Kurdî  ■  كوردی  ■  عربي
SUN, 28 NOV 2021 04:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چارەنڤیسێ رێككەفتنا شنگالێ بەرەف كێدەرێ؟
| KDP.info


سۆزدار ڕەشید نەرمۆ

پشتی روودانێن ۱٦ی ئكتوبەرێ كەركوك و زۆربەیا ناوچەیێن كوردستانی یێن دەرڤەی ئیدارا هەرێمێ كەفتنە ژێر دەستێ حكومەتا ناڤەندی یا ئیراقێ، شنگال ژی ئێك ژ وان دەڤەرا بوو یا كو كەفتیە ژێر دەستێ حەشدا شەعبی و ب رێدانا حكومەتا ئیراقێ چەكدارێن پەكەكێ ژی بەرپێكێن خۆ ل وێ دەڤەرێ مكوم كرن ب دامەزراندنا یەكینەیێن پاراستنا شنگالێ و ئالایێ كوردستانێ ل دەڤەرێ قەدەغە كرن، بەلێ حكومەتا هەرێما كوردستانێ دەست نەداهێلان و هەموو هەول دان بۆ دووبارە ئاسایی كرنا رەوشا دەڤەرا شنگال و دەردۆرێن وێ داكو جارەكە دی خەلكێ شنگالێ هەست ب ئارامیێ بكەت و ڤەگەرێتە سەر جهـ و وارێن خۆ، ئەو بوو ل دەستپێكا مەها ئكتۆبەرا سالا پار رێككەفتنا شنگالێ هاتە ئیمزاكرن دناڤبەرا حكومەتا هەرێما كوردستانێ و حكومەتا بەغدا دا، ئەڤ رێككەفتنە پێك دهات ژ سێ تەوەرێن سەرەكی، تەوەرێ ئێكێ پێك ئینانا ئیدارەیەكا نوو بۆ شنگالێ ب دانانا قایمقامەكی نوو، تەوەرێ دووێ ئێمناهیا شنگالێ بوو كو هێزێن ئێمناهیێ ژ خەلكێ شنگال پێك بینن ب دامەزرانا ( ۳٥٠٠ ) كارمەندان ژ پولیس و ئاساییش و استخبارات ب بەرچاڤ وەرگرتنا خەلكێ ل كەمپان یی ئاكنجی بهەماهەنگی لگەل هێزێن ئێمناهیێ ل هەرێما كوردستانێ داكو بكارن بارێ ئاساییشێ ئاسایی بكەن و وان هێزێن چەكدار یێن نە شەرعی ژ دەڤەرێ دەربێخن بتایبەت هێزێن پەكەكێ و دەرێخستنا هێزێن لەشكەری یێن دیتر، تەوەرێ سیێ ژی ئاڤەدانكرنا شنگال و ئەنجامدانا خزمەتگۆزاریان بوو، ئەڤ پێنگاڤا هەردوو حكومەتان جهێ رازەمەندیا خەلكێ شنگالێ بوو ب پێنگاڤەكە مێژوویی و ئۆمێد بەخش ل قەلەم ددا. لەورا حكومەتا هەرێما كوردستانێ بهەموو شێوەیەكی لسەر مەرجێن حكومەتا بەغدایێ رازی بوو پێخەمەت دووبارە ئاسایی بوونا رەوشا شنگالێ و ئاڤەدانكرنا وێ، بەلێ حكومەتا بەغدایێ نەیا رژد بوو د قەول و قرارێن خۆ دا بتنێ بۆ هەوا هەلبژاردنان گرنگی دا بابەتێ شنگالێ، ئەڤە ژ وی دەمی وەرە هەتا ئەڤرۆ بەغدایێ رێككەفتنناما شنگالێ پشت گوهـ هاڤێتیە و هێزێن نە شەرعی ل شنگالێ بەرەڤ زێدەبوون چۆینە هەتا بۆ هەلبژاردنان ژی رێ نەدان كاندیدێن پارتی دیموكراتی كوردستان پچنە وێ دەڤەرێ و پروپاكندێ بخۆ و لیستا خۆ بكەن كو ئەڤە ژی ئێكە ژ سیاسەتێن حكومەتێن ئیراقێ یێن ئێك لدیف ئێكێ كو شەرێ خۆكوژیێ دناڤبەرا كوردان بخو دا بەرپا ببت چنكو ئەو هێزێن نها بالا دەست ل شنگالێ حەشدا شەعبی و چەكدارێن پەكەكێ ژی كو هێزەكا نە شەرعی یە ب رێدانا حكومەتا ئیراقێ ل وێدەرێ یە و بهەموو هێز و شیانێن خۆ ڤە دژایەتیا رێككەفتننامێ دكەن و ناهێلن سەر بگریت لەوما ژی خەلكێ شنگال و دەردۆرێن وێ باجا رەفتارێن حەشدا شەعبی و پەكەكێ ددەن ژبەر هندێ هەتا نهۆ ژیانا چادران هەلبژارتیە و ڤەنەگەریاینە سەر جهێ باب و كالێن خۆ ژبەر كو هەست ب ئێمناهیێ و ئارامیێ ناكەن و جودا وان هێزان مەترسیە بۆ ژیانا خەلكێ ئاسایی و هەتا هێزێن ئاساییشێ یێن هەرێما كوردستانێ و پێشمەرگە نە ڤەگەرێنە شنگال خەلكێ وێ نا ڤەگەرێت و دێ ل كەمپان مینت.




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact