Kurdî  ■  كوردی  ■  عربي
SUN, 8 DEC 2019 18:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Kurdistan dê bi xebata hêzên dilsoz herdem aram bimîne
| KDP.info


 

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

Serokwezîrê Herêma Kurdistanê Mesrûr Barzanî îro 21.7.2019 derbarê girtina tometbarên êrîşa li Hewlêrê de peyamek belav kir û tê de destxweşî li hêzên Asayiş û Dije-Terora Kurdistanê û hemwelatiyên Herêma Kurdistanê kir.

Mesrûr Barzanî di peyamê de dibêje, Herêma Kurdistanê dê bi xebata dilsozane ya hêzên ewlehiyê û alîkariya welatiyan herdem aram bimîne.

Di peyama xwe Mesrûr Barzanî got: “Ez bi germî destxweşî li hêzên Asayiş û Dije-Teror û hemû hêzên din ên ewlehiyê dikim ku karîn di demek kurt de tohmetbar û hevkarê êrişa terorîstî ya xwaringeheke Hewlêrê bigirin. Mixabin ew êriş bû sebeba can jidestdana dîplomatekî Tirkiyê û du welatiyên Herêma Kurdistanê.”

Di beşeke din a peyama xwe de Serokwezîrê Kurdistanê Mesrûr Barzanî dibêje: “Ev serkeftin, berhema dilsozî û xebata wan hêzan e ku bûne parêzerên aramî û asayişa Herêma Kurdistanê. Ez spasiya welatiyên Herêma Kurdistanê jî dikim ku berdewam piştevan û alîkarên dezgehên Asayişa Herêma Kurdistanê bûne.”

Serokwezîrê Herêma Kurdistanê Mesrûr Barzanî tekez dike Herêma Kurdistanê, dê bi xebata van hêzên dilsoz û bi alîkariya welatiyên Kurdistanê her dem aram bimîne.


 




Nûçeyên din

Mesrûr Barzanî: Me gavên baş bo xizmetkirinê avêtine..Niha Kurdistan bihêztir û hikûmet jî zelaltir e

SUNDAY, 08 DECEMBER 2019 15:12:13

Hewlêr-KDP.info- Serokwezîre Herêma Kurdistanê Mesrûr Barzanî bi boneya 100 rojiya karkirina kabineya 9emîn a Kurdistanê gotarek belav kir û têde behsa deskeftiyên kabineya Kurdistanê kir û têde got ku wan gavên baş û berbiçav bo xizmetkirina welatiyên Kurdistanê avêtine û niha Kurdistan bihêztir û seqamgîrtir e û hikûmet jî zelaltire.

 

Serokatiya Herêma Kurdistanê: Em gelekî ji kuştina xwepêşanderên Iraqê dilgiran in

SUNDAY, 08 DECEMBER 2019 09:12:33

Hewlêr-KDP.info- Serokatiya Herêma Kurdistanê ragihand, ew gelekî ji kuştina xwepêşanderên Iraqî nîgeran in û daxwaz kir, tawankarên wan rûdanan bên girtin û dadgehîkirin.

 
Frakisyona PDKê: Emê bi çaksaziyê bihêlin ku serwet û samanên vî welatî vala neçin

SATURDAY, 07 DECEMBER 2019 19:12:20

Hewlêr-KDP.info- Frakisyona PDKê di Parlemantoya Kurdistanê de ragihand ku ewê bi rêya projeya reform û çaksaziyan şerekî mezin li dijî gendeliyê bikin.

 
“26 hezar malbatên Ereb anîne Kerkûkê.. Bi şîekirin jî li Kerkûkê destpê kiriye”

SATURDAY, 07 DECEMBER 2019 18:12:42

Kerkûk-KDP.info- Rêveberê Asayişa Kerkûkê Emîd Îdrîs Refet ragihand ku li Kerkûkê jibilî bi erebkirinê proseya bi şîekirinê jî destpê kiriye, ku heya niha 26 hezar malbatên Ereb anîne Kerkûkê.

 
Amerîka: Emê berdewam bin li ser piştevaniya Kurdistanê û piştgîriya Pêşmerge

SATURDAY, 07 DECEMBER 2019 17:12:32

Hewlêr-KDP.info- Serokwezîrê Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery civiyan û di wê hevdîtinê de şanda Amerîkî tekez kir ku ewê berdewam bin li ser piştevaniya Herêma Kurdistanê û piştgiriya Pêşmerge.

 


 
© 2018 Kurdistan Democratic Party, KDP