کاندیدی ژمارە ٤٩ی پارتی لە پارێزگای نەینەوا پێی وایە، گرینگە لیستی ١٩٧ی پارتی بۆ ئەنجوومەنی پارێزگای نەینەوا سەرکەوێ و دەشڵێ، سەرکەوتنی لیستی پارتی سەرکەوتنی ھەموومانە بۆ خزمەت کردنی خەڵکی پارێزگاکە.
محسن نایف، کاندیدی ژمارە ٤٩ی لیستی پارتی بۆ ئەنجوومەنی پارێزگای نەینەوا بەمالپەڕی فەرمیی پارتی دیموکراتی کوردستانی راگەیاند" پارتی ھێزی جەماوەرە و بۆ ئێمە شەرەفێکی گەورەیە کاندیدی لیستی پارتی بین، ئێمە بە سرۆشت وا پەروەردەکراوین مەبەستی سەرەکیمان سەرکەوتنی لیستی ١٩٧ی پارتیە لە نەینەوا پێش ئەوەی کار بۆ خۆمان بکەین وەک کاندید کار بۆ سەرخستنی لیستی پارتی دەکەین، چونکە ئەگەر پارتی سەرکەوت مانای وایە ھەموومان سەرکەوتین.
کاندیدی پارتی لە نەینەوا گوتیشی" تەنیا لە ھۆزەکەی ئێمە نزیکەی ٢٤ ھەزار دەنگدەر ھەیە و زۆربەشیان بەڵێنی ئەوەیان پێداوین دەنگیان بۆ لیستی پارتی دیموکراتی کوردستان بێت، ئەو پشتگیریەی لە دەڤەری شنگال بەگشتی و ناوچەی ئێمە لە لیستی پارتی دەکرێت لەھیچ لایەنێکی دیکە ناکرێت.
محسن نایف ئاماژەی بۆ ئەوەکرد"ئەگەر بچینە ئەنجوومەنی پارێزگای نەینەوا ئەوە گومانی تێدا نیە چەند خالێک ھەن بۆ ئێمە کاری لەسەر بکەین ئەوانیش، جێ بەجێکردنی رێکەوتنی نێوان ھەولێر و بەغدا، چونکە دەبێتە چارەسەری زۆر کێشە، ھەروەھا کێشەی سەرەکی خەڵکی ئەو ناوچانە نەبوونی دەرفەتی کارە، لەبەر ئەوە ئێمەیش دامانناوە کار بکەین بۆ کەم کردنەوەی رێژەی بێکاری و ئەو ناوچانەی کەمتر پڕۆژەیان بۆ ئەنجامدراوە ئەو جیاکاریە نەھێڵین.
قائید میرۆ