Kurdî  ■  كوردی  ■  عربي
MON, 26 JUL 2021 23:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نه‌ته‌وه‌ یه‌کگرتووه‌کان پشتگیریی دامه‌زراندنى دادگاى تاوانه‌کانى داعش دەکات
| KDP.info


په‌رله‌مانى کوردستان سه‌رقاڵى په‌سه‌ندکردنى پرۆژه‌یاساى ''دادگاى تاوانکاریى تایبه‌تمه‌ند به‌ تاوانه‌کانى داعش''‌‌ له‌ هه‌رێمى کوردستانه‌، تا له‌و ڕێگه‌یه‌وه‌ کار بۆ به‌سزاگه‌یاندنى هه‌موو ئه‌و تیرۆریسته‌ داعشانه‌ بکات که‌ تاوانى دژ به‌ مرۆڤایه‌تییان دژى هاووڵاتییان و خه‌ڵکى سڤیلى کوردستان و ناوچه‌کانى ده‌ره‌وه‌ى ئیداره‌ هه‌رێمى کوردستان کردووه‌. ئه‌ندامێکى لیژنه‌ى یاساییى په‌رله‌مانى کوردستان ده‌ڵێت: "خوێندنه‌وه‌ى یه‌که‌م بۆ پرۆژه‌یاساکه‌ کراوه‌ و له‌دواى پێشکه‌شکردنى ڕاپۆرتى لیژنه‌ى یاسایی له‌سه‌ر کۆى پرۆژه‌که‌ ده‌خرێته‌ جه‌لسه‌ى په‌رله‌مانى و په‌سه‌ند ده‌کرێت".

خه‌دیجه‌ عومه‌ر مزوورى، ئه‌ندامى لیژنه‌ى یاساییى په‌رله‌مانى کوردستان، به‌ ماڵپه‌ڕى فه‌رمیى پارتى دیموکراتى کوردستانى ڕاگه‌یاند: "هه‌بوونى یاسایه‌کى تایبه‌ت به‌ تاوانه‌کانى داعش له‌ سیستمى یاساى هه‌رێمى کوردستاندا زۆر گرنگ بوو، ئێمه‌ ده‌زانین تیرۆریستانى داعش له‌ ماوه‌ى ڕابردوو زۆرترین تاوان و کارى دژ به‌ مرۆڤایه‌تییان ده‌رهه‌ق به‌ هاووڵاتییانى کوردستان، به‌تایبه‌ت کوردانى ئێزدى و هاووڵاتییانى مه‌ده‌نیى ناوچه‌ جیاوازه‌کان له‌ ده‌ره‌وه‌ى ئیداره‌ى هه‌رێمى کوردستان کرد، بۆیه‌ بوونى یاسایه‌کى له‌م شێوه‌یه‌ گرنگه‌ بۆ ئێمه‌ وه‌ک هه‌رێمى کوردستان، چونکه‌ ده‌بێته‌ چوارچێوه‌یه‌کى یاسایى، هه‌م بۆ ناساندنى تاوانه‌ جۆربه‌جۆره‌کانى داعش و دۆزینه‌وه‌ى چوارچێوه‌یه‌کى یاسایى بۆیان، هه‌م بۆ خوگونجاندن له‌گه‌ڵ ڕێککه‌وتنى نێوه‌ده‌وڵه‌تى که‌ عێراق واژووى کردووه‌، چونکه‌ بیرمان نه‌چێت لایه‌نى نێوده‌وڵه‌تى ده‌توانێت هاوکارێکى سه‌ره‌کى بێت بۆ کۆکرنه‌وه‌ى به‌ڵگه‌نامه‌کان و دۆزینه‌وه‌ى ته‌واوى تیرۆریستان و به‌سزاگه‌یاندیان و ته‌نانه‌ت هاوکاریکردنى که‌سوکارى قوربانیانى تاوانه‌که‌ و قه‌ره‌بووکردنه‌وه‌یان".

گوتیشى: "پرۆژه‌یاساکه‌ له‌ ٣٣ ماده‌ و هۆیه‌کانى ده‌رچوواندنى پێک هاتووه‌، ئێستا خوێندنه‌وه‌ى یه‌که‌مى بۆ کراوه‌ و له‌ جه‌لسه‌ى داهاتووى په‌رله‌مان که‌ ده‌که‌وێته‌ دواى جه‌ژن په‌سه‌ند ده‌کرێت، هه‌ر به‌پێى یاساکه‌ سندووقێکى هاوکاریى تایبه‌ت به‌ قه‌ره‌بووکرنه‌وى که‌سوکارى قوربانیانى ده‌ستى داعش داده‌مه‌زرێت، ته‌واوى ئه‌و هاوکارییانەی چ له‌ ئاستى ناوخۆ و چ له‌ ئاستى ڕێکخراوه‌ نێوده‌وڵه‌تییه‌کان کۆ ده‌کرێته‌وه‌ له‌و ‌سندووقه‌دا‌ داده‌نرێت و دواتر به‌ شێویه‌کى دادپه‌روه‌رانه‌ به‌سه‌ریاندا دابه‌ش ده‌کرێت".

ئه‌ندامه‌که‌ى لیژنه‌ى یاساییى په‌رله‌مان ئاماژه‌ى به‌وه‌ش دا: "باره‌گاى سه‌ره‌کیى داگاکه‌ له‌ ‌هه‌ولێر، پایته‌ختى هه‌رێمى کوردستان ده‌بێت و به‌پێى یاساکه،‌ سه‌رۆکى دادگاى تایبه‌تمه‌ند ده‌توانێت داواى یارمه‌تى له‌ کۆمه‌ڵگه‌ى نێوده‌وڵه‌تى بکات بۆ نارنى دادوه‌ر و ڕاوێژکارى شاره‌زا له‌ ‌بوارى لێکۆڵینه‌وه‌ له‌ تاوانى مرۆڤایه‌تى بۆ ئه‌وه‌ى ئه‌و ئه‌رکه‌ى له‌ ‌ئه‌ستۆى دادگاى تایبه‌تمه‌نده‌ وه‌ک خۆى جێبه‌جێى بکات".

ڕونیشى کرده‌وه‌: "نه‌ته‌وه‌ یه‌کگرتووه‌کان پاڵپشت و هاوکاره‌ بۆ دامه‌زراندنى دادگایه‌کى له‌م شێویه‌ له‌ هه‌رێمى کوردستان و خوازیاره‌ هه‌رچى زووه‌ چوارچێوه‌یه‌کى یاسایى بۆ پۆلێنکردن و بەسزاگه‌یاندنى هه‌مو ئه‌و تیرۆریستە داعشانه‌ هه‌بێت که‌ تاوانی جۆربه‌جۆریان دژى خه‌ڵکى کوردستان کردووە‌."

ئەرسەلان ئەحمەد

 


 




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact