Kurdî  ■  كوردی  ■  عربي
THU, 21 NOV 2019 16:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Pêwîst e qurbaniyên Kurdan li Sûriyê libeçav bên girtin û demografiya navçeyên Kurdan neyê guhertin
| KDP.info


 Hewlêr-KDP.info- Serok Mesûd Barzanî pêşwaziya Wezîrê Derve yê Fransa kir û di wê hevdîtinê û di wê hevdîtinê de Serok Barzanî daxwaz kir ku her çareseriyek ji bo rewşa Sûriyê bê pêşniyarkirin û di her rêkeftinekê de pêwîst e qurbaniyên Kurd û çarenivîsa Kurdan li Sûriyê li ber çav bê girtin.

Berî nîvroya Înê 18.10.2019 li Selaheddîn Serok Mesûd Barzanî pêşwaziya Jean-Yves Le Drian Wezîrê Derve yê Fransa kir.  Di destpêka hevdîtinê de Wezîrê Derve yê Fransa silav û rêzên Serok Macron bi Serok Barzanî ragihand û got: “Ev cara heftem e ku serdana Kurdistanê dikim û min sozeke zêde ji bo Kurdistanê heye û hatime silav û rêzên Serok Macron bi cenabê we rabigihînim û piştevaniya Fransa ji bo gelê Kurdistanê piştrast bikim.” 

Di hevdîtinê de rewşa siyasî û pêşhatên dawî yên li ser asta navçeyê, bi taybet metirsiyên serhildana terorê û rewşa Bakûrê Sûriyê guftûgo kirin. 

Serok Barzanî ji bilî derbirîna spas û pêzanînên xwe ya ji bo rola Fransa di piştgîriya berdewam a doza gelê Kurd e, careke din dilgiraniya xwe derbarê rewşê û çarenivîsa gelê Kurd li Sûriyê ji bo Wezîrê Derve yê Fransayê nîşan da û ragihand: “Her çareseriyek ji bo vê rewşa Sûriyê bê pêşniyarkirin û di her rêkeftinekê de pêwîst e qurbaniyên Kurd û çarenivîsa Kurdan li Sûriyê li ber çav bê girtin.” 

Serok Barzanî careke din jî daxwaz kir ku Fransa wekî dostekî herdemi yêî gelê Kurdistanê û beşekî girîng di Hevpeymaniya Navdewletiya Dijî Terorê de, ji bo rêgirtina li guherîna demografya navçeyên kurdan li Bakûrê Sûriyê û derketina karesatan de rola xwe bibîne.

  Herwiha Serok Barzanî di vê hevdîtinê de bi hûrî behsa metirsiyên serhildana grûpa terorîstî yên weke DAIŞê kir û Wezîrê Derve yê Fransa dilgiraniya welatê xwe ya ji ber egera serhildana terorê di rewşa xerab a navçeyê de nîşan da û tekez li ser berdewamiya hevpeymanî û hevkariya Fransa û Herêma Kurdistanê li dijî terorê kir.

  Serok Barzanî ragihand ku mixabin ev rewşa niha bingehek ji bo serhildana DAIŞê û grûpên wekî wê rexsand hê jî maye û aloziya rewşê xizmeta serhildana wan dike. Serok Barzanî tekez jî kir ku şerê terorê nabê tenê serbazî bê û pêwîst e li rûyê civakî, siyasî, aborî û fîkrî ve reg û bingeha wan grûpên terorîstî bê hişk kirin.




Nûçeyên din

Frakisyona PDKê: Divê Helebce jî wek parêzgeh were hesabkirin

WEDNESDAY, 20 NOVEMBER 2019 18:11:39

Helebçe-KDP.info- Li Iraqê projeyên nû yên ji yasaya hilbijartinan hatine amadekirin û tê de Helebce wek parêzgeh nehatiye nîşandan. Lê Seroka Frakisyona PDKê di Parlamentoya Iraqê de Dr. Viyan Sebrî dibêje, zilm li Kurdistanê hatiye kirin û divê Helebce jî wek parêzgeh were hesabkirin.

 
“DAIŞ li navçeyên Kurdistanî bihêz bûye û li derfetê digerin ji bo ku êriş bikin”

WEDNESDAY, 20 NOVEMBER 2019 18:11:41

Hewlêr-KDP.info- Li hinek navçeyên Iraqê çekdarên ser bi DAIŞê ve, ev çend roj in ku dest bi tevgerê kirine. Fermandarekî Pêşmerge jî hişyariyê dide ji bihêzbûna DAIŞê û dibêje, ew terorîst li derfetekê digerin ji bo ku êriş bikin.

 
Nêçîrvan Barzanî: Doza Kurd li navçeyê pirseke mezin e û çareserkirina wê beşeke giring e ji bo aştiyê

WEDNESDAY, 20 NOVEMBER 2019 17:11:08

Hewlêr-KDP.info- Serokê Herêma Kurdistanê îro beşdarî duyemîn roja Dîdara Aştî û Asayiş li Rojhilata Navîn a Zanîngeha Amerîkî-Kurdistan li Duhokê bû û di gotarekê de ragihand, “doza Kurd pirseke mezin e li navçeyê û çareserkirina wê beşeke giring a pêkanîna aştiyê li navçeyê ye.”

 
“Di guhertina Destûrê Iraqê de destê xwe nadin mafên Kurdan”

TUESDAY, 19 NOVEMBER 2019 17:11:00

Bexda-KDP.info- Parlamrnterekî PDK li Bexdayê dibêje, di pêvajoya guhertina Destûrê Iraqê de destkariya mafê Kurdan nayê kirin, nexasim jî federalî û madeya 140 a navçeyên Kurdistanî.

 
Balafirên Tirkiyê li Xanesora Şingalê dan

TUESDAY, 19 NOVEMBER 2019 17:11:16

Şingal-KDP.info- Çavkaniyekê ji devera Şingalê ragihand ku îro Sêşema 19.11.2019 balafirên şer ên Tirkiyê li nahiyeya Xanesorê ya ser bi Şingalê ve dan.

 


 
© 2018 Kurdistan Democratic Party, KDP