دھۆک-KDP.info- رێڤەبەریا گشتی یا ساخلەمیێ ل پارێزگەھا دھۆکێراگەھاند کو د رۆژێن جەژنا رەمەزانا پیرۆز دا ٢٣٠ زارۆک ل پارێزگەھادھۆکێ ژدایکببوون و ٢٠ کەسان ژی گیانێ خوە ژ دەست بوو.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیاپارێزگەھا دھۆکێ ئەڤرۆ رۆژا ١٦/٥/٢٠٢١ د پرێس کۆنفرانسەکی دائاشکرا کر کو د رۆژێن جەژنا رەمەزانا پیرۆز دا چار ھزار و ٨٦٣ نەخۆشان سەرەدانا دەزگەھێن ساخلەمیێ ل پارێزگەھا دھۆکێ کربوو و٤٢٧ نەخۆش ھاتبوونە نڤاندن و گۆت: "د ھەمان رۆژ دا ٢٢٠ زارۆک لپارێزگەھا دھۆکێ ژدایکببوون ژ وان ١٢٤ کور و ١٠٦ کچ بوون".
ناڤھاتی ئاماژە دا وێ چەندێ کو د رۆژێن جەژنێ دا ٦٤ نشتەرگەری وشەش قەستەرێن دلی یێن بلەز ل دھۆکێ ھاتبوونە ئەنجامدان، ھەروەسا٢٢ روودانێن ب شەرچوونێ و ١١ روودانێن کەتنێ ژ جھێن بلند و ٢٧ حالەتێن سۆتنێ و حالەتەکێ گولەیێن ئاگری و بزاڤەکا خوەکوشتنێ و ٤٩ روودانێن ترۆمبێلان و شەش روودانێن وەرگەریانا ماتۆرسکلان ھاتینەتۆمارکرن زێدەباری ڤێ چەندێ د ھەمان رۆژ دا گولچیسکێن ٤٧ نەخۆشان ل پارێزگەھا دھۆکێ ھاتینە شووشتن و گۆت: "د رۆژێنجەژنێ دا سێ ھزار و ٧٦٣ پشکنین بۆ گۆمانلێکریێن ڤایرۆسێکۆرۆنایێ ل پارێزگەھا دھۆکێ ھاتبوونە ئەنجامدان کو دەرئەنجامێ٣٦٠ ژوان پۆزەتیف بوو و حەفت کەسان ژی ژ ئەگەرێ ڤایرۆسێناڤھاتی گیانێ خوە ژدەست دابوو".
رێوار محەمەد رەشید