دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.

جێگرێ پارێزگارێ دهۆكێ دپه‌یڤه‌كێدا دیاركر كو گوهورین پروسه‌كا ئاسایه‌ به‌رده‌وام دناڤ ده‌زگه‌هێن میرى دا دهێته‌ كرن وئارمانج ژێ ئه‌وه‌ ئاستێ پێشكێشكرنا خزمه‌تگوزاریا بهێته‌ پێشئێخستن و سوپاسیا رێڤه‌به‌رێ به‌رێ ب وه‌كاله‌ت كر ل دور ئه‌و خزمه‌تا ل ده‌مێن ده‌ربازبوویى پێشكێشكرى.

هه‌روه‌سا پیروزباهى ل رێڤه‌به‌رێ نوو كر و پشته‌ڤانیا كارگێریا پارێزگه‌هێ نیشان دا بو هه‌ر هاریكاریه‌كێ بو وێ یه‌كێ ئاستێ خزمه‌تكرنێ بهێته‌ پێشئێخستن وداخازا سه‌ركه‌فتنێ بو كر.

ژلایێ خوه‌ رێڤه‌به‌رێ نوو ته‌كه‌زكر كو ئه‌و دێ ل جهێ وێ باوه‌ریێ بیت یا پێهاتیه‌ راسپاردن و ب دلسوزى ولدوڤ یاسا ورێنمایێن رێڤه‌به‌ریێ  دێ خزمه‌تا هاوڵاتیان كه‌ت. جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران.