ھەولێر-KDP.info- پاشنیوهڕۆى ئەمڕۆ سێشەممە 2026/7/7، بەڕێز نێچیرڤان بارزانی، سەرۆکی هەرێمی کوردستان، پێشوازیی لە جەنابی مار پۆڵسی سێیەم نۆنا، پاتریارکی کەنیسەی کلدانی لە عێراق و جیهان کرد.
لە دیدارێکدا، بارودۆخى گشتیى پێكهاتهكان و مهسیحییهكان بهتایبهتى، گرنگیى پاراستنى کولتووری پێکەوەژیان، یهكترقبووڵكردن و لێبوردەیی لهنێوان پێکهاتە جیاوازەکاندا له هەرێمی کوردستان و عێراق تاوتوێ کران.
لهمبارهیهوه بهڕێز سهرۆكى ههرێمى كوردستان جهختى لهوه كردهوه كه مهسیحییهكان بهشێكى ڕهسهنى پێكهاتهكانى گهلى كوردستانن و وهك ههمیشه پارێزهرى مافهكانیان دهبێت، ههروهها دڵنیاى كردنهوه كه كوردستان بۆ ههمیشه بێ جیاوازى به لانه و نیشتمانى تهواوى پێكهاتهكانى دهمێنێتهوه و پارێزهرى كولتوورى فرهیى دهبێت.
لای خۆیەوە، جەنابی پاتریارک ستایشی ڕۆڵی مێژوویی و بەردەوامی هەرێمی کوردستانی کرد وەک پەناگەیەکی ئارام بۆ سەرجەم پێکهاتە ئایینی و نەتەوەیییەکان، ههروهها سوپاس و پێزانینى بۆ ڕۆڵ و پشتگیریى بهردهوامى سهرۆك نێچیرڤان بارزانى له مافى پێكهاتهكان دووپات كردهوه.