Kurdî  ■  كوردی  ■  عربي
SUN, 22 MAY 2022 04:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگه‌یه‌ندراوی كۆبوونه‌وه‌ی ئه‌نجوومه‌نی سه‌ركردایه‌تی پارتی دیموکراتی کوردستان
| KDP.info


ھەولێر-KDP.info- پارتی دیموكراتی كوردستان راگه‌یه‌ندراوی كۆتایی كۆبوونه‌وه‌ی ئه‌مڕۆی ئه‌نجوومه‌نی سه‌ركردایه‌تی پارتی بڵاوكرده‌وه‌، كه‌ به‌ سه‌رپه‌رشتی سه‌رۆك بارزانی به‌ڕێوه‌چوو و ته‌واوی بڕیار و راسپارده‌كانی كۆبوونه‌وه‌كه‌ی له‌ شه‌ش ته‌وه‌ردا خسته‌ڕوو کە ئەمە دەقەکەیەتی:

راگەیەندراوی کۆبوونەوەی ئاسایی ئەنجومەنی سەرکردایەتی پارتی دیموکراتی کوردستان

ئەمڕۆ یەکشەممە، رێکەوتی ٨ی٥ی ٢٠٢٢ بە سەرپەرشتی جەنابی سەرۆک بارزانی و ئامادەبوونی جێگری سەرۆک، ئەنجومەنی سەرکردایەتیمان، پارتی دیموکراتی کوردستان کۆبوونەوەی ئاسایی خۆی گرێدا. دوای وەستانی دەقیقەیەک بۆ رێزگرتن لە گیانی پاکی شەهیدان، سەروەریان بارزانی نەمر و کاک ئیدریسی هەمیشە زیندوو، کۆبوونەوەکە چەندین تەوەری لەخۆ گرتبوو، بەم شێوەی خوارەوە:

- تەوەری یەکەم: باس لە بارودۆخی عێراق کرا بەتایبەتی دوای هەڵبژاردنەکانی ئەنجومەنی نوێنەرانی لە ١٠ی١٠ی٢٠٢١ و پڕۆسەی پێکهێنانی هاوپەیمانی (رزگاری نیشتمانی)، کە لە سێ لایەنی براوەی یەکەمی هەرسێ پێکهاتەی شیعە و کورد و سوننە (تەیاری سەدری، پارتی دیموکراتی کوردستان و هاوپەیمانی سیادە) پێکهاتووە. هەروەها باس لە کێشەو ئاستەنگەکانی بەردەم پێکهێنانی کابینەی نوێی حکومەتی عێراقی فیدراڵ کراو هەوڵەکان بۆ نەهێشتنی بەربەستەکان و شکاندنی ئەو داخرانە سیاسیەی هاتۆتەپێش، ئەویش بە ئەنجامدانی زنجیرەیەک کۆبوونەوە لەم چەند رۆژەی داهاتوو لەگەڵ لایەنەکانی هاوپەیمانی بە لایەنە پەیوەندارەکانی دیکە، بە لەبەرچاوگرتنی گشتی وڵات بە ئاڕاستەی لادانی ئاستەنگەکان و لێکتێگەیشتن بۆ دەربازکردنی وڵات بەرەو قۆناغێکی باشتر، لە هەمانکاتدا داکۆکی لە هەموو مافە دەستووریەکانی هەرێم دەکەین و جەخت لە جێبەجێ کردنی مادە دەستووریەکانی دەکەین بەتایبەتی مادەی ١٤٠، هەروەها دروستکردنی دامەزراوە دەستووریەکان، لەوانەش ئەنجومەنی فیدراڵی و دامەزراندنەوەی دادگای فیدراڵی بە گوێرەی دەستووری هەمیشەیی عێرا ق و دانانی یاسای نەوت و غاز لەبەر رۆشنایی مادە دەستووریەکانی پەیوەست بەم بابەتە.

- تەوەری دووەم: باس لە بارودۆخی نێوخۆی کوردستان کراو تیشک خرایە سەر هەوڵ و هەنگاوەنی پارتیمان لەگەڵ لایەنە سیاسیەکانی کوردستان، دوای پەسەندکردنی ئەنجامەکانی هەڵبژاردنەکانی ١٠ی١٠ بە کۆبوونەوە و سەردانیکردنی گشت لایەنەکان بەوانەیش کە کورسیشیان بەدەست نەهێنابوو لە روانگەی ئەوەی کە ئەمانەش لایەنی سیاسین و مافی بەشداریکردنیان هەیە لە رەسمکردن و بڕیاری سیاسی کە پەیوەندی بە کۆی پرۆسەی سیاسی کوردستانەوە هەبێت لەگەڵ حکومەتی فیدراڵی. کۆبوونەوە بە باشی زانی ئێستاش هەوڵەکان چڕ بکرێنەوە بۆ ئاسایی بوونەوەی بارودۆخ و لێکتێگەیشتن و چارەسەری گرفتەکان لەسەر بنەمای پاراستنی بەرژەوەندیە باڵاکانی نەتەوەیی و نیشتمانی و، تێپەڕاندنی ئەو بەرژەوەندیانە بۆ سەرووی بەرژەوەندی حزبایەتی. لێرەدا داوا لە هەموو لایەک دەکەین، لەسەر بنەمای بەرژەوەندیە نەگۆڕەکانی نیشتمانی و مافە دەستووریەکان لە یەکتر نزیک ببینەوە و کاری هاوبەش بکەین.

