Kurdî  ■  كوردی  ■  عربي
MON, 25 JAN 2021 07:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کۆمەڵەی قوربانیانی چەکی کیمیاوی داوا دەکات چاکسازی لە فایلی بەرکەوتووان بکرێت
| KDP.info


هەڵەبجە-KDP.info- ئەمڕۆ ڕۆژی جیهانیی بەرکەوتووانی چەکی کیمیاوییە و لە کوردستان بەهۆی ڕەفتارە دڕندەکانی ڕژێمەکانی عێراقەوە هەزاران هاووڵاتیی بەرکەوتووی چەکی کیمیاوی هەیە، کۆمەڵەی قوربانیانی هەڵەبجە داوا دەکەن ڕژێمی عێراق قەرەبووی بەرکەوتووانی هەڵەبجە بکاتەوە.

لوقمان عەبدولقادر، سەرۆکی کۆمەڵەی قوربانیانی کیمیابارانی هەڵەبجە، بە ماڵپەڕی فەرمیی پارتی دیموکراتی کوردستانی ڕاگەیاند: "لە یاداشتێکدا داوامان لە حکوومەتی عێراق کردووە، چۆن قەرەبووی دەوڵەتی کوێت دەکاتەوە، ئاوهاش دەبێت قەرەبووی هەڵەبجەییەکان و بەرکەوتووانی چەکی کیمیاوی بکاتەوە و، بەدەم کەیسی قوربانیانەوە بێت".

لوقمان عەبدولقادر گوتیشی: "داوا لە پەرلەمانی کوردستان دەکەین یاداشتیشیان بۆ بەرز دەکەینەوە پڕۆژەیاسایەک بۆ قوربانیانی کیمیابارانی هەڵەبجە دەربکات، کاتێک هەوڵ دەدەین کەیسی هەڵەبجە لە ئاستی نێودەوڵەتیدا بەجینۆساید بناسرێت، ناکرێت لە ناوخۆی کوردستان یاسایەک نەبێت پارێزگاری لە قوربانیانی هەڵەبجە بکات".

داوامان کردووە لەو ڤاکسینەی بڕیارە بێتە عێراق و کوردستان، ڕەچاوی بەرکەوتووانی چەکی کیمیاوی بکرێت و بەشی تایبەتیان بۆ دابندرێت، لە ئاستی کوردستان ٩٧٢ بەرکەوتووی چەکی کیمیاوی هەیە، ٥٤٨ بەرکەوتوو لە هەڵەبجە داوامان کردووە چاکسازی لە فایلی بەرکەوتووانی چەکی کیمیاوی بکرێت ئەو کەسانەی بەرکەوتوو نین لاببرێن و ئەوانەی بەرکەوتوون و تاکو ئێستا فایلیان بۆ نەکراوە فایلیان بۆ بکرێت، تیمی پسپۆڕ پێداچوونەوەکان بکەن و تاکوو ئێستا لە کوردستان شارەزای ئەوتۆمان نییە لە چەکی کیمیاوی، کەسانێک نەخۆشیی کۆئەندامی هەناسەیان هەیە، یان چاویان کز بووە بەرکەوتووی چەکی کیمیاوی نین." سەرۆکی کۆمەڵەی قوربانیان وای گوت.

عەزیز ڕەسووڵ

 




دوایین هەواڵەکان

له ‌سلێمانى به‌ بڕى 100 ملیار دینار گه‌وره‌ترین کۆگاى بازرگانى دروست ده‌کرێت

SUNDAY, 24 JANUARY 2021 18:01:17

سلێمانی-KDP.info- ژوورى بازرگانى و پیشه‌سازیى سلێمانى نوێترین گه‌نجینه‌ بۆ هه‌ڵگرتنى خۆراک و پێداویستییه‌کان به‌ پێوه‌ر و ستاندارده‌ جیهانییه‌کان دروست ده‌کات و ئێستا کاری تێدا دەکرێت.‌ به‌ڕێوبه‌رى پرۆژه‌که‌ش ده‌ڵێت, پرۆژەکە یه‌کێکه‌ له‌ پرۆژه‌ ستراتیژى و گرنگه‌کانى شارى سلێمانى که‌ هاوشێوه‌ى له‌ عێراقدا نییه‌ و تاکو ئێستا هیچ پرۆژه‌یه‌کى له‌م شێوه‌یه‌ له‌ عێراق و هه‌رێمى کوردستان دروست نه‌کراوه‌ .

 

"ئەمساڵ ژمارەیەک پڕۆژەی ستراتیژی دەخرێنە بواری جێبەجێکردنەوە"

SUNDAY, 24 JANUARY 2021 18:01:42

هەولێر-KDP.info-  بڕیارە لە ماوەیەکی نزیکدا ژمارەیەک پڕۆژەی وەبەرھێنان بخرێنە بواری جێبەجێکردن و بەرپرسێکی دەستەی وەبەرھێنانیش دەڵێت، ژمارەیەک لەو پڕۆژانە ستراتیژین و بەسەر ھەرچوار پارێزگادا دابەش کراون.

 
لە پەرلەمان ھەوڵ دەدرێت بە پڕۆژەیاسایەک خزمەتی زیاتر بە پێشمەرگە دێرینەکان بکرێت

SUNDAY, 24 JANUARY 2021 17:01:30

ھەولێر-KDP.info- ئەندامی لیژنەی پێشمەرگەی پەرلەمانی کوردستان گوتی، پڕۆژەیاسایەکی تایبەت بە پێشمەرگەی دێرین لە پەرلەمانی کوردستان ھەیە کە کۆمەڵێک خاڵ لە خۆ دەگرێت و چەندین ئیمتیاز بۆ پێشمەرگەی دێرین دابین دەکات و سەرۆکی پەرلەمانیش بۆ تێپەڕاندنی پڕۆژەکە بەڵێنی داوە داوا لە سەرۆک بارزانی و لایەنەکان بکات ھاوکاریی پەرلەمان بکەن، چونکە دەستکەوتی ھەرێمی کوردستان بەرھەمی پێشمەرگە دێرینەکانە.

 

شێخ شامۆ: ئێزدییەکان ناگەڕێنەوە ژێر دەستی ھێزە ناشەرعییەکان

SUNDAY, 24 JANUARY 2021 16:01:33

دهۆک-KDP.info-  ڕاوێژکاری سەرۆکی حکوومەت بۆ کاروباری ئێزدییان، شێخ شامۆ، لە کورتە هەڤپەیڤێنێکی ماڵپەڕی فەرمیی پارتی دیموکراتی کوردستاندا باسی چەندین تەوەری گرێدراو بە ڕەوشی ئێزدییان و شنگال دەکات و دەڵێت، ئێستا لایەنە نەشەرعییەکان شنگالیان کردووەتە سەربازگە و پرۆسەی بەتەشەیوعکردن تێیدا بەردەوامە.

 

ساڵی رابردوو بە سەدان كارگە لە دھۆك دامەزراون

SUNDAY, 24 JANUARY 2021 13:01:52

دهۆك-KDP.info- ساڵی رابردوو، بە سەدان كارگە لە پارێزگای دھۆك دامەزراون و سەرۆكی ژووری پیشەسازی و بازرگانیی پارێزگای دھۆكیش دەڵێ، كارگەكان ھەزاران دەرفەتی كاریان رەخساندووە.



 
© 2020 Kurdistan Democratic Party, KDP

Contact