Kurdî  ■  كوردی  ■  عربي
WED, 12 AUG 2020 20:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Daxuyaniya Hikûmeta Kurdistanê li ser bombebaranên Tirkiyê: Axa me nekin meydana şer
| KDP.info


Hewlêr-KDP.info- Hikûmeta Herêma Kurdistanê li ser bombebaranên li ser deverên sînorî yên Herêma Kurdistanê û şehîdbûna hejmareke welatî daxuyaniyek belav kir û tê de got ku ew qebûl nakin û rê nadin axa Herêma Kurdistanê ji bo êrişkirin û têkbirina asayişa welatên cîran were bikaranîn, ku ji ber wan êrîşam jiyana welatiyên Herêma Kurdistanê bikeve metirsiyê.

Daxuyaniya Hikûmeta Herêma Kurdistanê wiha ye:

“Hikûmeta Herêma Kurdistanê dilgiranî û nîgeraniya xwe ya kûr ji ber ketina qurbaniyên sivîl di encama bombebarana deverên sînorî yên li gel Tirkiyê de nîşan dide û sersaxiyê ji malbat û xizmên wan re dixwaze.

Hebûna çekdarên PKKê li wan deveran û nêzîkbûn û hatina wan a bi qestî bo nav gund û avahiyan, bêbakane jiyana gundnişînên wan deveran xistiye metirsiyê, herwiha bûye sedema rêgiriya vegera jiyan û avakirina wan gund û navçeyan.

Hikûmeta Herêma Kurdistanê qebûl nake û rê nade axa wê ji bo êrişkirin û têkbirina asayişa welatên cîran were bikaranîn, ku ji ber wan êrîşan jî jiyana welatiyên Herêma Kurdistanê bikeve metirsiyê.

Navçeyên sînorê yên Herêma Kurdistanê divê nebin meydana şerê leşkerî û bombebaranan, çekdarên PKKê divê ji gundnişînan dûr bikevin û jiyana wan nexin nava metirsiyê de.

Hikûmeta Herêma Kurdistanê li ser bûyer û bombebaranên çend rojên derbasbûyî yên li deverên sînorî, dilgiraniya xwe gihandiye Tirkiyê û em daxwaz dikin dubare nebe.”




Nûçeyên din

Encûmena Wezîran bi tundî nîgeranî û nerazîbûna xwe li hember helwesta nerênî ya Bexda nîşan dide

WEDNESDAY, 12 AUGUST 2020 19:08:36

Hewlêr-KDP.info- Îro Çarşema 12ê Tebaxa 2020an, Encûmena Wezîran a Herêma Kurdistanê bi serperiştiya Mesrûr Barzanî Serokwezîrê Herêma Kurdistanê û beşdariya Qubad Talebanî, Cîgirê Serokwezîr, bi rêya vîdeo-konferansê civiya.

 
Du fermandarên hêza Zêrevanên Sînor şehîd bûn

TUESDAY, 11 AUGUST 2020 22:08:26

Sîdekan-KDP.info- Qaymeqamê Soran Kirmanc Îzet ragihand, îro Sêşema 11.8.2020 li sînorê nahyeya Sîdekanê balafirên şer ên Tirkiyê li otomobîleke fermandarên hêza Zêrevanên Sînor a Iraqê dan û di encamê de 2 fermandar şehîd bûn û 2 serbaz jî birîndar bûn.

PDK û YNK: Em piştevaniyê li Hikûmeta Kurdistanê dikin ku hikumraniyê li seranserê Kurdistanê bike

TUESDAY, 11 AUGUST 2020 22:08:29

Hewlêr-KDP.info- Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) civiyan û piştî civîna xwe daxuyaniyeke hevbeş ragihandin û gotin, “em piştevaniyê li Hikûmeta Kurdistanê dikin ku hikumraniyê li seranserê Herêma Kurdistanê bike.”

Rêxistinên navdewletî êdî alîkariya koçberan nakin û ew erk ketiye ser milê Hikûmeta Kurdistanê

MONDAY, 10 AUGUST 2020 17:08:59

Hewlêr-KDP.info- Rêveberê Kampan li Hewlêrê Rizgar Ubêd ragihand ku, 31 kamp li Hewlêr û Duhokê hene û rêxistinên navdewletî alîkariyên xwe ji bo wan kampan sekinandine, lewma erkê alîkariya wan ketiye ser milê Hikûmeta Herêma Kurdistanê, herwiha Hikûmeta Iraqê dibêje emê koçberan vegerînin ser mal û warên wan lê heya niha ew venegerandine, lewma divê çareseriyek ji vê pirsê re were dîtin.

 
Sibe PDK û YNK li Dukan dicivin

MONDAY, 10 AUGUST 2020 17:08:40

Hewlêr-KDP.info- Çavkaniyekê ji Polîtbûroya PDKê ragihand ku biryar e sibe herdû polîtbûroyên PDK û YNK li Dukan bicivin.

 


 
© 2020 Kurdistan Democratic Party, KDP

Contact