دھۆک-KDP.info- د رێورەسمەکێ دا ئەڤرۆ رۆژا ١٢/٤/٢٠٢١ جووتسایدێ کۆمەلگەھا نێڤدەولەتی یا ئیبراھیم خەلیل ژ لایێ (پ.د.عەلی تەتەر) پارێزگارێ دھۆکێ ڤە ب ئامادەبوونا چەندین بەرپرسێن حکومی و حزبی و کەسایەتیێن دەڤەرێ ھاتە ڤەکرن.
پ.د.عەلی تەتەر، پارێزگەرێ دھۆکێ د رێورەسمێن ڤەکرنا پرۆژەیی دا پەیڤەک پێشکێشکر و تێدا دیار کر کو پرۆژێ جووت سایدێ ئیبراھیم خەلیل ئێک ژ وان پرۆژان بوو کو ھاتیە پێکشکێشکرن و لەز تێدا ھاتیەکرن بۆ وێ چەندێ پێشکێشی خەلکێ ھەمی عیراقێ و ھەرێما کوردستانێ ب گشتی و قەزا زاخۆ ب تایبەتی بکەین، ژ بەر کو رێیەکا نێڤدەولەتی یە و گۆت: "پشتی سەرەدانا سەرۆکێ حکومەتا ھەرێما کوردستانێ بۆ قەزا زاخۆ رەزامەندی ل سەر کۆمەکا پرۆژان ھاتەکرن و جەنابێ سەرۆکێ حکومەتێ گەلەک دووپاتی ل وێ چەندێ کر کو ئەڤ پرۆژە ب شێوەیەکێ بلەز و ب کوالێتیەکا باش بکەڤتە د بوارێ بجھئینانێ دا و پرۆژێ جووتسایدێ رێیا نێڤدەولەتی یا ئیبراھیم خەلیل ل قەزا زاخۆ ژی ھەر د چارچوڤێ وان پرۆژان دا بۆ کو وەکو تەندەر بۆ کۆمپانیا کاڤین گرۆپ کەفتبوو و ل دەمەکێ گەلەک زوو ب دووماھی ئینا و ئەڤرۆ ھاتە ڤەکرن، ب ڤێ چەندێ ژی بۆ مە دیار دبیت کو نوکە کۆمپانیێن مە یێن ھەرێما کوردستانێ دشێن ھەڤڕکیا کۆمپانیێن بیانی بکەن ژ لایێ کوالێتی و دیزاینێ ڤە".
ناڤھاتی ئاماژە دا وێ چەندێ کو ژ بلی ئەو پرۆژێن ب شێوەیێ تەندەر ھاتینە راگەھاندن ٣٢ پرۆژێن دێ راستەوخۆ ژ لایێ دامودەزگەھێن حکومەتێ ڤە دھێنە برێڤەبرن کو ژ ڤی سەرجەمی نوکە ٢٨ پرۆژە ب دووماھی ھاتینە و کەفتینە د خزمەتا خەلکی دا کو بەھرا پتریا وان پرۆژان یێن خزمەتگۆزاری نە و گۆت: "سوبەھی رۆژا ١٣/٤/٢٠٢١ دێ سەرەدانا قەزا ئامێدیێ کەین و دێ بەرێ بنیاتی بۆ ژمارەکا پرۆژان ل وێ دەڤەرێ دانین کو دوھی ژی مە ١٢ پرۆژێن ستراتیژی ل قەزا شێخان ب کۆژمێ پتری چار ملیار دیناران خستنە د خزمەتا وەلاتیان دا و ل رۆژێن داھاتی دێ سەرەدانا قەزایێن دی ژی یێن پارێزگەھا دھۆکێ کەین و بەرێ بنیاتی دێ بۆ چەندین پرۆژێن خزمەتگۆزاری ل وان قەزایان ژی ھێتە دانان".
رێوار محەمەد رەشید