Kurdî  ■  كوردی  ■  عربي
FRI, 18 SEP 2020 17:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی لەلیژنەی ئامادەكردنی‌ دەستووردا هیچ كێشەیەكی لەگەڵ پێگەی ئایین نیە
| KDP.info


هەولێر-KDP.info- ئەندامێكی لیژنەی‌ ئامادەكردنی‌ دەستوور بۆڕاپرسی  دەڵی، ده‌نگۆی وایان بڵاوكردووه‌ته‌ كه‌ گوایە پارتی دژی ئەوەیە پێگەی ئایین لە دەستوور جیگەی بكرێتەوە, بەڵام ئه‌م ده‌نگۆیه‌ ناڕاسته‌و ئێمە هیچ كێشەیەكمان لەگەڵ پێگەی ئایین نیەو بەتایبەتیش ئاینی پیرۆزی ئیسلام.

(د. فرسەت سۆفی‌) ئەندامی‌ لیژنەی‌ ئامادەكردنی‌ دەستوور بۆڕاپرسی بە ماڵپەڕی فەرمیی پارتیی دیموكراتی كوردستانی راگەیاند": كەسانێك هەڵساون بە بڵاوكردنەوەی پروپاگەندەو قسەی ناڕاست كە گوایە پارتی دژی ئەوەیە پێگەی ئاین لەناو دەستوور جیگەی بكرێتەوە, ئێمە وەكو گروپی پارتی لەناو لیژنەی‌ ئامادەكردنی‌ دەستوردا هیچ كێشەیەكمان لەگەڵ پێگەی ئایین نیەو بەتایبەتیش ئاینی پیرۆزی ئیسلام، ئێمەبووین لە ئاخر كۆبوونەوەدا بە لایەنەكانی ترمان گوت كە ئێوە بڕۆن لەسەر پێگەی ئایینیش ریك بكەون، ئێمە واژۆی دەكەین بۆتان .
رایشیگەیاند": تەنها هەندێك تیروانینی جیاواز له‌سەر هەندێك چەمك هەیە و لەسەر زۆربەی خاڵەكان كۆكین, ئەو مادەیەی كەتەرخان كراوە بۆ پێگەی ئایین لەناو دەستوور لە پێنج بڕگە پێكهاتووە ئێمە لەسەر چوار بڕگەی هاوراین و رێك كەوتووین تەنها برگەیەك ماوەو لەسەر ئەویش رێكدەكەوین , ئێمەی پارتی هەمیشە بەگەورەیی و گرینگی لە رۆڵی ئایین دەڕوانین بەتایبەتی لە كۆمەڵگەی كوردستان كە زۆرینەی هەرە زۆری موسڵمانن."
ئەو ئەندامی‌ لیژنەی‌ ئامادەكردنی‌ دەستوور بۆڕاپرسی گووتیشی: دەستوور ڕەهەندێكی‌ نیشتمانی‌ هەیە بەپێویستی دەزانم كە هەموو لایەك لەبارەی‌ هەمواری‌ دەستوورەوە بگەنە سیغەیەكی هاوبەش, هەر خۆیشی یاسای چواری ساڵی 2015 یاسای ئامادەكردنی پرۆژەی دەستووری هەرێمی كوردستان بۆ راپرسی فەرزی كردووە كە دەبێ مامەڵەكردن لەگەڵ دەستوور لە چوارچێوەی سازان بێت, ئەم بابەتانەش سازانی لەسەر دەكرێت كە رەهەندی نیشتیمانیان هەیەو بابەتی گەورەن، بۆیە لەسەر ئەم بنەمایە پێویستە سەرجەم لایەنەكان كۆك بن و بسازێن.
(سۆفی‌) ئاماژەیشیدا كە: ئەگەر دەستوریشمان نەبێت هەر فەراغی یاسایی دروست نابێت, چونكە ئێمە كۆمەڵێك یاسامان هەیە كە سروشتی دەستووریان هەیە, بەڵام بوونی دەستوور زۆر گرینگە لەم قۆناغەو مافیكی یاسایی هەرێمی كوردستانیشە. بەدڵنیاییەوە دوواكەوتن و نەبوونی دەستوور بە یەكێك لەكەموكورتییه‌كان بۆمان هەژمار دەكرێت بۆیە گشت هەوڵێك دەخەینەگەر بۆئەوەی هەرێم ببێتە خاوەنی دەستووری خۆی.
پێوەست بەكارەكان لەلیژنەی ئامادەكردنی‌ دەستووردا ئاماژه‌یشی دا: تائیستا دەروازەی سەرەكیمان تەواو كردووە و دەستمان كردووە بە دەروازەی دووەم كە كە مافو ئازادیە گشتییەكانە, كاروبارەكان زۆر باش دەڕۆن و تەواوی هەوڵی خۆیشمان خستووه‌تە گەڕ بۆئەوەی كارەكان به‌ته‌واوی و به‌خێرای ته‌وابكرێن.
سەرباز واحد




