هەولێر-KDP.info- گوتەبێژی حەج و عومرەی هەرێمی کوردستان رایگەیاند، سبەی ٤ـی حوزەیران پڕۆسەی گەڕانەوەی حاجیانی هەرێمی کوردستان دەستپێدەکات.
کاروان ستوونی، گوتەبێژی حەج و عومرەی هەرێمی کوردستان، لە لێدوانێکیدا بۆ ماڵپەڕی فەرمیی پارتی دیموکراتی کوردستان گوتی، "ئەمشەو کاتژمێر 5:00 بەرەبەیان یەکەم کاروانی حاجیان لە مەدینەوە بەرەو هەرێمی کوردستان بەڕێدەکەون و چاوەڕوان دەکرێت کاتژمێر٧:٣٠ـی خولەکی بەیانی بگەنە فڕۆکەخانەی نێودەوڵەتی هەولێر.
کاروان ستوونی گوتیشی، "بڕیارە سبەی لە رێگەی حەوت فڕۆکەوە، هەزار و ٢٧ حاجی بگەڕێنەوە کە دابەشبوون بەسەر چوار فڕۆکە بۆ حاجیانی هەولێر، دوو فڕۆکە هی حاجیانی دهۆکن فڕۆکەیەکیش حاجیانی ئیدارەی سەربەخۆی سۆرانی تێدایە دەگەڕینەوە.
گوتەبێژی حەج و عومرەی هەرێمی کوردستان سەبارەت بە حاجیانی پارێزگای سلێمانی و ناوچەکانی دیکەش گوتی، "بەپێی خشتەیەکی ڕاگەیەندراو، لە ڕۆژانی دواتردا ئەوانیش دەگەڕێنەوە.
قائید میرۆ