Kurdî  ■  كوردی  ■  عربي
FRI, 1 JUL 2022 17:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هۆشیار سیوه‌یلی، پێشوازی لە دۆستی گەلی کورد ئێرلینگ فۆلکڤۆرد كرد
| KDP.info


ھەولێر-KDP.info- لە مەکتەبی پەیوەندییەکانی دەرەوەی پارتی دیموکراتی کوردستان لەلایەن بەرپرسی مەکتەب و دیسکی ئەوروپای پەیوەندییەکانی دەرەوە پێشوازی کرد لە (ئێرلینگ فۆلکڤۆرد) سیاسەتمەدار و نووسەری ناسراوی نەرویژی و دۆستی گەلی کورد و پەرلەمانتاری پێشووی پەرلەمانی نەرویژ لە ساڵانی نێوان ١٩٩٣-١٩٩٧ لەسەر لیستی پارتی چەپی ئەم وڵاتە. 

ئێرلینگ فۆلکڤۆرد سیاسەتمەدار و نووسەری ناسراوی نەرویژی خاوەنی بیست پەرتووکی چاپکراوە کە ٢ پەرتووکی بە تایبەتی لەسەر کورد و کوردستان بە زمانی نەرویژی لەچاپ داوە سەبارەت بە ڕابردوو و ئێستا و ئایندەی دۆزی کورد لە ھەموو پارچەکانی کوردستان، لە ساڵی ٢٠٠٨ یەکەم دیمانەی چاوپێکەوتنی لەگەڵ سەرۆک مەسعود بارزانی، سەرۆکی ھەرێمی کوردستان و مام جەلال تاڵەبانی، سەرۆککۆماری عێراق ئەنجامداوە، ناوبراو ناسراوە بە دۆستی گەلی کورد و دەیان بابەتی ڕۆژنامەگەریشی لەسەر کورد بڵاوکردۆتەوە و چەندین جار سەردانی ھەرێمی کوردستان و ڕۆژئاوای کوردستانیشی کردووە، ھاوکات سەرۆکی ڕێکخراوی پشتیوانی کوردستانە لە نەرویژ کە لە ساڵی ٢٠١٤ دامەزراوە لە نوێنەرانی چەندین پارتی نەرویژی و کەسانی نوخبە و چالاکوانی نەرویژی دۆستی گەلی کورد و چالاکوانانی کورد لەم وڵاتە  پێکھاتووە، لە ڕێگەی چەندین ڕێکخراوی نەرویژییەوە بەتایبەتی نۆرڤاک و ( ن.پ.ا) ھەروەھا ھاوکاری مرۆیی بۆ ڕۆژئاوا و باشووری کوردستان ناردووە، بەھۆی ئەو پەیوەندییە دۆستانەیەی لەگەڵ ناوبراودا ھەیە لە ھەموو سەردانەکانیدا ھاتۆتە مەکتەبی پەیوەندییەکانی دەرەوەی پارتی و ڕاو ھەڵوێست و تێروانینی پارتی بەلاوە گرنگ بووە. 

لە دیدارێکی دۆستانەدا لە مەکتەبی پەیوەندییەکانی دەرەوەی پارتی گوێبیستی ھەموو ڕاو سەرنجەکانی ناوبراومان کرد لەسەر پەیوەندی نێوان ھەرێمی کوردستان و وڵاتی شاھانەی نەرویژ و پرسەکانی ناوخۆیی و پەیوەندییەکانی نێودەوڵەتی ھەرێمی کوردستان و ئێستا و ئایندەی ھەرێمی کوردستان و لەسەر دۆخی ئێستای ھەرێمی کوردستان و ناوچەکە و دۆخی ئاوارەکانی کوردانی ئێزیدی لە شنگال و شەڕ و پەلامارەکانی نێوان پەکەکە و سوپای تورکیا لە ناو خاکی ھەرێمی کوردستان کە زیانی زۆری بە خەڵکی سڤیل و گوندەکانی سەر سنوور و ئاسایش و سەقامگیری ھەرێمی کوردستان گەیاندووە کە وەڵامی ھەموو پرسیارەکانیشی درایەوە.

لەم سەردانەیدا ڕاپۆرتیکی ڕۆژنامەوانی لەسەر دۆخی ھەرێمی کوردستان و ناوچەکە  بۆ ھەفتەنامەی (Tid &Dag / ڕۆژ و کات) ئامادە دەکات و دیدار و چاوپێکەوتنیش لەگەڵ چەندین کەسایەتی و دامەزراوەی ھەرێمی کوردستان ئەنجام دەدات.




دوایین هەواڵەکان

یادگار مەحموود: ڕاگرتنی سیستەمی فیدراڵی کەوتووەتە ئەستۆی کورد

THURSDAY, 30 JUNE 2022 20:06:43
 

لقی شەشی ئەورووپای پارتی سیمینارێکی بۆ یادگار مەحموود، ئەندامی لیژنەی یاساییی پەرلەمانی عێراق ساز کرد و تێیدا ئەندامەکەی لیژنەی یاسایی تیشکی خستە سەر پەیوەندیی نێوان هەرێم و بەغدا لە چوارچێوەی دەستووری هەمیشەییی عێراقدا.

 

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

THURSDAY, 30 JUNE 2022 19:06:00

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

 
پرسەنامەیەک لە سەرۆکی حکومەتی هەرێمی کوردستانەوە

THURSDAY, 30 JUNE 2022 19:06:14

پرسە و سەرەخۆشی لە بنەماڵەی تێکۆشەری ناسراو و پێشمەرگەی شۆڕشی ئەیلوول و هەڵگری مێدالی بارزانیی نەمر، محەمەدەمین فەقێ حەسەن دەرگەڵەیی دەکەم و هاوبەشی خەمیانم. خوالێخۆشبوو محەمەدەمین دەرگەڵەیی، پێشمەرگەیەکی قارەمانی کۆماری کوردستان لە مەهاباد و یەکێک بوو لە یاوەرانی بارزانیی نەمر بۆ یەکێتیی سۆڤیەت. خوای مەزن گیانی بە بەهەشت شاد بکات و سەبر و ئارامییش بە کەسوکار و هەڤاڵەکانی ببەخشێت .

 
سەرۆکی حکومەت سەرپەرشتی یەکەمین کۆبوونەوەی ئەنجومەنی هەرێمی بۆ کاروباری نەوت و گاز دەکات

THURSDAY, 30 JUNE 2022 19:06:07

ئەمڕۆ پێنجشەممە 30 ی حوزەیرانی 2022 مەسرور بارزانی سەرۆکی حکومەتی هەرێمی کوردستان و سەرۆکی ئەنجومەنی هەرێمی بۆ کاروباری نەوت و گاز، سەرپەرشتی کۆبوونەوەی ئەنجومەنی هەرێمی بۆ کاروباری نەوت وگاز کرد کە یەکەمین کۆبوونەوەی ئەنجومەنەکەیە لە دوای هەموارکردنی یاسای نەوت وگاز.

بەیاننامەیەک لە فراکسیۆنی پارتییەوە

THURSDAY, 30 JUNE 2022 19:06:38

هەموومان لامان ڕوونە کە چەک لەم چەند ڕۆژەو لەڕابردوودشدا چۆن بووە هۆکاری ماڵ کاولی و وێرانکردنی چەندین خێزان و کوشتنی خەڵک.

 


 
© 2021 Kurdistan Democratic Party, KDP

Contact