Kurdî  ■  كوردی  ■  عربي
FRI, 1 JUL 2022 16:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سێ‌ هەزار و 500 ناوچەی مەترسیدار لە هەرێمی كوردستاندا راگەیەنران
| KDP.info


ھەولێر-KDP.info- دەستەی مین بڵاوی كردووەتەوە، ناوچە مینڕێژكراوەكان بە رووبەری 776 كیلۆمەتر دیاری كراون، كە بەهۆیانەوە زیاتر لە 13 هەزار هاووڵاتی بوونەتە قوربانی.

ئەمڕۆ دەستەی مین بڵاویكردووەتەوە، هەرێمی كوردستان یەكێكە لە ناوچە مەترسیدارەكان بەهۆی پیسبوونی بە مین و پاشماوەی جەنگی، بە ڕووبەری 776 كیلۆمەتر دووجا خاكەكەی پیس كراوە بە مین و تەقەمەنی و پاشماوەی جەنگییە نەتەقیوەكان، لەلایەن دەزگای گشتی كاروباری مینەوە بەسەر سێ‌ هەزار و 500 ناوچەی مەترسیدار دابەش كراوە.

روون كراوەتەوە، بەهۆیانەوە زیاتر لە 13 هەزار هاووڵاتی بوونەتە قوربانی، ڕۆژانەش بە بەردەوامی گوێبیستی هەواڵی نەخوازراوی ڕووداوی مین دەبین، كە كاریگەریی لەسەر لایەنی كۆمەڵایەتی و ژێرخانی  ئابووری و ئاوەدانكردنەوە هەبووە.

باس لەوەش كراوە، تەنیا لە ماوەی سێ مانگی ڕابردووی ئەمساڵدا ژمارەی ئەو مین و تەقەمەنییانەی لە ناو براون، بریتی بووە لە دوو هەزار و 796 مین و تەقەمەنی كە هەر یەكێك لەو مین و تەقەمەنییانە، مەترسی بوون لەسەر گیانی چەندان هاووڵاتی.

لە راگەیەنراوەكەی دەستەی مین ئەوەش روون كراوەتەوە، كۆی ڕووبەری پاككراو لەو سێ مانگەدا، بریتی بووە لە 156 هەزار مەتر دووجا، دوای پاككردنەوەیان ڕادەستی خاوەنەكانیان كراونەتەوە بۆ نیشتەجێبوون و كشتوكاڵكردن، دەتوانرێ دووبارە وەبەرهێنانیان تێدا بكرێتەوە.

بەهۆی شەڕەكانی پێشووی عێراق و ڕێگری لە شۆڕشی كوردی، بەشێكی زۆری خاكی هەرێمی كوردستان مینڕێژ كراوە، لە ساڵی 2007وە دەستەی مین لە هەرێمی كوردستان دامەزراوە بە هاوكاری ڕێكخراوە نێودەوڵەتییەكان، سەرقاڵی پاككردنەوەی خاكی هەرێمی كوردستانن.

 

ڕامان وریا




دوایین هەواڵەکان

یادگار مەحموود: ڕاگرتنی سیستەمی فیدراڵی کەوتووەتە ئەستۆی کورد

THURSDAY, 30 JUNE 2022 20:06:43
 

لقی شەشی ئەورووپای پارتی سیمینارێکی بۆ یادگار مەحموود، ئەندامی لیژنەی یاساییی پەرلەمانی عێراق ساز کرد و تێیدا ئەندامەکەی لیژنەی یاسایی تیشکی خستە سەر پەیوەندیی نێوان هەرێم و بەغدا لە چوارچێوەی دەستووری هەمیشەییی عێراقدا.

 

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

THURSDAY, 30 JUNE 2022 19:06:00

بروسکەی مەکتەبی سیاسی پارتی بە بۆنەی (٢٩)ساڵەی راگەیاندنی حزبی شیوعی کوردستان

 
پرسەنامەیەک لە سەرۆکی حکومەتی هەرێمی کوردستانەوە

THURSDAY, 30 JUNE 2022 19:06:14

پرسە و سەرەخۆشی لە بنەماڵەی تێکۆشەری ناسراو و پێشمەرگەی شۆڕشی ئەیلوول و هەڵگری مێدالی بارزانیی نەمر، محەمەدەمین فەقێ حەسەن دەرگەڵەیی دەکەم و هاوبەشی خەمیانم. خوالێخۆشبوو محەمەدەمین دەرگەڵەیی، پێشمەرگەیەکی قارەمانی کۆماری کوردستان لە مەهاباد و یەکێک بوو لە یاوەرانی بارزانیی نەمر بۆ یەکێتیی سۆڤیەت. خوای مەزن گیانی بە بەهەشت شاد بکات و سەبر و ئارامییش بە کەسوکار و هەڤاڵەکانی ببەخشێت .

 
سەرۆکی حکومەت سەرپەرشتی یەکەمین کۆبوونەوەی ئەنجومەنی هەرێمی بۆ کاروباری نەوت و گاز دەکات

THURSDAY, 30 JUNE 2022 19:06:07

ئەمڕۆ پێنجشەممە 30 ی حوزەیرانی 2022 مەسرور بارزانی سەرۆکی حکومەتی هەرێمی کوردستان و سەرۆکی ئەنجومەنی هەرێمی بۆ کاروباری نەوت و گاز، سەرپەرشتی کۆبوونەوەی ئەنجومەنی هەرێمی بۆ کاروباری نەوت وگاز کرد کە یەکەمین کۆبوونەوەی ئەنجومەنەکەیە لە دوای هەموارکردنی یاسای نەوت وگاز.

بەیاننامەیەک لە فراکسیۆنی پارتییەوە

THURSDAY, 30 JUNE 2022 19:06:38

هەموومان لامان ڕوونە کە چەک لەم چەند ڕۆژەو لەڕابردوودشدا چۆن بووە هۆکاری ماڵ کاولی و وێرانکردنی چەندین خێزان و کوشتنی خەڵک.

 


 
© 2021 Kurdistan Democratic Party, KDP

Contact