دهۆک-KDP.info- د. شرین حسنی، بەرپرسا بەشێ ڕێکخستنێ ل مەکتەبا ڕێکخستنا پارێزگەها دهۆک یا پارتی دیموکراتی کوردستان، د لێدوانەکا تایبەت دا بۆ ماڵپەڕێ فەرمیێ پارتی ڕاگەهاند، "ب هەلکەفتا ٨٠ سالیا دامەزراندنا پارتی و ژدایکبوونا جەنابێ سەرۆک مەسعود بارزانی، ل ١٦ی تەباخا ٢٠٢٦ێ، ب پشتەڤانیا ماددی و مەعنەویا فەرماندە مەنصور بارزانی، دێ ڕێورەسمێن گەڕا سێیێ یا پرۆسا هەڤژینیێ بۆ ٤٥٠ بووک و زاڤایان ل هەر پێنج لقێن سنوورێ مەکتەبا مە هێنە ئەنجامدان."
د. شرین حسنی ئاماژە ب وێ چەندێ کر کو ئەڤ پرۆسەیە بێ بەرچاڤ وەرگرتنا ئینتیمایا سیاسی دهێتە ئەنجامدان و گۆت، "ئەڤ پرۆژەیە بۆ کچ و کوڕێن موسلمان، کریستیان و ئێزدی یە. جهێ سوپاسیێ یە کو فەرماندە مەنصور بارزانی ل خوشی و نەخوشییا دگەل خەلکێ دەڤەرێ بوویە و ئەڤ کارێ مەزن و دیرۆکی دێ سالانە یێ بەردەوام بیت."
بەرپرسا بەشێ ڕێکخستنێ دیار کر کو دەرگەهێ پێشکێشکرنێ ل ٤-٥-٢٠٢٦ ڤەبوویە و دێ تا ناڤەراستا مەها شەش یا ئەڤ سالە بەردەوام بیت. پێشکێشکرن دێ ل لیژنێن ناوچێن پارتی بیت و هەر کەسەک دێ ل سنوورێ خۆ پێشکێش کەت.
د. شرین حسنی ئاماژە ب وێ چەندێ کر كو مەرجێن پشکداریکردنێ، پێدڤی یە پێشوەخت نەیاریا (شەهیان) خۆ نەکربیت و
ئاکنجیێ سنوورێ وێ ناوچێ بیت یا لێ پێشکێش دکەت و د بەرهەڤ بیت ل ڕۆژا شەهیانێ ئامادە بیت.
د. شرین حەسنی ل دوماهیێ جەخت کر کو هەمی لقێن وان ئامادەکاریێن تەمام کرینە بۆ وێ چەندێ ئەڤ ڕێورەسمە ب جوانترین شێوە بڕێڤە بچیت و گوتژی، بۆ زارۆکێن سەربەرزێن شەهیدان، بێ تیروپشکە و دێ ڕاستەوخۆ هێنە وەرگرتن.
ئەژین غەفار