Kurdî  ■  كوردی  ■  عربي
FRI, 1 JUL 2022 17:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کێشەی کەمئاوی لە قەزای باتۆفە چارەسەر دەکرێت
| KDP.info


زاخۆ-KDP.info- لە رێگەی پڕۆژەیەکی ستراتیژیەوە کێشەی کەمئاوی لە سنووری قەزای باتۆفەی ئیدارەی زاخۆ چارەسەر دەکرێت و قایمقامی قەزاکەش دەڵێ، پڕۆژەی ئاوی باتۆفە ٨٠%ی تەواو بووە و مانگی ئابی داھاتووش ئاو لە خابووری زاخۆ دەگاتە سەنتەری قەزای باتۆفە.

فەرھاد مەحموود، قایمقامی قەزای باتۆفە، بە ماڵپەڕی فەرمیی پارتی دیموکراتی کوردستانی راگەیاند: "کێشەی کەمئاوی لە قەزای باتۆفە ٨٠%ی چارەسەر کراوە، ئەوەی ماوە لە رێگەی راکێشانی پڕۆژەیەکی ستراتیژی ئاو بۆ سەنتەری قەزای باتۆفە چارەسەر دەکرێت، پڕۆژەکە لەژێر جێبەجێکردنە و ئاوی خواردنەوە لە رووباری خابووری زاخۆ دەگەیەندرێتە قەزای باتۆفە و لە رێگەی گوندی گوڤکە ئاو دەگەیەندرێتە خەزانەکانی باتۆفە و دابەشی سەر ھاووڵاتیان دەکرێت".

قایمقامی باتۆفە گوتیشی: "پڕۆژەی ئاوی باتۆفە ٨٠%ی تەواوبووە و بە گوژمەی شەش ملیار دینار لە ئایندەیەکی نزیکدا تەواو دەبێت و بەپێی کاتی پڕۆژەکە لە مانگی ئابی داھاتوو تەواو دەکرێت".

فەرھاد مەحموود روونیکردەوە: "جگە لە راکێشانی ئاو بۆ سەنتەری قەزا، دەست بە گۆڕینی بۆڕی گواستنەوەی ئاو لەناو گەڕەکەکانی قەزاکە کراوە و ھەموو بۆڕی کۆنەکان دەگۆڕدرێن، چونکە بەشێک لەو بۆڕیانە لە ساڵانی ١٩٧٠ دانراون و بەھۆی کۆنی بۆڕیەکان کێشەی ئاو پەیدابووە".

 

قائید میرۆ




دوایین هەواڵەکان

یادگار مەحموود: ڕاگرتنی سیستەمی فیدراڵی کەوتووەتە ئەستۆی کورد

THURSDAY, 30 JUNE 2022 20:06:43
 

لقی شەشی ئەورووپای پارتی سیمینارێکی بۆ یادگار مەحموود، ئەندامی لیژنەی یاساییی پەرلەمانی عێراق ساز کرد و تێیدا ئەندامەکەی لیژنەی یاسایی تیشکی خستە سەر پەیوەندیی نێوان هەرێم و بەغدا لە چوارچێوەی دەستووری هەمیشەییی عێراقدا.

 

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

THURSDAY, 30 JUNE 2022 19:06:00

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

 
پرسەنامەیەک لە سەرۆکی حکومەتی هەرێمی کوردستانەوە

THURSDAY, 30 JUNE 2022 19:06:14

پرسە و سەرەخۆشی لە بنەماڵەی تێکۆشەری ناسراو و پێشمەرگەی شۆڕشی ئەیلوول و هەڵگری مێدالی بارزانیی نەمر، محەمەدەمین فەقێ حەسەن دەرگەڵەیی دەکەم و هاوبەشی خەمیانم. خوالێخۆشبوو محەمەدەمین دەرگەڵەیی، پێشمەرگەیەکی قارەمانی کۆماری کوردستان لە مەهاباد و یەکێک بوو لە یاوەرانی بارزانیی نەمر بۆ یەکێتیی سۆڤیەت. خوای مەزن گیانی بە بەهەشت شاد بکات و سەبر و ئارامییش بە کەسوکار و هەڤاڵەکانی ببەخشێت .

 
سەرۆکی حکومەت سەرپەرشتی یەکەمین کۆبوونەوەی ئەنجومەنی هەرێمی بۆ کاروباری نەوت و گاز دەکات

THURSDAY, 30 JUNE 2022 19:06:07

ئەمڕۆ پێنجشەممە 30 ی حوزەیرانی 2022 مەسرور بارزانی سەرۆکی حکومەتی هەرێمی کوردستان و سەرۆکی ئەنجومەنی هەرێمی بۆ کاروباری نەوت و گاز، سەرپەرشتی کۆبوونەوەی ئەنجومەنی هەرێمی بۆ کاروباری نەوت وگاز کرد کە یەکەمین کۆبوونەوەی ئەنجومەنەکەیە لە دوای هەموارکردنی یاسای نەوت وگاز.

بەیاننامەیەک لە فراکسیۆنی پارتییەوە

THURSDAY, 30 JUNE 2022 19:06:38

هەموومان لامان ڕوونە کە چەک لەم چەند ڕۆژەو لەڕابردوودشدا چۆن بووە هۆکاری ماڵ کاولی و وێرانکردنی چەندین خێزان و کوشتنی خەڵک.

 


 
© 2021 Kurdistan Democratic Party, KDP

Contact