Kurdî  ■  كوردی  ■  عربي
MON, 1 MAR 2021 04:37 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خەسرۆ گۆران، داوایه‌ك لە ئەندامانی پارتی دیموكراتی كوردستان دەكات
| KDP.info


ھەولێر-KDP.info- بەرپرسی دەزگای ھەڵبژاردنی پارتی دیموكراتی كوردستان رایدەگەیەنێت، نوێكردنەوەی تۆماری دەنگدەران لە ھەموو عێراق دەستی پێكردووە و، ئەمساڵیش سێ تەمەنی نوێ لە هاووڵاتیان دەتوانن دەنگ بدەن و پێویستە سەردانی بنكەكانی دەنگدان بكەن، بۆ ئەوەی ناوی خۆیان تۆمار بكەن. داواشی لە كادیرانی پارتی كرد، سەردانی بنكەكانی تۆماری دەنگدەران بكەن تا لە ناوەكانیان دڵنیا بن.

خەسرۆ گۆران، بۆ ماڵپەڕی فەرمیی پارتی دیموكراتی كوردستان گوتی: "لە ھەموو عێراق پرۆسەی نوێكردنەوەی تۆماری دەنگدەران دەستی پێكردووە و ھەموو خەڵك دەتوانن سەردانی بنكەكانی دەنگدان بكەن، بۆ ئەوەی ناوی خۆیان ئەبدەیت بكەنەوە و ئەوەی ناوی نییە زیادی بكات یان بگوازێتەوە، ئەمجارەش موالیدی نوێی ٢٠٠١و٢٠٠٢و٢٠٠٣ مافی دەنگدانیان دەبێت، بۆیە پێویستە سەردانی بنكەكان بكەن بۆ ئەوەی ناویان زیاد بكەن و ئەمجارە دەنگ بدەن".

گۆران روونیشی كردەوە: "پێویستە ئەوەی مافی دەنگدانی ھەیە، كارتی ھەبێت و پەنجەمۆری لێ وەرگیرێت و وێنە لەسەر كارتەكەی ھەبێت وەكو ناسنامەیەك، بۆیە داوا لە ئەندامانی پارتی دیموكراتی كوردستان دەكەین ھەمووان لە ماوەی ئەم مانگەدا سەردانی بنكەكانی دەنگدان بكەن بۆ نوێنكردنەوەی ناوەكانیان لە تۆماری دەنگدەران، بۆ ئەوەی ھەر ھەڵەیەك ھەبێت، چارەی بكەن".

لەبارەی ناوچە كوردستانییەكانیشەوە، بەرپرسی دەزگای ھەڵبژاردنی پارتی دیموكراتی كوردستان گوتی: "ئەوانەی ئاوارەی ھەرێمی كوردستان بوونە، ئەگەر لە ناوچەكانی خۆیان نەبێت، ناتوانن دەنگ بدەن، بۆیە پێویستە سەردانی ناوچەكانی خۆیان بكەن و پسوولەی خۆراك ببەن بۆ ئەوەی بێبەش نەبن و، ئێمەش لەگەڵ كۆمسیۆن لەسەر هێڵین بۆ ئەوەی ھەر كێشەیەك ھەبێت، بۆیان چارەسەر بكەین".

دەشڵێ، ئەوانەی بیانەوێت لە بازنەیەك دەنگ بدەن، پێویستە فۆڕمی خۆراكی ئەوێ بێت و چەند ساڵ بێت لەوێ نیشتەجێ بووبێت، تا مافی دەنگدانی ھەبێت، ئەگەر نا ناتوانێ دەنگ بدات.

 

بڵند ئیبراھیم




دوایین هەواڵەکان

"پێشانگایەک بۆ کۆمپانیاکانی چین و کوردستان بەڕێوە دەچێت"

SUNDAY, 28 FEBRUARY 2021 17:02:01

هەولێر-KDP.info- بڕیارە لە سەرەتای مانگی داھاتوو پیشانگایەک بۆ کۆمپانیاکانی ھەرێمی کوردستان و وڵاتی چین بەڕێوە بچێت و سەرۆکی لقی ھەولێری یەکێتیی ھاوردە و ھەناردەکارانیش دەڵێت، چین دەیەوێت ڕۆڵی ھەبێت لە کەرتی بازرگانیی ھەرێمی کوردستان.

 

سبەی پەرلەمانتارێکی پارتی سوێندی یاسایی دەخوات

SUNDAY, 28 FEBRUARY 2021 16:02:34

ھەولێر -KDP.info- سکرتێری پەرلەمانی کوردستان گوتی، بڕیارە سبەی پەرلەمانی کوردستان کۆ بێتەوە و وەرزێکی نوێی یاسادانان دەست پێ بکات و بەرنامەی کاری کۆبوونەوەی سبەی لە پێنج خاڵ پێک ھاتووە، یەکێک لەوانە کاندیدێکی نوێی پارتی دیموکراتی کوردستان لە شوێنی ئومێد خۆشناو سوێندی یاسایی دەخوات.

 

حسێن قائیدی: یاسای ڕزگاربووانی دەستی داعش یاسایەکی مرۆڤییە

SUNDAY, 28 FEBRUARY 2021 15:02:23

دهۆک-KDP.info-  بەرپرسی نووسینگەی ڕفێنراوانی کوردی ئێزدی لە پاریزگای دهۆک ڕایگەیاند، بریارە ڕۆژی دووشەممە دەنگ بە یاسای ڕزگاربووانی دەستی داعش بدرێت.

 

لیوا حەمە ڕێگر: داعش دزەی کردووەتە نێو ھەندێ ناوچەی کەرکووک

SUNDAY, 28 FEBRUARY 2021 15:02:45

کەرکوو-KDP.info- چەکدارانی داعش دزەیان کردووەتە نێو ھەندێ گوندی نزیک ڕێگەی سەرەکیی کەرکووک- ھەولێر و فەرماندەیەکی پێشمەرگەش دەڵێت، دزەکردنی چەکدارانی داعش بۆ ناوچەکە بۆ پەیداکردنی نان و پێداویستی بووە.

 

سێ حزبی كوردستانی: لە كەركووك ئاستی گەندەڵی و بەهەدەردان مەترسیدارە

SUNDAY, 28 FEBRUARY 2021 13:02:07

كەركووك-KDP.info- لە كەركووك دەسەڵاتێكی سەپێندراو لە 16ـی ئۆكتۆبەری 2017ـوە دەستی بەسەر شارەكەدا گرتووە و گەندەڵی گەیشتووەتە دۆخێكی مەترسیدار، بەرپرسانی حزبە كوردستانییەكانیش دەڵێن، لە كەركووك خزمەتگوزارییەكان سفر بوونەتەوە و شەقام و باڵاخانەكانی دەوڵەت بە تەواوەتی تێك چوون.



 
© 2020 Kurdistan Democratic Party, KDP

Contact