Kurdî  ■  كوردی  ■  عربي
TUE, 13 APR 2021 07:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Ozçelîk: Ala Kurdistanê ya ku Qazî Mihemed da destê Barzaniyê Nemir, ti carî li erdê neketiye
| KDP.info


Bakurê Kurdistanê-KDP.info- Serokê Partiya Azadiya Kurdistanê li Bakurê Kurdistanê Mustefa Ozçelîk dibêje, jiyana Barzaniyê Nemir bi şer, koçberî, sorgun, wêranî û bi tirajîdyayên mezin ve hatiye nexşandin, herwiha jiyana Barzaniyê Nemir bi xweşî û nexweşiyên xwe, bi serkeftin û şikestinên xwe, bi welatperweriyê, bi xebat û têkoşaneke bêwestan, bi hêvî, dilsozî û biryardariyê, bi berxwedanê û bi sekneke bi şexsiyet ve hatiye hûnandin.

Mustefa Ozçelîk ji malpera KDP.info re got: “Barzaniyê Nemir bi rêbaz û xebat û têkoşîna Şêx Ebdulselam Barzanî û Şêx Ehmed Barzanî û di dibistana welatperweriya wan de perwerde bûye. Li ser doza Şêx Seîd, Xalid Begê Cibrî, Seyd Riza, Îhsan Nûrî û Qazî Mihemed bû.”

Ozçelîk wiha domand: “Barzaniyê Nemir wek serfermandarekî artêşa Komara Kurdistan di avakirina Komara Kurdistan de roleke dîrokî lîstiye. Piştî hilweşandina Komara Kurdistan, 11 salan li Yekîtiya Sovyet ligel 500 hevalên xwe yên Pêşmerge jiyaneke tije zihmetî derbas kir.”

Mustefa Ozçelîk wiha got: “Ala Kurdistanê ya ku Pêşewa Qazî Mihemed da destê Mustefa Barzaniyê Nemir, ti carî li erdê neketiye û ew ala ku Barzaniyê Nemir da destê Pêşmergeyên Kurdistanê, tevî êş û zilm û komkûjiyan ve, bi têkoşîna Pêşmergeyên qehreman û bi têkoşîna hemû kedkarên doza azadiyê li Başûrê Kurdistanê îro bi awayekî serfiraz li ser Parlamentoya Kurdistanê li Hewlêrêhatiye bilindkirin.”

Ozçelîk wiha domand: “Xebat, têkoşîn, sekin û kesayetiya Barzaniyê Nemir îro jî ji bo hemû Kurdên cîhanê cihê rêzê û hêviyê ye. Ew pêşmergeyek bû, serfermandarek bû, rêbazek bû, dilsoz û serokek bû. Di qada navdewletî de jî cihekî wî girîng hebû.”

 




Nûçeyên din

Serok Barzanî pêşwazî li emîndarê giştî yê Komkara Erebî kir

SUNDAY, 11 APRIL 2021 12:04:10

Hewlêr-KDP.info- Serok Mesûd Barzanî îro 11 Nîsana 2021an pêşwazî li Sekreterê Giştî yê Komkara Erebî Ehmed Ebû El-Xeyt û şanda pê re kir.

Serokê Herêma Kurdistanê û Nûnera Sekreterê UN behsa rewşa Şingalê kirin

SUNDAY, 11 APRIL 2021 12:04:24

Hewlêr-KDP.info- Nêçîrvan Barzanî Serokê Herêma Kurdistanê li gel xanima Jeanine Plasschaert Nûnera Taybetî ya Sekreterê Giştî yê Neteweyên Yekgirtî (NY) li Iraqê civiya.

Nêçîrvan Barzanî û Serokê Parlamentoya Iraqê tekezî li ser çareserkirina pirsgirêkan kirin

SUNDAY, 11 APRIL 2021 12:04:15

Hewlêr-KDP.info- Li Bexdayê Nêçîrvan Barzanî Serokê Herêma Kurdistanê û Mihemed Helbûsî Serokê Encumena Nûneran civiyan.

Wezîrê Derve yê Amerîkayê spasiya Serokwezîrê Kurdistanê Mesrûr Barzanî kir

SUNDAY, 11 APRIL 2021 11:04:59

Hewlêr-KDP.info- Wezîrê Derve yê Amerîka spasiya hewl û piştevaniya Serokwezîrê Herêma Kurdistanê ji bo diyaloga stratejîk a di navbera Iraqê û Amerîka de kir.

Nêçîrvan Barzanî ligel Serokê Encumena Bilind a Dadwerî civiya

SATURDAY, 10 APRIL 2021 21:04:57

Hewlêr-KDP.info- Di berdewamiya serdana xwe ya Bexdayê, êvariya îro şemî 10.04.2021 Nêçîrvan Barzanî Serokê Herêma Kurdistanê li gel Fayeq Zêdan Serokê Encumena Bilind a Dadweriya Iraqê û hejmareke ji Dadwer û Serokê Dadgehan civiya.



 
© 2021 Kurdistan Democratic Party, KDP

Contact