Kurdî  ■  كوردی  ■  عربي
FRI, 22 JAN 2021 03:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ئەنفالی بارزانییەکان؛ یەکێک لە تاوانە گەورەکانی سەدەی ڕابردوو "
| KDP.info


بارزان-KDP.info- ئەنفالی بارزانییەکان یەکێکە لەو تاوانانەی لە مێژووی مرۆڤایەتیدا کەموێنەن و بە یەکێک لە تاوانە گەورەکانی سەدەی ڕابردوو ھەژمار دەکرێت و کوڕە شەھیدێکی بارزانییش دەڵێت: ''گەورەترین تاوان بەرامبەر بە ئێمەی بارزانی کرا، تەنیا لەبەر ئەوەی کورد بووین و بارزانی بووین.''

ڕژێمی بەعسی لەناوچوو ٣٧ ساڵ بەر لە ئێستا و لە بەرەبەیانی ڕۆژی ٣١/٧/١٩٨٣دا بە ھێزێکی زۆرەوە ھەریەکە لە کۆمەڵگەکانی قوشتەپە، بەحرکە، ھەریر و دیانای گەمارۆ دا و لە پڕۆسەیەکی بێویژدانەدا ھەشت ھەزار ھاووڵاتیی سڤیلی بارزانیی بەرەو بیابانەکانی عێراق ڕاپێچ کرد و دواتر بە وەحشیانەترین شێوە و دوور لە ھەموو بەھایەکی ئایینی و مرۆڤایەتی زیندەبەچاڵ کران و شەھید کران.

دڵشاد بارزانی، یەکێکە لەو کەسانەی وەک ھەزاران گەنجی بارزانی بەبێ باوک گەورە بووە، بۆ ماڵپەڕی فەرمیی پارتی دیموکراتی کوردستان گوتی: "باوکم ساڵی ١٩٨٣ لەلایەن ڕژێمی بەعسی لەناوچووەوە جینۆساید کرا و من بەبێ باوک لەلایەن دایکمەوە گەورە کرام، کەس ھێندەی ئێمە کوڕە بارزانی لە نیعمەتی بێباوکی بێبەش نەکراون و دەیان و سەدان و ھەزاران منداڵی بارزانی لە دووای پڕۆسەی بەناو ئەنفال بەبێ باوک گەورە بوون."

دڵشاد بارزانی ئاماژەی بۆ ئەوە کرد: "ھەرچەندە دایکە جگەرسووتاوەکانی ئێمە درێغییان نەکرد و توانییان جێگەی باوکیش بۆ ئێمە بگرنەوە، بەڵام ئەوەی ژیانی بێباوکایەتیی نەدیبێت، نازانێت چەند ئازاربەخشە، بەتایبەتی کە ئێمە باوکی ھاوڕێیانمان دەبینین.''

محەمەد مەجید، گەنجێکی دیکەی بارزانییە و کاتێک باوکی لەگەڵ بارزانییەکان جینۆساید کرا تەنیا تەمەنی چەند ساڵێک بوو، ئەویش بۆ ماڵپەڕی فەرمیی پارتی دیموکراتی کوردستان دەڵێت: "ڕژێمی سەددام کارەساتی بەسەر ئێمەی بارزانی ھێنا کە تەنیا تاوانمان ئەوە بوو کە کورد و بارزانی بووین، ئێمە پەشیمان نین لەو قوربانیدان و خەباتەی ڕابردوو، چونکە بێگومان ھیچ دەستکەوت و مافێکی کورد بەبێ قوربانیدان مەحاڵە بەدەست بێت."

محەمەد مەجید بە ئاھێکی قووڵەوە گوتی: "لەبیرمە دوای پڕۆسەی بەنێو ئەنفال چ ئازارێکمان چەشت و چۆن ڕژێم باوکی ئێمەی زیندە بەچاڵ کرد و دواتر گەمارۆی خستە سەر کۆمەڵگەی قوشتەپە، ئەوکات من و خۆشک و براکانم تەمەنی ئەوەمان نەبوو ماڵ بەڕێوە بەرین و دایکم بە سەد دەردەسەری و کرێکاری ئێمەی بەخێو کرد."

ھەدار بارزانی، پارێزەری دۆسیەی جینۆسایدی بارزانییەکان، بە ماڵپەڕی فەرمیی پارتی دیموکراتی کوردستانی ڕاگەیاند: "بڕیاری دادگا ھەیە بۆ قەرەبووکردنەوەی بارزانییەکان و ئەو ھەموو زیانانەی بەھۆی شاڵاوە بەدناوەکانی ئەنفال و کارەساتەکانی سەردەمی ڕژێمی بەعسەوە پێیان گەیشتووە، بەڵام تا ئێستا حکوومەتی عێراق ئامادە نییە بۆ قەربووکردنەوەی کەسوکاری قوربانیانی ھەرێمی کوردستان."

 




دوایین هەواڵەکان

"بەبێ پێشمەرگە ئارامی بۆ عێراق ناگەڕێتەوە"

THURSDAY, 21 JANUARY 2021 15:01:33

به‌غداد - KDP.nfo - له‌ بازاڕێكی شه‌عبیی عێراق دوو ته‌قینه‌وه‌ ڕووی دا و ده‌یان كوژراو و بریندری لێ كه‌وته‌وه‌. هێزه‌ عێراقییه‌كان هه‌ریه‌كه‌ و مه‌رجه‌عێكیان هه‌یه‌، سه‌رۆكوه‌زیران به‌ناو فه‌رمانده‌ی گشتیی هێزه‌ چه‌كداره‌كانه‌، داعش به‌ هێزه‌وه‌ سه‌ری هه‌ڵداوه‌ته‌وه،‌ به‌بێ پێشمه‌رگه‌ ئه‌منییه‌ت بۆ عێراق ناگه‌ڕێته‌وه‌.

 
سەرۆك بارزانی لە پەیامێكدا ئیدانەی كردەوە تیرۆریستییەكانی شاری بەغدا دەكات

THURSDAY, 21 JANUARY 2021 15:01:31

بەناوی خودای بەخشندە و میهرەبان

 
سالیادا دامەزراندنا کۆمارا کوردستان ل دھۆکێ ھاتە ساخکرن

THURSDAY, 21 JANUARY 2021 14:01:26

دھۆک-KDP.info- سالیادا کۆمارا کوردستان (مھاباد) ئەڤرۆ رۆژا ٢١/١/٢٠٢٠١ ب ئامادەبوونا (د.عەلی تەتەر) پارێزگارێ دھۆکێ و لایەنێن سیاسی و دامودەزگەھێن حکومی و کەسایەتیێن دەڤەرێ ژ لایێ رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی ل گەل دەزگایێ پاراستنا ئالایێ کوردستانێ ڤە ل ھۆلا سەنتەرێ پێشمەرگە یێ رەوشەنبیری ل باژێرێ دھۆکێ ھاتە ساخکرن 

سەرۆك بارزانی نامەیەك بۆ سەرۆك بایدن دەنێرێت

THURSDAY, 21 JANUARY 2021 14:01:48

ھەولێر-KDP. info-  سەرۆك مەسعود بارزانی لە نامەیەكدا بۆ سەرۆك جۆزێف بایدن سەرۆكی ویلایەتە یەكگرتووەكانی ئەمەریكا، دووبارە پیرۆزبایی لێ كرد بە بۆنەی هەڵبژاردنی وەك سەرۆكی ئەمەریكا و هیوای سەركەوتنی بۆ خواست.

سه‌رۆكایه‌تیى هه‌رێمى كوردستان سه‌ركۆنه‌ى هێرشه‌ تیرۆرستییه‌كانى به‌غدا ده‌كات

THURSDAY, 21 JANUARY 2021 14:01:57

ھەولێر-KDP. info-  به‌ توندی سه‌رکۆنه‌ی ئه‌و هێرشه‌ تیرۆرستییه‌ خۆکوژییانه‌ ده‌که‌ین که‌ ئه‌مڕۆ له‌ به‌غدا به‌ شێوه‌یه‌كى زۆر دڕندانه‌ هاووڵاتیانی کرده‌ ئامانج و ژماره‌یه‌کی زۆریان شه‌هید و بریندار بوون. پرسه‌ و سه‌ره‌خۆشی له‌ خانه‌واده‌کانیان ده‌که‌ین و هاوسۆز و هاوخه‌میانین، هیوای سه‌لامه‌تی و زووچاکبوونه‌وه‌ بۆ برینداران ده‌خوازین. هه‌رێمى كوردستان به‌ هه‌موو شێوه‌یه‌ك ئاماده‌یه‌ له‌ نه‌خۆشخانه‌كانى پێشوازى له‌ برینداران و به‌ركه‌وتووانى هێرشه‌كان بكات و هه‌موو خزمه‌تگوزارییه‌كى پزیشكیى پێویستیان پێشكه‌ش بكات.

 


 
© 2020 Kurdistan Democratic Party, KDP

Contact