ھەولێر-KDP.info- کەشناسیی هەرێمی کوردستان رایگەیاند، لە ئەمڕۆوە شەپۆلێکی بەفر و باران باشووری کوردستان دەگرێتەوە.
لە راگەیێندراوەکەدا کەشناسیی هەرێمی کوردستان رایگەیاندووە، "ئەمڕۆ بارانبارین لە باکوور و باکووری رۆژئاوای هەرێمی کوردستانەوە دەستپێدەکات پاشان لە کاتەکانی دوایی نیوەڕۆدا لە زۆربەی ناوچەکان باران دەبارێت، هەندێک کات لە هەندێک ناوچە لێزمەباران دەبارێت. هەروەها لە ناوچە سنوورییەکان و ناوچە شاخاوییە بەرزەکان بەفر بەفر دەبارێت".
کەشناسیی هەرێمی کوردستان رایگەیاندووە، "سبەی سارد دەبێت؛ نمەباران و بارانی مامناوەند بە پچڕ پچڕی لە زۆربەی ناوچەکان دەبارێت. لە ناوچە سنوورییەکان بەفر دەبارێت".
بەگوێرەی کەشناسیی هەرێمی کوردستان، پلەی گەرما سبەی بەراورد بە ئەمڕۆ دوو بۆ پێنج پلەی سیلیزی دادەبەزێت و بەمشێوەیە دەبێت"
هەولێر؛ 13 پلەی سیلیزی
سلێمانی؛ 10 پلەی سیلیزی
دهۆک؛ 11 پلەی سیلیزی
هەڵەبجە؛ 10 پلەی سیلیزی
کەرکووک؛ 14 پلەی سیلیزی
زاخۆ؛ 10 پلەی سیلیزی
پیرمام؛ 9 پلەی سیلیزی
سۆران؛ 5 پلەی سیلیزی
حاجی ئۆمەران؛ 2 پلەی سیلیزی
چەمچەماڵ؛ 13 پلەی سیلیزی
گەرمیان؛ 16 پلەی سیلیزی