ھەولێر-KDP.info- کونسوڵی ئێران لە هەولێر ڕایگەیاند، ئەمساڵ ئامادەکارییەکانی حکوومەتی هەرێمی کوردستان بۆ پێشوازیی لە زیارەتکارانی ڕێوڕەسمەکانی چلەی شەهیدبوونی ئیمام حوسێن، زۆر باشتر بوو بەراورد بە ساڵانی پێشوو.
پێنجشەممە 7ـی ئابی 2025، فەرامەرز ئەسەدی، کونسوڵی گشتیی ئێران لە هەولێر، لە کۆنفرانسێکی ڕۆژنامەوانیدا گوتی، "لە دوو مانگی ڕابردوودا ئێمە کۆمەڵێک کۆبوونەوەمان لەگەڵ پارێزگاری هەولێر و بەرپرسانی دیکەی پارێزگاکە هەبوو، بە مەبەستی ئامادەکاریکردن بۆ پێشوازییکردن لە زیارەتکاران.
کونسوڵی گشتیی ئێران لە هەولێر، دەڵێت، "ئەمساڵ لە چاو ساڵەکانی پێشوو، کاری زۆر باشتر بۆ پێشوازییکردن لە زیارەتکارانی چلهی شەهیدبوونی ئیمام حوسێن کراوە.
گوتیشی، "من سوپاسی هەموو بەرپرسانی هەرێمی کوردستان، حکوومەتی هەرێمی کوردستان و پارتی دیموکراتی کوردستان دەکەم، بۆ ئەو هاوکاری و ئاسانکارییانەی ئەمساڵ کە بۆ چوون و گەڕانەوەی زیارەتکارانی ئێمە کردوویانە."