Kurdî  ■  كوردی  ■  عربي
THU, 18 AUG 2022 07:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھەر کەسێک لەو ماوەیەدا مامەڵە پێشکەش نەکات بێبەش دەکرێت
| KDP.info


ھەولێر-KDP.info- بەپێی بەدواداچوونێکی ماڵپەڕی فەرمیی پارتی پرۆسەی بەناوکردنی خانووی زێدەڕۆ بەسستی بەڕێوەدەچێت و بەرپرسێکی وەزارەتی شارەوانیش دەڵێ، پێویستە خاوەن خانووەکان سوود لەو دەرفەتە وەربگرن.

سەرتیپ خالید، بەڕێوەبەری گشتی شارەوانیەکانی ھەولێر، بە ماڵپەڕی فەرمیی پارتی دیموکراتی کوردستانی راگەیاند: "دوای دەرچوونی یاسای بەناوکردنی خانووی زێدەڕۆ لەلایەن پەرلەمانی کوردستان، حکوومەت رێنمایی بۆ دەرکردووە و لە سەرئاستی یەکە ئیداریەکان لیژنە بۆ وەرگرتنی مامەڵەی ھاووڵاتیان پێکھاتوون و پێویستە ئەو ھاووڵاتیانەی خانووی زێدەڕۆیان ھەیە پەلە بکەن بۆ ئەوەی داواکاری پێشکەش بە یەکەی کارگێڕی سنووری خۆیان بکەن، تا بەپێی یاسای بەرکار خانووەکانیان تاپۆ بکرێت".

ھاوکات پارێزەر نێچیرڤان حەمید، بۆ ماڵپەڕی فەرمیی پارتی دیموکراتی کوردستانی راگەیاند: "لیژنەی تایبەتمەند ھەن بۆ وەرگرتنی مامەڵەی ھاووڵاتیان و بەپێی ئامارە نافەرمییەکان نزیکەی سێ سەد ھەزار کەس سوودمەند دەبن لە یاسای تاپۆکردنی خانووی زێدەڕۆ، بەڵام پرۆسەکە وەک پێویست نیە و لیژنەکان ھۆشداریان داوەتە ھاووڵاتیان تا بەرواری ٩ی مانگی ئەیلوولی داھاتوو فۆرمی تاپۆکردنی خانووەکانیان پڕ بکرێنەوە و رادەستی حکوومەت بکرێن، دوای ئەو بەروارە مافیان نامێنێ ".

بەڕێوەبەری گشتی شارەوانیەکانی ھەولێر دەڵێت: "کاتی وەرگرتنی مامەڵەی ھاووڵاتیان دیاریکراوە و ھەر کەسێک لەو ماوەیەدا مامەڵە پێشکەش نەکات دواتر بێبەش دەکرێت لە پرۆسەی تاپۆکردن، ئەمەش دەرفەتێکی باشە بۆ ئەوانەی خۆیان زێدەڕۆیان ھەیە و سوودمەند دەبن لە یاساکە ".

لەبارەی رێژەی سەردانی ھاووڵاتیان، سەرتیپ خالید روونیکردەووە: "بەداخەوە رێژەی سەردانی ھاووڵاتیان تا ئێستا وەک پێویست نیە، ئێمەش ھۆکارەکەی نازانین لەھەموو سنوورێکیش پرۆسەکە وەک یەک بەڕێوەدەچێت دوا کات بۆ وەرگرتنی مامەڵەی ھاووڵاتیان سەرەتای مانگی ئەیلوولی داھاتووە".

 

قائید میرۆ

 




دوایین هەواڵەکان

بە بڕیاری سەرۆکی حکوومەت زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا

WEDNESDAY, 17 AUGUST 2022 20:08:20

هەولێڕ-KDP.info- بە بڕیاری سەرۆکی حکوومەتی هەرێمی کوردستان ئەمڕۆ چوارشەممە 17ـی 08ـی 2022 زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا.

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە

WEDNESDAY, 17 AUGUST 2022 19:08:39

بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

ئەنجومەنی وەزیران هەوڵەکانی چارەسەرکردنی کێشەکان لەگەڵ حکومەتی فیدراڵ تاووتوێ دەکات

WEDNESDAY, 17 AUGUST 2022 19:08:39

ئەمڕۆ چوارشەممە 17ی ئابی 2022 ، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
فازڵ میرانى پێشوازى له‌ میر حازم میر ته‌حسین بەگ كرد

WEDNESDAY, 17 AUGUST 2022 15:08:51

پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

 
پەیامی پیرۆزبایی یەکێتی نەتەوەیی دیموکراتی کوردستان

WEDNESDAY, 17 AUGUST 2022 15:08:35

بەبۆنەی ساڵیادی دامەزراندنی پارتی دیموکراتی کوردستان، یەکێتی نەتەوەیی دیموکراتی کوردستان، پەیامی پیرۆزباییان ئاڕاستەی سەرۆک بارزانی کردووە، کە تێدا هاتووە، برای بەڕێزمان جەنابی سەرۆک مەسعود بارزانی رێبەری بزاڤی رزگاریخوازی کوردستان، بە ناوی خۆمان و مەکتەبی سیاسی، پیرۆزبایی ئاڕاستەی جەنابتان و مەکتەبی سیاسی و جەماوەری پارتی دەکەین.

 


 
© 2022 Kurdistan Democratic Party, KDP

Contact