پەیامی سەرۆك بارزانی بۆ كۆچی دوایی كەریم شنگالی

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 10 JUN 2025 20:51 | KDP.info

ھەولێر-KDP.info- سەرۆك بارزانی پەیامێکی ھاوخەمی بەھۆی کۆچی دوایی کەریم شنگالی تێکۆشەر و کەسایەتیی خەباتگێڕ و نیشتیمانپەروەری گەلەکەمان و ئەندامی پێشووی مەکتەبی سیاسیی پارتی دیموکراتی کوردستان ڕاگەیاند.

دەقی پەیامە ھاوخەمییەکەی سەرۆك بارزانی:-

بەناوی خودای مەزن و دلۆڤان

بەداخێکی زۆرەوە ئەمڕۆ سێشەممە ١٠ـی حوزەیرانی ٢٠٢٥ تێکۆشەر و کەسایەتیی خەباتگێڕ و نیشتیمانپەروەری گەلەکەمان و ئەندامی پێشووی مەکتەبی سیاسیی پارتی دیموکراتی کوردستان، کەریم شنگالی بەھۆی نەخۆشییەوە کۆچی دوایی کرد.

خوالێخۆشبوو کەریم شنگالی لە قۆناغە جیاجیاکانی خەباتی گەلەکەمان و پارتی دیموکراتی کوردستان ھەمیشە یەکێک لە کادیرە لێھاتوو و ماندوونەناسەکانی پارتی و بزووتنەوەی ڕزگاریخوازی کوردستان بووە و لە دەستپێک و ھەڵگیرساندنی شۆڕشی گوڵاندا فەرماندەیەکی چالاک و سەرەکی بووە و ھەروەھا لە سەردەمی خەباتی شاخ و لەدوای ڕاپەڕین و لە کاروباری سیاسی و ئیداری و دیپلۆماسیدا ئەرکەکانی خۆی دڵسۆزانە و زۆر بەباشی بەجێ گەیاندووە.

خوالێخۆشبوو کەیم شنگالی پێشمەرگەی ڕێبازی بارزانی و کوردایەتی بوو. بۆ منیش وەک ھەڤاڵێکی نزیک و ھاوڕێی ڕێگەی خەبات بوو و تەمەنی خۆی لەپێناو دۆزی ڕەوای گەلی کوردستان و بەدیھاتنی ئامانجە باڵاکانی گەلی کوردستان تەرخان کرد و لەدەست دانی کۆستێکی گەورەیە.

سەرەخۆشی لە خۆمان و خانەوادە و کەسوکار و ھەڤاڵانی کەریم شنگالی و سەرکردایەتیی و کادیر و ئەندام و لایەنگرانی پارتی و ھەموو شۆڕشگێڕ و ئازادیخوازانی کوردستان دەکەم.

لە خودای مەزن داواکارم ڕۆحی خوالێخۆشبوو کەریم شنگالی بە بەھەشتی بەرین شاد بکات و سەبر و ئارامی بە ھەموو لایەک ببەخشێت.

انا للە و انا الیە راجعون

مسعود بارزانی

١٠ـی حوزەیرانی ٢٠٢٥

دوایین هەواڵەکان

ھێمن میرانی زانیاری نوێ له‌ باره‌ی نوێكردنه‌وه‌ی لۆگۆی تاکسی بۆ KDP ده‌خاته‌ڕوو

THURSDAY, 12 JUNE 2025 11:06:00

ھەولێر-KDP.info- بەڕێوەبەری گشتی وەزارەتی ناوخۆی حکوومەتی ھەرێمی کوردستان دەڵێ، لۆگۆی تاکسی لە بەرژەوەندی شۆفێر و ھاووڵاتیان دایە و بۆ سەلامەتی سەرنشین و ھاووڵاتیانە، بۆیە ئومێدەوارم سەرجەم شۆفێرەکان پابەندبن.

