د.محمد خدر مولود
ئەمرۆ 15-9-2021 بەکاتی هەولێر، نێچیرڤان بارزانی سەرۆکی هەرێمی کوردستان، خوێندنەوەیەکی تازەی دبلۆماسیی دایە، تەمەنی 100 ساڵەی تەموومژاوی دبلۆماسیی نێوان بەریتانیای مەزن و گەلی کوردستانی باشووری گڕگرتووی ستەمدیدە، خوێندنەوەیەک هەڵە تێگەیشتنی بەریتانییەکانی هەر لە ناردنی مێجەرسۆن وەک حاکمی سیاسی بەریتانی بۆ سلێمانی لە 1918 و هەلگیرسانی شەر لە گەڵ شێخ مەحمودی حەفید تا بەشداری کردنی کارای سوپای ئینگلیز شان بەشانی سوپای عیراقی بۆ دامرکاندنەوەی شۆرشەکانی بارزانی یەکەم و دووەم و جینۆسایدکردنی گوندەکانی دەڤەری بارزان (کە لە مێژووی جینۆسایدکردنی کوردستان لە سەدەی بیستدا بە یەکەمین جینۆساید دادەنرێ) لە سالانی 1931- 1933دا.
ئەم سەردانەی ئەمڕۆی نێچیرڤان بارزانی سەرۆکی هەرێم و گوڵی خانەدانی بارزان لەو رێوڕەسمە پرۆتۆکۆڵییە شاهانەییە فەرمییە لە بەریتانیای مەزن - عوزما دا مانادار و ئاماژەبەخشە، چ بۆ بەریتانییەکان، وڵاتانی دەوروبەر، چ بۆ ئایندەی کوردستان و هەولێر.
بە تایبەتیش بۆ ئەوانەی وایان دەزانی یا وایان دەبینی کەوا:
1- هەولێر پارووەکی ئاسانە، لەو بارودۆخەیدا، یا دوای کشانەوەی ئەمریکا لە ناوچەکە بە ئاسانی قووت دەدرێ و کوردستان دەبێ بە ئەفغانستانێکی تر.
2- لە ناوخۆی کوردستانیش دا، لە ئان و ساتی هەڵبژاردندان و بانگەشەی بەربژێران و گرەوکردنی هەندێ حزب و لایەن وێناکردنی هەڵە و چەواشەکارانە لەسەر هەبوونی ناتەبایی و ناکۆکی لە نێوان هەردوو برازای پشت و پەنا، هەردوو گوڵی خانەدانی بارزان (نێجیرڤان بارزانی و مەسرور بارزانی، ئەویان سەرۆکی هەرێمی کوردستان و ئەویان سەرۆکی حکوومەتی هەرێمی کوردستان) بۆ سواڵکردنی دەنگی هەڵوەریوو و لە دەست چوو و گەرمکردنی بازاری سۆشیال میدیای گۆرین دەنگ و دۆر و پرۆپاگەندە پەخش و بڵاودەکەنەوە.
سەردانی کەم وێنە و دەگمەنەکەی، دوێنێی سەرۆک کۆماری فەرەنسا، ئیمانۆئێل ماکرۆن دۆستی دێرین بۆ هەولێر و سەردانی ئەمرۆی نیچیرڤان بارزانی بۆ بەریتانیا لای دۆستی دێرین سەرۆک وەزیران جۆریس بۆرسۆن، کۆدی تازەن بۆ هەندێ هاوکێشەی سیاسیی و ئابووری تازەی ناوچەکە، لەوانەیە ئەم کۆدە بە هەموو کەس نەخوێندرێتەوە، بە کەسی ئاقڵ و ژیر نەبێ.
سەرنج : (گوڵی خانەدانی بارزان)، دەستەواژەی هەژار موکریانی یە.
هەولێر 16-9-2021