دهۆك –KDP.info- د رێورهسمهكى دا پرۆژێ پشكا تهنگاڤیان ل نهخۆشخانا ئازادى یا فێركرنێ یا كو ژ لایێ رێكخراها GIZیا ئهلمانى ڤه هاتیه چێكرن ئهڤرۆ رۆژا چارشهمبى 17/8/2022 ب ئامادهبوونا (پ.د.عهلى تهتهر) پارێزگارێ دهۆكێ و (سڤین موسلهر) قونسلێ گشتى یێ وهلاتێ ئهلمانیا ل ههرێما كوردستانێ ڕادهستى رێڤهبهریا گشتى یا ساخلهمیا پارێزگهها دهۆكێ هاتهكرن.
پ.د.عهلى تهتهر، پارێزگارێ دهۆكێ د پهیڤهكێ دا گۆت: "پێخوشحالین ئهڤرۆ پرۆژهكێ ب ڤى شێوهیى ژ لایێ رێكخراوا GIZیا ئهلمانى ڤه هاتیه چێكرن و رادهستى رێڤهبهریا گشتى یا ساخلهمیا پارێزگهها دهۆكێ هاتیهكرن، ئهڤ پرۆژه دێ خزمهتهكا مهزن پێشكێشى خهلكێ پارێزگهها دهۆكێ و ئاواره و پهنابهران كهت، ههروهسا ئهو خهلكێ ژ بهر كاودانێن ئێمناهیێ سهرهدانا نهخۆشخانه و بنگههێن ساخلهمیێ یێن پارێزگههێن خوه بكهن ژى دێ ژ ڤى پرۆژهیی د مفاداربن، ب سوپاسى ڤه بهرى نوكه ژى رێكخراوا ناڤهاتى چهندین پرۆژێن دى یێن خزمهتگۆزارى پێشكێشى پارێزگهها دهۆكێ كرینه ئهڤه چهنده ژى بۆ وان پهیوهندیێن خورتێن د ناڤبهرا كارگێریا پارێزگهها دهۆكێ و قونسلخانا گشتى یا وهلاتێ ئهلمانیا ل ههولێرا پایتهخت ڤهدگهڕیت كو ئهڤ پهیوهندیه بووینه ئهگهرهك هاریكاریا خهلكێ پێدڤى و لێقهوماى بهێتهكرن، ئهڤه ددهمهكى دایه كو حكومهتا ههرێما كوردستانێ ژى ژ ئالیێ خوه ڤه كێمتهرخهمى د چو بواران دا نهكریه كو ئهڤه پتر ههشت سالانه د رهوشهكا دارایى یا خراب دا دهربازدبیت و پشتبهستنێ ل سهر خوه دكهت".
د. ئهفراسیاب موسا، رێڤهبهرێ گشتى یێ ساخلهمیێ ل پارێزگهها دهۆكێ ئاشكرا كر كو ئهڤ پرۆژه ب شهڤ و رۆژ دێ د خزمهتا خهلكێ پارێزگهها دهۆكێ دابیت كو ب شێوهیهكێ سهردهمانه ئاڤاهیێ ڤى پرۆژهیى هاتیه چێكرن و و باشترین پێدڤیێن نۆشدارى و ئامیره ژى بۆ هاتینه دابینكرن و گۆت: "ئهڤى پرۆژهى شیانێن وهرگرتنا ب سهدان نهخۆشێن تهنگاڤ ههنه كو ژ 130 تهختان و چار هۆلێن نشتهرگهریان و یهكا چاڤدێریا چڕ و كارگهها ئۆكسجینێ و چهندین یهكهیێن دى پێك دهێت".
رێوار محهمهد رهشید