هەولێر-KDP.info- ژمارەیەک پڕۆژەی وەبەرهێنان کێشەکانیان چارەسەر کراوە و بەڕێوەبەری گشتیی وەبەرهێنانی هەولێریش دەڵێ، لە ئایندەیەکی نزیکدا سێ پڕۆژە دەست بە کار دەکەنەوە.
سامان عارەب، بەڕێوەبەری گشتیی وەبەرهێنانی هەولێر، بە ماڵپەڕی فەرمیی پارتی دیموکراتی کوردستانی راگەیاند: " بەشێک لەو پڕۆژانەی وەبەرهێنان کە کێشەیان تێدا بوو و بەو هۆیەوە راگیرابوون، کێشەکانیان چارەسەر کراوە، لەوانەش هەرسێ پڕۆژەی دەشتی بەهەشت و کۆیە ستی و کانی ئەڵمانی، کە بڕیارە لە ماوی یەک مانگدا دەست بە کار بکەنەوە".
بەڕێوەبەری وەبەرهێنانی هەولێر گوتیشی: "سێ پڕۆژەی دیکەش پێشتر کێشەیان چارەسەر کراوە و لە ئێستادا کاریان تێدا بەردەوامە".
لەبارەی لێپرسینەوە لە وەبەرهێنەرە کەمتەرخەمەکان، سامان عارەب جەختی کردەوە: "هەر وەبەرهێنەرێک کەمتەرخەمیی کردبێت، لێپرسینەوەی لەگەڵ کراوە و ژمارەیەک وەبەرهێنەر دراونەتە دادگا و گەشتکردنیش لە چەندین وەبەرهێنەر قەدەغە کراوە".
قائید میرۆ