(٩)
خوشک و براکانم.
پێشنیارتان بۆ دەکەین و پێشنیارکردنیش لە ڕاستگۆیی و ئەمانەتەوەیە.
خۆتان لە دەنگدان بێبەش مەکەن، چونکە دەنگنەدانەکەتان ھەرچەندە مافیش بێت، بەڵام ھەڵوێستێکە و دەبێتە ھۆی لەدەستدانی مافەکانتان.
ئێوە ھاووڵاتین، بە دەنگدانتان مافێک بۆ خۆتان دروست دەکەن.
ئێوە ھاووڵاتین و ڕۆژی دەنگدان ئەو ڕۆژەیە کە تێیدا بەوانە دەڵێن "بەڵێ" کە جێی متمانەتانن و بەوانەش دەڵێن "نەخێر"، کە خیانەتیان لێ کردوون.
سەیری بانگەشەی ھەڵبژاردنەکان بکەن، سەیری ئەوانە بکەن کە کاری باشیان کردووە و خراپەشیان دوورخستووەتەوە، سەیری ئەوانە بکەن کە بەڵێنەکانیان ڕاستن و ئەوانەش کە درۆیان کرد و ئێستاش ھەر درۆ دەکەن.
ئێوە ھەموو مافێکتان ھەیە، تا ئەوانە ھەڵبژێرن کە لەگەڵتاندا دەگونجێت.
ئەو کەسە ھەڵبژێرن کە ساڵانی خزمەت و دەستکەوتەکان شایەدی بۆ دەدەن، ئەوە ھەڵبژێرن کە لە پێناو ڕابردوو و ئێستا و داھاتووتاندا خەباتی کردووە و ھەر بەردەوامە.
ئەو کەسە ھەڵبژێرن کە شەوی خستووەتەسەر ڕۆژ، لە پێناو ئاسایش و ئارامیی ئێوەدا.
ئێمە دیموکراتین، ھیچ شتێک بە زۆر ناسەپێنین، بەڵکو بەرنامەکانمان و ئەوەی پێشکەشمان کردووە و ئەوەشی بە ھەوڵی ئێوە لەگەڵمان و بە پشتیوانیتان لە ئێمە دەتوانین پێشکەشی بکەین، دەیخەینە بەردەستتان.
• دەمانەوێت ھەموو منداڵێک، کوڕ و کچ، سوودمەندبن لە سامانەکانی وڵات و وریا و بەئاگاش بن.
• دەمانەوێت ژیانێکی شکۆمەندانە بۆ ھەموو عێراقییەک دروست بکەین.
• ڕقمان لە ڕەگەزپەرستی، شەڕی ناوخۆیی و دەمارگیریی ئایینی و تائیفی و فیکرییە.
• وڵاتێکمان دەوێت کە پارێزراو بێت لەو سەرکێشە قومارچییانەی کە یاری بە چارەنووس و سامانەکەیەوە دەکەن.
• ئاشتییەکی کۆمەڵایەتیی بەھێز و قووڵمان دەوێت، بەقەد قووڵایی ڕەسەنایەتیمان.
• دەمانەوێت شکۆمان پارێزراو بێت.
• دەسەڵاتێکمان ناوێت کە فێڵ لە گەلەکەی بکات و لە ڕێگەی پەراوێزخستن و برسیکردنەوە، شەرعییەت بە مانەوەی خۆی بدات.
لەگەڵمان بن، چونکە ئێمە پاڵپشتی ئێوەین و ئێوەیش قووڵایی ستراتیژیی ئێمەن.