Kurdî  ■  كوردی  ■  عربي
TUE, 27 SEP 2022 23:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کۆنگرەی ئەم جارەی پارتی کۆنگرەی نوێبوونەوە و گۆڕانکاری دەبێت
| KDP.info


گەرمیان -KDP.info- بەرپرسی لقی 22ی پارتی دیموکراتی کوردستان لە گەرمیان گوتی، کۆنگرەی ئەم جارەی پارتی دیموکراتی کوردستان کۆنگرەی نوێبوونەوە و جۆری دەبێت و کادیری نوێ دێنە پێشەوە و دەچنە سەرکردایەتی، چونکە لە هەموو کۆنگرەکانی پارتی گۆڕانکاری و نوێبوونەوە هەبووە و گرنگییەکی تایبەتیش بۆ ئەم کۆنگرەیە بە ئافرەت دراوە.

بەرپرسی لقی 22ی پارتی دیموکراتی کوردستان لە گەرمیان، ئەکرەم ساڵح، بۆ ماڵپەڕی فەرمیی پارتی دیموکراتی کوردستان گوتی: ''ئامادەکارییەکانی کۆنگرە و پرۆسەی کۆنفرانس بۆ هەڵبژاردنی ئەندامانی کۆنگرە زیاتر لە نیوەی بەڕێوە چووە و بەپێی ئەنجامە سەرەتایییەکان ئەو کادیرانەی متمانەیان بەدەست هێناوە، کادیری خاوەن ئەزموون و بژاردەن و ئەوە ئاماژەیەکە کە کۆنگرە باش و جۆری و لە ئاستێکی بەرز دەبێت، بەتایبەت ئەو کۆنگرەیە لەدوای 12 ساڵ لە بەستنی کۆنگرە دەبەسترێت و خودی سەرۆک بارزانی سەرپەرشتیی دەکات، هیوای گەورەمان هەیە ببێتە وێستگەیەکی گرنگ لە نوێبوونەوە لە ژیانی حزبایەتی و پارتایەتی بە شێوەیەکی گشتی.''

ئەکرەم ساڵح گوتیشی: ''لە هەموو کۆنگرەکانی پارتیدا جۆرێک لە گۆڕانکاری و نوێبوونەوە هەبووە و بەدڵنیایییەوە لەم کۆنگرەیەشدا خەڵکی نوێ دێنە پێشەوە، چونکە ئەو کۆنگرەیە 12 ساڵی بەسەردا تێپەڕ بووە و کادیری زۆر بەتوانا پێگەیشتوون بۆ ئەوەی متمانەی کۆنگرە بەدەست بێنن، بۆیە گومانم نییە کە کۆمەڵێک کادیری نوێ دەچنە سەرکردایەتی.''

ساڵح باسی لەوەش کرد: ''پارتی لە کۆنگرەی 13 بایەخی بە ئافرەت داوە و لەم کۆنگرەیەشدا لە کۆنفرانسەکان 25%ی ڕێژەی بۆ ئافرەت داناوە و ئەم ڕێژەیە لە ئاستی کۆنگرە ڕێژەیەکی بەرچاوە و ئەمە خۆی لە خۆیدا وا دەکات، ئافرەت لە کۆنگرەدا ڕێژیەکیان متمانە بەدەست بێنن و بگەنە ئاستی سەرکردایەتی.''

 

بڵند ئیبراهیم




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact