Kurdî  ■  كوردی  ■  عربي
WED, 28 JUL 2021 15:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگه‌یاندراوێك له‌ مه‌كته‌بی سیاسی پارتی دیموكراتی كوردستانه‌وه‌
| KDP.info


ھەولێر-KDP. info-  مەکتەبی سیاسی پارتی دیموکراتی کوردستان، سەبارەت بە ھێرشی بەشێکی میلیشیاکان بۆسەر بارەگای لقی پێنجی پارتی لە بەغداو سوتاندنی ئاڵای پیرۆزی کوردستان، راگەیاندراوێکی بڵاوکردەوە کە ئەمە دەقەکەیەتی..

سه‌رله‌به‌یانی ئه‌مڕۆ، رێكه‌وتی 17ی ئۆكتۆبه‌ری 2020، به‌شێكی سه‌رلێشێواو و سه‌رگه‌ردان له‌ میلیشیاكان، كه‌ دورن له‌ پرنسیپه‌ نیشتمانیه‌كان و هه‌ستكردن به‌ به‌رپرسیاریه‌تی و، دژ به‌ دیموكراسیه‌ت و ئازادی، هێرشیان كرده‌ سه‌ر باره‌گای لقی (5)ی پارتیمان و به‌ شێوه‌یه‌كی دور له‌ به‌های نیشتمانی و پێكه‌وه‌ژیان، باره‌گاكه‌ و ئاڵای پیرۆزی كوردستانیشیان سوتاند. له‌ كاتێكدا به‌توندترین شێوه‌ ئیدانه‌ی ئه‌و كرده‌وه‌ نا به‌رپرسانه‌ ده‌كه‌ین كه‌ به‌رامبه‌ر باره‌گایه‌ك كراوه‌ كه‌ ته‌نیا ئه‌ركی‌ ئه‌نجامدانی چالاكی سیاسییه‌ له‌ چوارچێوه‌ی یاسادا، له‌ هه‌مان كاتدا هۆشداری ده‌ده‌ین كه‌ ئه‌وانه‌ی ناویان له‌خۆیان ناوه‌ (ربع الله‌) و هاوكاره‌كانیان، كرده‌وه‌كانیان دور و نزیك په‌یوه‌ندیان به‌ ئیسلامه‌وه‌ نیه‌ و ناوی ئیسلام ته‌نیا  بۆ په‌رده‌پۆشكردنی تاوانه‌كانیان به‌كاردێنن، به‌م ره‌فتارانه‌یان ته‌واوی پرۆسه‌ی سیاسی عێراق ده‌خه‌نه‌ بارودۆخێكی مه‌ترسیدار و، هه‌ڕه‌شه‌ن بۆ ئیستیقراری عێراق و ئاشتی كۆمه‌ڵایه‌تی و، حوكمڕانیش به‌ره‌و هه‌ڵدێر ده‌به‌ن.
ئێمه‌ له‌ پارتی دیموكراتی كوردستان، سه‌ره‌ڕای ئیدانه‌كردنی ئه‌م كرده‌وه‌ ناشارستانیه‌، داوا له‌ حكومه‌تی فیدراڵی ده‌كه‌ین، له‌ زوترینكاتدا ئیجرائاتی یاسایی به‌رامبه‌ر ئه‌نجامده‌رانی بگرێته‌ به‌ر، كه‌  گروپێكی ناسراون و راگه‌یاندراویان سه‌باره‌ت به‌ تاوانه‌كه‌یان بڵاوكردۆته‌وه‌، هه‌روه‌ها نیگه‌رانی و دڵگرانی خۆشمان ده‌رده‌بڕین له كه‌مته‌رخه‌می ئه‌و هێزانه‌ی پاراستنی باره‌گه‌كه‌یان پێسپێردرابوو كه‌ به‌داخه‌وه‌ وه‌كو پێویست به‌ ئه‌ركه‌ سه‌رشانی خۆیان هه‌ڵنه‌ستان و هیچ رێگرییه‌كیان له‌ گێره‌شێوێنان نه‌كرد..

مه‌كته‌بی سیاسی
پارتی دیموكراتی كوردستان
17ی ئۆكتۆبه‌ری 2020
 




دوایین هەواڵەکان

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 
وەزارەت: لە پلانماندایە تا كۆتایی ئەمساڵ 40%ی هاووڵاتیان بكوترێن

WEDNESDAY, 28 JULY 2021 13:07:09

هەولێر-KDP.info- راوێژكاری وەزیری تەندروستیی حكوومەتی هەرێمی كوردستان رایدەگەیەنێت، لە پلانیاندایە تا كۆتایی ئەمساڵ 40 لەسەدی هاووڵاتیانی كوردستان بە ڤاكسینی كۆرۆنا بكوترێن، لەگەڵ شاندی هەرێمی كوردستانیش لە نێو شاندی حكوومەتی عێراق، بۆ كڕینی ڤاكسین لە ئەمەریكا لەسەر هێڵن.

 


 
© 2021 Kurdistan Democratic Party, KDP

Contact