Kurdî  ■  كوردی  ■  عربي
SUN, 5 FEB 2023 08:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەمڕۆ هەشت ساڵ بەسەر شەهیدکردنی هوجام سورچی تێپەڕدەبێت
| KDP.info


دهۆك-KDP.info- لە ڕۆژێکی وەکو ئەمڕۆدا و پێش هەشت ساڵ لە پارێزگای مووسڵ هوجام سورچی بە شێوەیەکی دڕندانە شەهید کرا لەلایەن تیرۆرستانی  داعشه‌وه‌، کوڕێکی شەهید هوجامیش دەڵێت، ئەمڕۆ بۆ ئێمە ڕۆژێکی خەمناکە، بەڵام شانازیش دەکەین کە باوکم لەپێناو خاک و نیشتیمان شەهید کراوە.

عومەر شەهید هوجام سورچی، بۆ ماڵپەڕی فەرمیی پارتی دیموکراتی کوردستان گوتی، لە ڕۆژێکی وەکو ئەمڕۆدا 25/1/2015 لە پارێزگای مووسڵ باوکم کە پێشمەرگە بوو بەدیل کەوتبووه‌ دەستی داعش بە شێوەیەکی زۆر دڕندانە شەهیدکرا و خوێنی خۆی کردە قوربانی لەپێناو خاک و نیشتیمان، چونکە پێشمەرگە پارێزەری خاک و نیشتیمانە و هەمیشە ئامادەیە قوربانی بدات بۆ ئەوەی کوردستان پارێزراو بێت.

عومەر شەهید هوجام سورچی گوتیشی، ئەمڕۆ بۆ ئێمە ڕۆژێکی خەمناکە و هەمووساڵ لەم ڕۆژەدا برینمان دەکولێتەوە، بەڵام شانازی دەکەین کە باوکمان  خوێنی خۆی لەپێناو نیشتیمان ڕشتووە، بۆیە بەخوێنی شەهیدان هەمیشە دەستکەوتەکانمان پارێزراوده‌بن.

سورچی باسی لەوەشکرد، لەو ڕۆژەدا داوا لە هەموو لایەنەکان دەکەین یەکڕیزی ناوماڵی کوردی بپارێزن، چونکە دەستکەوتەکان بەیەکڕیزی دەپارێزرێن و ئەوانەی ماویشن بەدەست دێن، بۆیە ئەرکی هەمووانە رێز لە خوێنی شەهیدان بگرین و ڕێگە نەدرێت ئەو دەستکەوتانەی بەدەست هاتوون لە ناوبچن، چونکە قوربانی زۆر دراوە لەپێناو کوردستان تا ئەو دەستکەوتانە بەدەست هاتوون.

شەهید هوجام عەبدولڕەحمان خدر سورچی لەساڵی 1970لە گوندی بەردەسۆری سەر بەناحیەی روڤیا لە قەزای بەردەڕەش لەدایک بووە و لەساڵی 1991وە بۆتە پێشمەرگە و بەردەوام بووە تا ئه‌و ڕۆژه‌ی بەدیل کەوتە دەست تیرۆرستانی داعش لە پارێزگای مووسڵ، دواتر لە بەرواری 25/1/2015 بەشێوەیەکی زۆر دڕندانە و بە بەرچاوی خەڵکه‌وه‌ سەری لە لاشەی جیاکرایەوە و شەهید کرا، کە ساڵانە لەورۆژەدا یادی شەهید هوجام دەکرێتەوە و بۆتە سیمبولی خۆراگری.

 

بڵند ئیبراهیم 

 




دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

 

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

 

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

 

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

 

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

 



 
© 2023 Kurdistan Democratic Party, KDP

Contact