Kurdî  ■  كوردی  ■  عربي
THU, 24 JUN 2021 13:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî..59 sal pêşmergayetî û axaftina wezîrê derve yê Amerîka
| KDP.info


Dr. Hêmin Hewramî

Îro 20ê Gulana 2021, 59 salên berdewam in ku Serok Barzanî Pêşmerge ye. Cenabê Serok Barzanî gelek caran tekez kiriye û gotiye, mezintirîn pile û qedir û şanazî li cem wî, pêşmergayetî ye.

Şerê bergiriya li Kurdistanê li dijî DAIŞê gerim bû, ji serî de cenabê Serok Barzanî wek Serokê Herêma Kurdistanê û Fermandarê Giştî yê Hêzên Pêşmerge li meydana şer bû û ji nêzîk ve serperiştiya eniyên şer û operasyonên Hêzên Pêşmerge dikir. Serperiştiya nexşe û pilanên leşkerî û peydakirina pêdviyên eniyên şer dikir. Di Cotmeha 2014an de Serok Barzanî serdana Eniya Rojavayê Diclê kir, ku şandeke Amerîkî daxwaz kiribû Serok Barzanî ji nêzîk ve bibînin.

Roja 16ê Cotmeha 2014an ew şanda Amerîkîhatin û navenda Fermandehiya Duhokê ligel Serok Barzanî civiyan. Şanda Amerîka pêk hatibû ji Tonî Blînkn ku niha Wezîrê Derve yê Amerîka ye, ku wê demê Şêwirmendê Asayişa Netewî ya Amerîka bû, û herwiha Stîwart Conz Balyozê Amerîka û Brêt Macgork û konsulê Amerîka.

Di wê civînê de, piştî ku Serok Barzanî bixêrhatina şanda mêvan kir, Tonî Blînkn silavên Serokê Amerîka Barak Obama cîgirê wî Co Bayden gihand Serok Barzanî û wiha got: “Cenabê Serok Barzanî gelek mijar hene ku em li ser biaxivin, bi taybetî jî rewşa dawî ya şerê li dijî DAIŞê û mijara avakirina Hikûmeta Iraqê ji aliyê Heyder Ebadî ve û pêdviyên Pêşmerge û rola Sunneyên Iraqê di proseya siyasî ya Iraqê de, lê ez dixwazim ji cenabê te re bêjim, dema ku ez vegerim Amerîka yekem tişt ku ji Obama re bêjim ew e ku Serok Mesûd Barzanî genctir û ciwantir bûye û tendirustiya wî pir baş e û enerjiya wî gelek e û li gorî cara dawî sala 2012 min ew dît, pir çalak bûye. Ti kare sebeba vê yekê ji me re bêje?”

Serok Barzanî di bersivê de bi girnijîn wiha got: “Ji ber ku ez niha vegeriyame ser karê xwe yê eslî ku pêşmergayetî ye. Ev karê min yê pêşmergayetiyê ji hemû kursî û kareke din pîroztir e. Li cem min çeperên Pêşmerge û bergiriya li Kurdistanê ji karê nav ofîsan pîroztir e. Ez şanaziyê pêşmergebûna xwe dikim û ev yek berdewam enerjî û çalakiyê dide min.”

 




Nûçeyên din

Mesrûr Barzanî pêşwazî li nûnerê Amerîka di şerê DAIŞê de kir

WEDNESDAY, 23 JUNE 2021 20:06:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li nûnerê taybet yê Amerîka di hevpeymaniya navdewletî ya dijî DAIŞê de kir.

 
Mesrûr Barzanî û Balyozê Brîtanya pêwendiyên Brîtanya û Kurdistanê gotûbêj kirin

WEDNESDAY, 23 JUNE 2021 20:06:46

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 23ê Hezîrana 2021ê pêşwazî li Balyozê Brîtanya yê li Iraqê Stephen Hickey kir.

 
Encumena Wezîran bûdceya Herêma Kurdistanê nirxand

WEDNESDAY, 23 JUNE 2021 19:06:12

Hewlêr-KDP.info- Bi serokatiya Serokwezîrê Herêma Kurdistanê Mesrûr Barzanî û bi amadebûna Cîgirê Serokwezîr Qubad Talebanî, Encumena Wezîran civîna heftane encam da.

 
Nêçîrvan Barzanî û Şah Urdinê li ser rewşa navçeyê axivîn

WEDNESDAY, 23 JUNE 2021 19:06:51

Hewlêr-KDP.info- Îro Çarşema 23.06.2021 Şah Abdullahê duyem, Şahê Şahnişîna Urdina Haşimî, li Koşka Huseyniye li Emman, pêşwaziya Nêçîrvan Barzanî Serokê Herêma Kurdistanê kir.

Balyozê Brîtanya: Em rijd in li ser parastina Herêma Kurdistanê

WEDNESDAY, 23 JUNE 2021 19:06:09

Hewlêr-KDP.info- Serok Mesûd Barzanî pêşwaziya Balyozê Brîtanya li Iraqê kir û di wê hevdîtinê de şanda mêvan ragihand Brîtanya û welatên Hevpeyman rijd in li ser parastina Herêma Kurdistanê ji êrîşan û aramiya Herêmê bi fakterêke serekî ya aramiya Iraq û navçeyê dizanin.



 
© 2021 Kurdistan Democratic Party, KDP

Contact