وەزیری ناوخۆ پۆلیسی نەوجەوانانی ڕاسپارد بۆ جێبەجێ کردنی پلانەکە

WEDNESDAY, 11 JUNE 2025 21:06:09

هەولێر-KDP.info- ڕێبەر ئەحمەد وەزیری ناوخۆ، پاڵپشتی خۆی بۆ وەزارەتی کار ڕاگەیاند بۆ نەهێشتنی دیاردەی کار کردن و دەرۆزەکردنی منداڵان لەسەر شەقام و لە ترافیکلایتەکان و پۆلیسی نەجەوانانی ڕاسپارد بۆ هاوکار بوون لە جێبەجێ کردنی پلانەکە.

پێویسته‌ هاووڵاتییان په‌له‌ بكه‌ن له‌ بەئه‌لیكترۆنیكردنی فۆرمی خۆراك

WEDNESDAY, 11 JUNE 2025 19:06:31

هه‌ولێر-KDP.info- به‌ڕێوه‌به‌ری گشتی بازرگانی ئاماژه‌ی بۆ ئه‌وه‌ كرد "پێویسته‌ هاووڵاتییان په‌له‌ بكه‌ن له‌ به‌ئه‌لیكترۆنیكردنی فۆرمی خۆراك، دەنا به‌شه‌ خۆراکیان ڕاده‌گیرێت."

"کارکردن لە پڕۆژەی ئاوی چەمچەماڵ بەردەوامە"

WEDNESDAY, 11 JUNE 2025 17:06:10

چەمچەماڵ -KDP.info- قایمقامی قەزای چەمچەماڵ گوتی "کارکردن لە پڕۆژەی ئاوی چەمچەماڵ بەردەوامە و بەتەواوبوونی تا ٥٠ ساڵی دیکە کێشەی کەم ئاوی چارەسەر دەبێت، کە زیاتر لە ٢٠٠ھەزار کەس سوودی لێ وەردەگرن."

په‌یامێكى سوپاسگوزارى و پێزانین له‌ نێچیرڤان بارزانى یەوە

WEDNESDAY, 11 JUNE 2025 16:06:24

ھەولێر-KDP.info- نێچیرڤان بارزانی سەرۆکی ھەرێمی کوردستان لە پەیامیدا رایگەیاند: بەناوی خۆم و گەلی کوردستانەوە، ئه‌وپه‌ڕى سوپاس و پێزانینم پێشكه‌ش به‌ جه‌نابى سه‌رۆك شێخ محەمەد بن زاید ئال نەهیان، سەرۆکی دەوڵەتی ئیمارات و دیوان و نووسینگه‌ی بەڕێزیان ده‌كه‌م، بۆ ئەو گرنگیپێدان و چاودێرییه‌ تایبەتەی ئه‌م دوایییه‌ له‌ ماوه‌ى وه‌رگرتنى چاره‌سه‌ریدا له‌ ئه‌بوزه‌بى، پێشكه‌ش به‌ خوالێخۆشبوو کەریم شه‌نگالى کرا.

سەرۆك بارزانی لە 63ـیەمین ساڵیادی دەستپێكی پێشمەرگایەتییدا پەیامێكی بڵاوكردەوە

ھەولێر-KDP.info- سەرۆك بارزانی لە ساڵیادی بوونی بە پێشمەرگەدا، پەیامێكی بڵاو كردەوە و سڵاوی بۆ هەموو پێشمەرگەی كوردستان و رۆحی پاكی شەهیدان نارد.

سه‌رۆك بارزانی: ئومێدەوارم هەموو لایەك بەخۆدا بچنەوە و بگەڕێنەوە بۆ ئەو سێ مەبدەئە و بۆ دەستوور

ھەولێر-KDP.info- ئەمڕۆ پێنجشەممە 15/5/2025، لە هەولێر، بە ئامادبوونی سەرۆک بارزانی و مەسروور بارزانی، جێگری سەرۆکی پارتی دیموکراتی کوردستان، کۆنگرەی یەکگرتنی یەکێتیی قوتابیان و لاوانی دیموکراتی کوردستان دەستی پێكرد، لە كۆنگرەكەدا سەرۆك بارزانی وتارێكی پێشكەش كرد. دەقی وتاری سەرۆك بارزانی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."