- تەوەری سێیەم: باس لە بارودۆخی هەرێمایەتی کرا، لە کۆبوونەوەکەدا گفتوگۆ کرا سەربارەت بە درێژەدان بە پەیوەندیەکان لەگەڵ وڵاتانی دراوسێ و لەسەر پرنسیپی پاراستنی بەرژەوەندی هەردوولا و، لەبەرچاوگرتنی ئەمن و ئاسایشی هەرێمی کوردستان و ئەو وڵاتانە و پاراستنی هەرێم و نەبوونی بە بەشێک لەو کێشانەی کە لە نێوان ئەو وڵاتانە و هەندێ وڵاتی دیکەدا هەیە. لەلایەکی دیکەوە چاوەڕوانین لە لایەنە سیاسیەکانی پارچەکانی دیکەی کوردستان نەبنە هۆکاری دروستکردنی کێشەو گرفتی سیاسی و ئابووری بۆ هەرێمی کوردستان و رەچاوی بارودۆخەکە بکەن.

- تەوەری چوارەم: ئەم تەوەرە تایبەت بوو بە پرۆسەی هەڵبژاردنی پەرلەمانی کوردستان كە تێیدا كۆبوونەوە جەخت لەوە دەكاتەوە كە هەڵبژاردنی پەرلەمانی كوردستان  لە کاتی خۆیدا بکرێت و بۆ ئەو مەبەستەش جەخت لەوە دەکەینەوە، کە پەرلەمانی کوردستان بە ئەرکی یاسایی خۆی هەڵسێت و کۆمسیۆن کارا بکرێتەوە. هاوتەریب لەگەڵ بەڕێوەچوونی کارەکانی پەرلەمان، داوای نزیکبوونەوەی لایەنەکان دەکەین بۆ نزیکترکردنەوەی راوبۆچوونە جیاوازەکان و گەیشتن بە جۆرێک لە رێککەوتن، تاوەکو پەرلەمان پەکنەخرێت و بە ئەرکی پەیڕەوی و یاسایی خۆی هەڵسێت بۆ چەسپاندنی چاکسازی بەردەوام و پرۆسەی یاسا دانان و ئەرکە پەرلەمانییەکانی دیکە.

- تەوەری پێنجەم: کۆبوونەوە پشتگیری خۆی بۆ حکومەتی هەرێمی کوردستان راگەیاند و، پشتیوانی بەرنامەی چاکسازی حکومەتی هەرێم دەکات و هیوادارین تەواوی ئاستەنگەکانی بەردەمی لابردرێت، کە بەرنامەکانی لە بەرژەوەندی خەڵکی کوردستان دایە.

- تەوەری شەشەم: بارودۆخی نێوخۆی پارتیمان، کۆبوونەوە بڕیاریدا:

دوای هەڵسەنگاندن و بارودۆخی ناوخۆی پارتیمان و لێکدانەوەی هەل و مەرجەکان، کۆبوونەوە بڕیاری دا:

١-پڕکردنەوەی بۆشایی نێو ئەنجومەنی سەرکردایەتی، کە بەداخەوە سێ هەڤاڵی تێکۆشەرمان کۆچی دواییان کردووە، بۆیە کۆبوونەوە بڕیاریدا بەسەرخستنی سێ هەڤاڵی یەدەکی ئەنجوومەنی سەرکردایەتی بۆ ئەندامێتی ئەنجوومەن.

٢-بەستنی کۆنگرەی چواردەهەم لە وەرزی پاییزی ئەمساڵ، کە بۆ ئەم مەبەستەش کۆبوونەوە دەسەڵاتی پێویستیدا بە مەکتەبی سیاسی بۆ دروستکردنی لیژنەی ئامادەکاری و لیژنەکانی دیکە و ئامادەکاریەکانی پێویست بە گوێرەی ئەوەی کە لە پەیڕەوی ناوخۆی پارتیمان ئاماژەیان پێکراوە.

 

ئەنجوومەنی سەرکردایەتی

پارتی دیموکراتی کوردستان

٨ی٥ی٢٠٢٢

-

-

-

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact