Kurdî  ■  كوردی  ■  عربي
MON, 3 AUG 2020 20:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا بەهجەت زانیاری لەسەر جێگیركردنی هێزی زێرەڤانی لە سنوورەكان ئاشكرا دەكات
| KDP.info


هەولێر-KDP.info- بەرپرسی هەواڵگریی گشتیی فەرماندەیی پێشمەرگەی زێرەڤانی، ئاماژە بە هەماهەنگیی هێزی پێشمەرگە و پاسەوانی سنوور دەكات لە سنوورەكانی كوردستان و، روونكردنەوەش لەسەر جێگیركردنی هێزی زێرەڤانی دەدات لەو سنوورانە، پێشی وایە دەبێت هێزی پێشمەرگە لە ناوچە كێشەلەسەرەكانیش رۆڵیان هەبێت.

لیوا بەهجەت سێلكی، بۆ ماڵپەڕی فەرمیی پارتی دیموكراتی كوردستان گوتی: "هێزەكانی پاسەوانی سنوور پێشتریش لە سەر سنوورەكان بوون و بارەگایان هەبووە، راستە سەر بە مەركەزن، بەڵام كوردن و هەماهەنگیی تەواو هەیە لە نێوان هێزەكان و تازە نین، كە لە 2004ـەوە لێرەن و شتی واش نییە كە دەگوترێ گوایە سوپای عێراق هاتووە".

سێلكی گوتیشی: "هێزی زێرەڤانی بەر لە شەڕی داعش لەو سنوورانە هەبوون، بەڵام لەبەر شەڕی داعش هێزەكان كەم كرانەوە، وەلێ ئێستا بەپێویست دەزانرێت ئەو شوێنانەی كە هەستیارن و گرنگن و تایبەتمەندییان هەیە، دووبارە پێشمەرگەیان لێ جێگیر بكرێت، چونكە وەك دەیبینین پێكدادان لە نێوان توركیا و پەكەكەدا هەیە و خاكی كوردستان لەلایەن هەردوولاوە پێشێل دەكرێت".

دەشڵێ: "پاسەوانی سنوور فەرمانیان لە بەغداوە بۆ دێت، بەڵام بە بێ هەماهەنگی لەگەڵ هێزەكانی كوردستان هیچ شتێك ناكەن بە تایبەت وەزارەتی ناوخۆ و پەیوەستیشن بەو ئەركەوە و رێنمایی لە وەزارەتی ناوخۆ وەردەگرن، ئەو هێزانەی ئێمەش كە چوونەتە ئەوێ، زیاتر بۆ پاراستنی ناوچەكەیە".

لیوا بەهجەت ئەوەشی خستەروو: "ئەو شوێنانەی دوای 16ی ئۆكتۆبەر چۆڵ كراون، تائێستا بارەگای پێشمەرگەیان لێ نییە و پێشمەرگە رۆڵی لەو شوێنانە نییە، تەنیا ئەو شوێنانە نەبێت كە لە سنووری كوردستانن، راستە كۆبوونەوە لە نێوان هەولێر و بەغدا كراوە بۆ هەماهەنگیی پێشمەرگە و سوپای عێراق، بەڵام چاوەڕوانی دەرئەنجامین و بوونی پێشمەرگەش گرنگیی زۆری هەیە لەو شوێنانە، چونكە دوای كشانەوەی پێشمەرگە لەو سنوورانە، داعش چالاك بووەتەوە و نەتەوەی كورد لەوێ بوونەتە قوربانی، خۆ ئەگەر پێشمەرگە بگەڕێتەوە، ماف و ژیانی هاووڵاتیان دەپارێزرێت".

 

كارزان سەباح هەورامی




دوایین هەواڵەکان

پارتی سەرەخۆشی لە صلاح دەلۆ دەکات

MONDAY, 03 AUGUST 2020 19:08:02

ھەڤاڵی بەڕێز کاک صلاح دەلۆ

مەکتەبی سیاسی پارتی پەیامێکی بڵاوکردەوە

MONDAY, 03 AUGUST 2020 15:08:09

پەیامی مەكتەبی سیاسی پارتی دیموكراتی كوردستان لە(6)ەمین ساڵیادی كارەساتی جینۆسایدی کوردانی ئێزدیی

حەسۆ هورمی: ١٨ بڕیاری نێودەوڵەتی بۆ دانپێدانانی جینۆسایدی ئێزدی و پێكهاتەكانی دیكە هەن

MONDAY, 03 AUGUST 2020 14:08:10

ئەمستردام-KDP.info- لە ٣ـی ئابی ٢٠١٤ـدا، داعش پەلاماری شنگالی دا و 6417 كەسی ئێزدی رفاندن، هەروەها ٣٦٠ هەزار كەس ئاوارە كران و زیاتر لە ١٢٠٠ كەسیش كوژران، كە لە كاتی هاتنی داعشدا،  كۆمەڵكوژییەكی گەورە بە سەر ئێزدییاندا هێنرا و شارەكەشیان خاپوور كرا.

پەیامی سەرۆك بارزانی بۆ شەشەمین ساڵیادی كارەساتی كۆمەڵكوژیی شنگال

MONDAY, 03 AUGUST 2020 13:08:50

بە ناوی خودای مەزن و دلۆڤان  

په‌یامى سه‌رۆكى هه‌رێمى كوردستان بۆ یادى كاره‌ساتى شه‌نگال

MONDAY, 03 AUGUST 2020 10:08:36

ھەولێر-KDP.info- نێچیرڤان بارزانى، سه‌رۆكى هه‌رێمى كوردستان، لە شەشەمین ساڵیادی كۆمەڵكوژی ئێزدییەكان لە شنگال و دەوروبەری، پەیامێكی بڵاوكردەوە و تێیدا رایدەگەیەنێت، له‌م یاده‌دا دووپاتى ده‌كه‌ینه‌وه‌ كه‌ هه‌رێمى كوردستان له‌سه‌ر هه‌وڵه‌كانى بۆ دابینكردنى سه‌قامگیرى و گێڕانه‌وه‌ى ئارامى و ئاوه‌دانكردنه‌وه‌ى شه‌نگال و كردنى به‌ پارێزگا به‌رده‌وام ده‌بێت.

 


 
© 2020 Kurdistan Democratic Party, KDP

Contact