Kurdî  ■  كوردی  ■  عربي
THU, 21 OCT 2021 14:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەکیمی ویژدانی خۆت بە
| KDP.info


 

هاودەنگ فاروق

 

 ‎دەنگدەری خۆشەویست! خەڵكی هۆشیاری كوردستان، دەنگدەری بوێر و چاوكراوە، پەلە مەکە لە حوکمدان؛ دەرفەتەکە چوار ساڵە، بە چاوی فکر و ئەقڵ بیر بکەرەوە، چاوێک بخشێنەوە بە کار و کاروانی ئاوەدانیی پارتی و ئەوانی دیكەدا، جا حەکیمی دڵ و ویژدانی خۆت بە، دەنگ بەوانە مەدە لەگەڵ نەیارانی کورددا لە بەغدا و لە تەک شۆڤێنییەکاندا، پێکی پیلانگێڕییان لە دژی گەلی خۆت دەنۆشینی و بەس جلی کوردییان لەبەردا بوو.

دەنگدەری خەمخۆر، دڵسۆز و بەویژدان، كە چوویتە سەر سندووقەكانی دەنگدان، چاوت لەو هەڕەشەیە بێت كە هەندێك دەڵێن لە بەغداوە شۆڕش لە دژی كوردستان دەكەین! ئەوانەی بە پشتیوانیی ئۆردووی داگیركەر هەڕەشە لە خاک و ئاوی كوردستان و ئەزموونی كوردستان و ئایندەی منداڵەكانمان دەكەن و مەگیرانی و بێزوو بەو ڕۆژەوە دەکەن، کۆمەڵێک شۆڤێنی بێن ئاڵای سەر قەڵای هەولێر بەوپەڕی بێڕێزییەوە داگرن، وەک چۆن ئاڵای پەیکەری پێشمەرگەکەی کەرکووکیان داگرت و لەسەری هەڵپەڕین. ئەوانە بێزوو بەو ڕۆژەوە دەکەن، لەناو سلێمانی و هەولێر و دهۆک، ڕۆژانە تۆ بە سەیتەرەی شۆڤێنییەکاندا تێپەڕیت و لەبری بەخێر بێت و خوات لەگەڵ، بە زمانێکی بێگانە بێڕێزیت پێ بکرێت. 

بیرت بێ! پارتی نەعرەتەی نەڕەشێرەكانی مێژووە، ئێمە نەك هەڕەشە لە كوردستان ناكەین، ئێمە پەنجە بە چاوی داگیركەراندا دەكەین، هۆڵی پەرلەمانی فیدراڵیی ئێراق دەكەینە گۆڕەپانی تۆماركردنی گۆڵ لە دوای گۆڵ.

دەستكەوت و سەروەرییەكان، سەربەرزی و نەبەردییەكان، گەشانەوەی مێژوو، هەڵكردنی ئاڵای كوردستان لە پایتەختەكانی دنیا، ئاشتی و ئاوەدانی، پاراستنی كوردستان لە دەستی ڕەشی تیرۆر، لەكاتێكدا زۆرینەی وڵاتانی دەورووبەرمان بە دەستی تیرۆر خەڵتانی خوێن بوون، هەموو ئەوانە دەستكەوتی پارتین بە پشتیوانیی ئێوە. 

پارتی دەستلەملانی مێژووی پڕشکۆ و سەروەریی كوردستان، دەستوپەنجەی لەگەڵ شێخی پیران و شێخی نەمر و بارزانی نەمر، میراتگری سەروەرییەكانی مادی گەورە، نەعرەتەی سەرزەمینی ماد و میزۆپۆتامیایە... پارتی ژێی ئاوازی ئازادی و دیموکراتی كوردستانە. پارتی بەهێزترین شاڕێگەیە بەرەو سەربەخۆیی کوردستان.

پارتی تاكە وەڵام و بەهێزترین هاوار و گەرووی نەبەزیوی نەخێری كوردە بەرانبەر غەدرەكانی مێژوو، بەرانبەر ستەمەكانی داگیركەر. پارتی لە منداڵدانی خەم و ئازارەكانی نەتەوەیەكی ژێردەستەوە هاتووەتە بوون.. پارتی غەدری سەدە دەبینێت كە لە كورد كراوە، نەك تەنها ئیمتیازەكانی پەرلەمانتارێك و بەڵێ و نەخێری یاسایەك و پۆستێك و دووان.

بۆ ئاوەدانی و خۆشگوزەرانیی خۆت و نەوەكانت، بۆ ئەوەی داگیركەر زات نەكات لە دوورەوەش سەیری كوردستان بكات. بۆ ئاڵای كوردستان، بۆ ئەوەی كوردیش لە ڕیزی نەتەوەكاندا ببێتە خاوەنی شكۆ و هەیبەتی خۆی، ئەم سێ حزبە هەڵبژێرە: پارتی و هەر پارتی و تەنیا پارتی.




دوایین هەواڵەکان

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:47

ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە مارک برایسن ریچاردسن باڵیۆزی بەریتانیا لە عێراق کرد.

 
سەرەتای ساڵی داھاتوو شوققەكانی سۆران دابەش دەكرێن

THURSDAY, 21 OCTOBER 2021 13:10:21

سۆران-KDP.info-پڕۆژەی شوققەكانی "بادلیان" لە سنووری قەزای سۆران لە قۆناغی كۆتاییدان و سەرپەرشتیاری ئیدارەی سۆرانیش دەڵێ، كۆتایی ئەمساڵ پڕۆژەكە تەواو دەبێت و لە سەرەتای ساڵی داھاتوودا شوققەكانی سۆران بەسەر ھاووڵاتیاندا دابەش دەكرێن.

 

ب ئاماده‌بوونا جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران

THURSDAY, 21 OCTOBER 2021 11:10:56

دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.



 
© 2021 Kurdistan Democratic Party, KDP

Contact