دوایین هەواڵەکان

شاندێكی حكوومه‌تی هه‌رێمی كوردستان به‌شداریی کۆڕبەندی ئابووریی توركیا و عێراق ده‌كات

THURSDAY, 17 SEPTEMBER 2020 15:09:52

مێرسین-KDP.info-  وه‌زیری هه‌رێم بۆ كاروباری پێكهاته‌كان كه‌ به‌شداری کۆڕبەندی ئابووریی توركیا- عێراقە، ڕایگەیاند، بۆ پته‌وكردنی په‌یوه‌ندیی بازرگانی و ئابووریی نێوان توركیا و هه‌رێمی كوردستان ئه‌مڕۆ له‌ شاری مێرسین شاندێكی حكوومه‌تی هه‌رێمی كوردستان به‌شداریی کۆڕبەنده‌كه‌ی كرد.

 

ڕێگای نێوان دهۆك و مووسڵ، سیانە دەکرێتەوە

THURSDAY, 17 SEPTEMBER 2020 15:09:56

دهۆك-KDP.info- به‌ڕێوه‌به‌ری گشتیی ڕێگاوبانی دهۆك ڕایگەیاند، لەسه‌ر ئه‌ركی حكوومه‌تی هه‌رێمی كوردستان له‌ قۆناغی یه‌كه‌مدا ڕێگای سه‌ره‌كیی نێوان دهۆك_مووسڵ سیانه‌ ده‌كرێته‌وه‌ و داواشمان له‌ پارێزگاری دهۆك كردووه‌ كه‌ نووسراو ئاراسته‌ی پارێزگاری مووسڵ بكات بۆ ئه‌وه‌ی شه‌قامه‌كه‌ دووباره‌ قیرتاو بکرێتەوە.

 

بەڕێوەبەری ئاوی ھەولێر: ئەمشەو ئاو دەگەڕێتەوە بۆ شاری ھەولێر

THURSDAY, 17 SEPTEMBER 2020 15:09:42

هەولێڕ-KDP.info- دوای گواستنەوەی هێڵەکانی ئاوی ئیفراز، بڕیارە ئەمشەو ئاو بگاتەوە شاری ھەولێر و بەڕێوەبەری ئاوی ھەولێریش دەڵێت، کارکردن لە گواستنەوەی بۆڕییەکان کۆتاییی ھاتووە.

 
زاگرۆس: ھەفتەی داھاتوو دەچینە بەغدا و ھەوڵدەدەین دواھەمین کۆبوونەوە بکەین لەبارەی بودجەوە

THURSDAY, 17 SEPTEMBER 2020 13:09:19

هەولێر-KDP.info- نوێنەری کورد لە لیژنەی ئامادەکردنی پڕۆژە یاسای بودجەی گشتی عێراق بۆ ساڵی داھاتوو گوتی، بڕیارە ھەفتەی داھاتوو سەردانی بەغدا بکەین و گفتووگۆ لەبارەی پشکی ھەرێمی کوردستان لە پڕۆژە یاسای بودجەی گشتی عێراق بکەین.

 
وەزارەت: ھەفتەی داھاتوو چەکەکانی گەنمی جوتیاران وەردەگرین و دەست بەدابەش کردنی دەکەین

THURSDAY, 17 SEPTEMBER 2020 12:09:50

هەولێر-KDP.info- بەڕێوەبەری گشتی وەزارەتی بازرگانی حکوومەتی ھەرێمی کوردستان گوتی، حکوومەتی عێراق بڕیاریداوە کە وەجبەی دووەمی پارەی گەنمی جوتیارانی ھەرێم خەرج بکات کە زیاتر لە٢٨ملیار دینارە و ھەفتەی داھاتوو دەگات و دەست بە دابەش کردنی دەکرێت.

 


 
© 2020 Kurdistan Democratic Party, KDP

Contact