşmergeyên qehreman û hêz heye û ji hemûyan jî girîngtir em xwedî miletekî ne ku xwedî îrade û dozekê ye. Eger dijmin û nehezan jî xeyala wan hebûbe xelkê Kurdistanê biêşînin tu demekê bi hêsanî ji bo wan neçûye serî û bi piştrastî jî di pêşerojê de bi hêsanî ji bo wan naç ser. Her kesek jî bixwaze bêhêvî û xwe bi kêmzanîn û beramberiyên nebicîh li nav xelkê de belav bike xuya ye hêjî nikariye îrade û xweragiriya gelê xwe fêm bike.

Mesûd Barzanî
22.08.2021”

 




Nûçeyên din

Serokê Herêma Kurdistanê li gel Wezîrê Perwerdeyê Brîtanya civiya

FRIDAY, 17 SEPTEMBER 2021 18:09:14

London-KDP.info- Piştî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê li gel birêz Nedîm Zehawî Wezîrê Perwerdeyê Brîtanya civiya.

Nêçîrvan Barzanî li gel Boris Johnson civiya

FRIDAY, 17 SEPTEMBER 2021 18:09:20

London-KDP.info- Berî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê bi germî ji aliyê birêz Boris Johnson Serok Wezîrê Brîtanya ve li Nivîsîngeha xwe ya li 10 Downing Street hate pêşwazî kirin.

Wezîra Derve ya Brîtanya: Emê berdewam bin li ser piştgiriya Herêma Kurdistanê

THURSDAY, 16 SEPTEMBER 2021 23:09:25

Hewlêr-KDP.info- Serokê Herêma Kurdistanê Nêçîrvan Barzanî ku bi serdaneke fermî li Londonê ye, li gel Wezîra Derve ya Brîtanyayê Liz Truss civiya. Truss dûpat kir ku Brîtanya dê berdewam be li ser piştgiriya Herêma Kurdistanê û Iraqê.

Êmînkî: Ji bo rizgarkirina Şingalê em amade ne ji her qurbaniyekê re

THURSDAY, 16 SEPTEMBER 2021 22:09:08

Şingal-KDP.info- Îro li sînorê Şingalê merasîma PDKê ya ji bo naskirina berbijêrên PDKê birêve çû. Endamekî Polîtbîroya PDKê jî dibêje, em amade ne ji bo her qurbaniyekê ji bo azadiya Şingalê.

Nêçîrvan Barzanî spasiya parlamentoya Brîtanya kir ku tawanên DAIŞê li beramber Êzdiyan wek cînosayd nas kir

THURSDAY, 16 SEPTEMBER 2021 22:09:46

Hewlêr-KDP.info- Serokê Herêma Kurdistanê Nêçîrvan Barzanî li gel Serokê Encûmena Lordan a Brîtanyayê John McFall civiya. Serokê Encûmena Lordan a Brîtanyayê spasiya Herêma Kurdistanê kir û dûpat kir ku ew dê li ser piştgiriya bo Herêma Kurdistanê berdewam bin. Nêçîrvan Barzanî jî daxwaz ji Parlamentoya Brîtanyayê kir ku alîkar bin ji bo qayîmkirina demokrasî û dezgehên Herêma Kurdistanê.



 
© 2021 Kurdistan Democratic Party, KDP

Contact