شنگال-KDP.info- فەرماندەیەکێ پێشمەرگەی دبێژت، ئەوێ کورد بیت دڤێت ڕووبرووی هەموو ژان و ئازارن ببیت، ژبەر هندێ ژی هەردەم بووینە پلانا داعش و دوژمنان، و ئارمانجا وان نەمانا گەلێ کورد بوو ب تەڤاهی.
سەرۆک بارزانی دبیاڤێ ئەوێ کۆمەلکوژییا شنگالێ دا دیارکربوو، کچێن ئێزدییان هێمایێ شەرەفا گەلێ کوردن، ئەو کەسێن ئەڤ تاوانە ب سەرێ کوردێن ئێزدی ئینایین ل هەر جهەکێ جیهانێ بن دێ تۆلێ لێ کەنەڤە.
عەمید سمێ بۆسەڵی، ئەندامێ فەرماندەیا زێرەڤانی بۆ ماڵپەڕێ فەرمیێ پارتی دیموکراتی کوردستان دبێژیت، کۆمەلکوژییا شنگالێ ل ٣ــی ٨ ــی ٢٠١٤ــێ کۆمەلکوژییەکە چو جاران نائێتە ژبیرکرن، داعشێ دڤیا گورزەکێ ل تەڤاهییا کوردان بدەت د وێ رێکێدا، جوگرافییا شنگال ژی وەسابوو دخواستن د وێ رێکێ دا خۆ بگەهینن، خەلکێ دەوروبەرێن شنگال نە ئارامییەک بۆ شنگالێ دروستکر، داعشێ ئەو ب دەرفەت زانی کو وێ ڤالاهییا بخۆ ب دەرفەت ببینت و هێرشی شنگالێ کر.
هەروەها د هەمان پرسا شنگالێ و ئێزدییاندا سەرۆک بارزانی راگەهاندبوو، ئەگەر ئێزدیخان نەما ل وی دەمی کوردستان نەمایە، بۆسەلی گۆتژی:" ئارمانجا دوژمنی هەموو جاران ئەو بوویە کو گەلی کورد بکەتە قوربانی، و وەک درێژەپێدانا تەڤاهیا کارەساتێن دی، ڤیجارێ خەلکێ شنگال کرنە قوربانی.
" سەرۆک بارزانی دیار ژی کربوو، ئەو تیرۆریستێن دەستدرێژی کرین ل هەر جهەکێ دنیایی بن ئەو لێ خۆش نابن و تۆلەیێ لێکەنەڤە و سۆزدابوون جارەکا دی شنگالێ رزگار بکەین و ب سەرپەرەشتیا سەرۆک بارزانی شنگال هاتە رزگارکرن....بۆسەڵی هۆسا گۆت.
ئاماژەدا، ئەو داعشێن دەستێ وان ب خوینا ئێزدیان سۆربووین، کەفتنە بن پێیێن ئێزدیان، مە بڕیار دابوو وێ تۆلەیێ لیڤەکەین، و ئێزدیخان ب سەرفەرازی مایەڤە و ئەفسانەیا داعشێ ل سەر دەستێ پێشمەرگەی هاتە ژناڤبرن و ئەوان شیا شنگالێ ژ دەستێ داعشێ رزگاربکەن.
کاروان باعەدری